Read Samoan Old Version Bible – O LE TUSI PAIA ISAIA, 4 Bible Online

ISAIA, 4 - Samoan Old Version Bible – O LE TUSI PAIA bible

ISAIA, 4

¹O lea aso e taofi atu ai e fafine e toafitu i le tane e toatasi, e faapea atu, Matou te aai i a matou lava mea e ‘ai, matou te oofu foi i o matou lava ofu, tau ina igoa i matou i lou igoa e aveeseina ai o matou luma.

²O lea aso e avea ai le La laau a Ieova ma mea matagofie ma le viia; o le fua foi o le laueleele e fai ma mea lelei ma le matagofie ia te i latou o Isaraelu o e ua sao.

³E ta‘ufaasaina foi le ua tuua i Siona, ma le ua toe i Ierusalema; o i latou uma o e ua tusia faatasi ma e o ola i Ierusalema;

⁴pe a uma ona fufulu ese e le Alii le otaota o tama fafine a Siona, a uma foi ona mulumuluina o le toto o Ierusalema ai totonu ia te ia, i le agaga o le faamasinoga, ma le agaga o le faamuina;

⁵ona faia lea e Ieova i luga o mea uma i le mauga o Siona, o i luga foi o le mea e potopoto ai, o le ao ma le asu i le ao, ma le pupula mai o le afi mumū i le po; auā e i ai le mamalu i luga o le matagofie uma.

⁶E i ai foi le fale apitaga e fai ma paolo i le ao ona o le vevela, a fai foi ma mea e malu ai, ma mea e ulu ai i le timuga ma le uaga.