Read Samoan Old Version Bible – O LE TUSI PAIA ESEKIELU, 48 Bible Online

ESEKIELU, 48 - Samoan Old Version Bible – O LE TUSI PAIA bible

ESEKIELU, 48

¹O igoa ia o itu aiga. E pau mai i le tuluiga o le itu i le itu i matu, e oo atu i le auala o Hetelona, e ui atu ai i Amato, o Hasarenana o le tuaoi o Tamaseko i le itu i matu, e oo atu i tala ane o Amato; o ona itu ia i sasae ma sisifo, o le tofi lea o Tanu.

²E soo foi tuaoi ma Tanu, e pau mai i le itu i sasae, e pau mai i le itu i sisifo, o le tofi lea o Asera.

³E soo foi tuaoi ma Asera, e pau mai i le itu i sasae, e pau mai i le itu i sisifo, o le tofi lea o Nafatali.

⁴E soo foi tuaoi ma Nafatali, e pau mai i le itu i sasae, e pau mai i le itu i sisifo, o le tofi lea o Manase.

⁵E soo foi tuaoi ma Manase, e pau mai i le itu i sasae, e pau mai i le itu i sisifo, o le tofi lea o Efaraima.

⁶E soo foi tuaoi ma Efaraima, e pau mai i le itu i sasae, e pau mai i le itu i sisifo, o le tofi lea o Reupena.

⁷E soo foi tuaoi ma Reupena, e pau mai i le itu i sasae, e oo i le itu i sisifo, o le tofi lea o Iuta.

⁸E soo foi tuaoi ma Iuta, e pau mai i le itu i sasae, e pau mai i le itu i sisifo, e i ai le taulaga tou te avatu, e lua sefulu afe ma afe e lima o u lona lautele, o lona umi foi e pei o isi tofi, e pau mai i le itu i sasae, e pau mai i le itu i sisifo; e tu loto ai le malumalu.

⁹O le taulaga tou te avatu ia Ieova, o lona umi e lua sefulu afe ma afe e lima o u, o lona lautele e sefulu afe.

¹⁰E faia foi lea ma taulaga paia mo le au ositaulaga; o lona umi i le itu i matu e lua sefulu afe ma afe e lima o u, o lona lautele i le itu i sisifo, e sefulu afe, o lona lautele i le itu i sasae, e sefulu afe, o lona umi i le itu i toga e lua sefulu afe ma afe e lima; e tu loto ai le malumalu o Ieova.

¹¹E fai ia mo le au ositaulaga, o e ua faapaiaina o le fanauga a Satoka, o e na tausi i a‘u mea e tausia, o e na le o ese ina ua o ese le fanauga a Isaraelu, e pei o sa Levī ona o ese.

¹²O le taulaga o le laueleele ua avatua, e avea ma mea e matuā paia lava ia te i latou, e soo tuaoi ma sa Levī.

¹³E feagai ma le tuaoi o le au ositaulaga se mea a sa Levī, o lona umi e lua sefulu afe ma afe e lima o u, o lona lautele e sefulu afe; o lona umi atoa e lua sefulu afe ma afe e lima, o lona lautele foi e sefulu afe.

¹⁴Latou te le faatauina atu ai lava sina fasi fanua, pe fesuiaiina, pe avea le faapolopolo o le laueleele; auā ua paia ia ia Ieova.

¹⁵O le lima gaafe ua totoe i le lautele i luma o le lua sefulu afe ma afe e lima, e fai lea ma mea tataga mo le aai, e fai ma mea e nonofo ai, e fai foi ma tuāfanua; e tu loto ai le aai.

¹⁶O ona fua foi nei; o le itu i matu e fa gaafe ma le lima o selau, o le itu i toga e fa gaafe ma le lima o selau, o le itu i sasae e fa gaafe ma le lima o selau, o le itu i sisifo e fa gaafe ma le lima o selau.

¹⁷O tuāfanua o le aai e lua selau ma le limagafulu i le itu i matu, e lua selau ma le limagafulu i le itu i toga, e lua selau ma le limagafulu i le itu i sasae, e lua selau ma le limagafulu foi i le itu i sisifo.

¹⁸O lona toe e tuaoi ma le taulaga o le tofi paia, e sefulu afe lona umi i sasae, e sefulu afe foi i sisifo, e feagai foi ia ma le taulaga o le tofi paia; o mea e tutupu ai e fai lea ma mea e ‘ai mā e auauna i le aai.

¹⁹O e auauna i le aai latou te auauna i ai mai itu aiga uma o Isaraelu.

²⁰O le taulaga atoa, e lua sefulu afe ma afe e lima i le tasi itu, e lua sefulu afe foi ma afe e lima i le isi itu; tou te avatu le taulaga paia e gatasitasi uma ona itu e fa, e faatasi ma le tofi o le aai.

²¹E fai foi le mea ua toe mo le alii sili i le tasi itu ma le isi itu o le taulaga paia, ma le tofi o le aai i luma o le lua sefulu afe ma afe e lima o le taulaga i le tuaoi i le itu i sasae, ma le itu i sisifo i luma o le lua sefulu afe ma afe e lima i le tuaoi i le itu i sisifo, e feagai ma tofi o le alii sili; e fai foi ia ma taulaga paia; e tu loto ai le malumalu o le fale.

²²E pau mai i le tofi o sa Levī, e pau mai foi i le tofi o le aai, (e i ai le tofi o le alii sili,) i le va o le tuaoi o Iuta ma le tuaoi o Peniamina, e fai lea mo le alii sili.

²³O itu aiga foi o totoe, e pau mai i le itu i sasae, e pau mai i le itu i sisifo, o le tofi lea o Peniamina.

²⁴E soo foi tuaoi ma Peniamina, e pau mai i le itu i sasae e pau mai i le itu i sisifo, o le tofi lea o Simeona.

²⁵E soo foi tuaoi ma Simeona, e pau mai i le itu i sasae, e pau mai i le itu i sisifo, o le tofi lea o Isakara.

²⁶E soo foi tuaoi ma Isakara, e pau mai i le itu i sasae, e pau mai i le itu i sisifo, o le tofi lea o Sepulona.

²⁷E soo foi tuaoi ma Sepulona, e pau mai i le itu i sasae, e pau mai i le itu i sisifo, o le tofi lea o Kato.

²⁸E soo foi tuaoi ma Kato i le itu i toga, e faasaga i le itu i toga, e pau mai i le tuaoi i Tamara, e pau mai i le vai o Meripa-Katesa, ma le alia e oo i le sami tele.

²⁹O le laueleele lea tou te vaevaeina i le vili i itu aiga o Isaraelu e fai ma tofi, o latou tofi foi ia, ua fetalai mai ai le Alii o Ieova.

³⁰O mea ia e o atu ai le aai; o le itu i matu e fa afe ma le lima selau o lona fua lea.

³¹O puipui foi o le aai e igoa ia i igoa o itu aiga o Isaraelu; e tolu puipui i le itu i matu; o le puipui o Reupena o le tasi lea, o le puipui o Iuta o le tasi lea, o le puipui o Levi o le tasi lea.

³²O le itu i sasae e fa gaafe ma le lima o selau o lona fua lea; e tolu foi puipui; o le puipui o Iosefa o le tasi lea, o le puipui o Peniamina o le tasi lea, o le puipui o Tanu o le tasi lea.

³³O le itu i toga, e fa gaafe ma le lima o selau o lona fua lea; e tolu foi puipui; o le puipui o Simeona o le tasi lea, o le puipui o Isakara o le tasi lea, o le puipui o Sepulona o le tasi lea.

³⁴O le itu i sisifo e fa gaafe ma le lima selau o lona fua lea ma o latou puipui e tolu; o le puipui o Kato o le tasi lea, o le puipui o Asera o le tasi lea, o le puipui o Nafatali o le tasi lea.

³⁵O lona faataamilosaga, e sefulu afe ma afe e valu o lona fua lea; o le igoa foi o le aai, e afua mai i lea aso, O LOO AFIO AI IEOVA.