Read Samoan Old Version Bible – O LE TUSI PAIA AMOSA, 7 Bible Online

AMOSA, 7 - Samoan Old Version Bible – O LE TUSI PAIA bible

AMOSA, 7

¹Ua faapea ona faailoaina mai ia te au e le Alii o Ieova; faauta, na ia faatupuina o sē akerise i ona faatoa tutupu ae o le vao mulimuli; faauta foi, o le vao mulimuli ia, a ua mavae atu seleselegāmutia a le tupu.

²Ona oo lea ina uma ona aai o le vao iti o le fanua, ona ou faapea atu ai lea, Le Alii Ieova e, ou te aioi atu ia e faamagalo mai. Pe tulai ia te ai Iakopo, auā ua vaivai lava ia?

³Ua salamo Ieova i lena mea; ua faapea mai Ieova, E le oo.

⁴Ua faapea ona faailoaina mai ia te au e le Alii o Ieova; faauta, na valaau atu le Alii o Ieova ia tauia i le afi, i le ua faaumatia le moana tele, ma faaumatia ai le tasi mea.

⁵Ona ou fai atu lea, Le Alii Ieova e, ou te aioi atu, ina soia; pe tulai ia te ai Iakopo, auā ua vaivai lava ia?

⁶Ua salamo Ieova i lenei mea; ua faapea mai le Alii o Ieova, E le oo foi lenei mea.

⁷Sa faapea ona faailoaina mai e ia ia te au; faauta, ua tu le Alii i le aupa tu sa‘o, ua i ai i lona aao o le fua faatautau.

⁸Ona fetalai mai lea o Ieova ia te au, Amosa e, se a ea se mea ua e iloa? I le ua ou faapea atu, O le fua faatautau. Ona fetalai mai ai lea o le Alii, Faauta, ou te tuu se fua faatautau i totonu o lo‘u nuu o Isaraelu, ou te le toe sopoia lava.

⁹E faatafunaina mea maualuluga a Isaako, e faatafunaina foi malumalu o Isaraelu; ou te tulai atu ma le pelu i le aiga o Ierepoamo.

¹⁰Ona alu lea o le feau a Amasia le ositaulaga a Peteli ia Ierepoamo le tupu o Isaraelu, ua faapea atu, Ua fouvale Amosa ia te oe i le aiga o Isaraelu, ua le lavā onosai le nuu i ana upu uma.

¹¹Auā ua faapea mai Amosa, E maliu Ierepoamo i le pelu, e matuā ta‘ita‘iina Isaraelu faatagata o taua ai lo latou lava laueleele.

¹²Ua faapea mai foi Amasia ia Amosa, Le tagata vaai e, alu ia, ina sola oe i le nuu o Iuta, ma e ‘ai i lea mea, ma vavalo ai.

¹³A e aua e te toe vavalo i Peteli; auā o le malumalu lea o le tupu, o le maota foi o le tupu.

¹⁴Ona tali atu lea o Amosa ua faapea atu ia Amasia, Ou te le se perofeta a‘u nei, ou te le se atalii foi o se perofeta; a o le fagamanu a‘u, ma le galue i sukamoru.

¹⁵A ua avea a‘u e Ieova sa ou mulimuli i le lafu mamoe, ma ua faapea mai Ieova ia te au, Alu ia, ina e vavalo i lo‘u nuu o Isaraelu.

¹⁶O lenei, ina e faalogo mai ia i le afioga a Ieova. Ua e fai mai, aua le vavalo ia Isaraelu, aua foi le tautala atu i le aiga o Isaako.

¹⁷O le mea lea o loo faapea mai ai Ieova, E avea lau avā ma fafine faitaaga i le aai, e pauu foi i le pelu o ou atalii ma ou afafine, e vaevaeina i le fua lou fanua; e oti foi oe i le nuu leaga; e matuā tāfea Isaraelu ai lona laueleele.