Read Samoan Old Version Bible – O LE TUSI PAIA NUMERA 29 Bible Online

NUMERA 29 - Samoan Old Version Bible – O LE TUSI PAIA bible

NUMERA 29

¹O le masina e fitu, o le uluai aso o le masina, ia faia e outou se faapotopotoga paia; tou te le fai ai se galuega mamafa e tasi; o le aso o le iligāpu lea ia te outou.

²Tou te osia foi se taulaga mu e fai ma mea manogi lelei ia Ieova; o le povi poa taanoa e tasi, o le mamoe poa e tasi, ma tamai mamoe e fitu e tasi lo latou tausaga, e sao ona lelei.

³O a latou taulaga i mea e ‘ai, o falaoa lelei e palua ma le suāuu, e tolu omera i le povi poa; e lua omera i le mamoe poa;

⁴o le omera e tasi i tamai mamoe taitasi e faatatau i tamai mamoe e fitu.

⁵O le ‘oti poa e tasi, o le taulaga mo le agasala, e fai a‘i se togiola mo outou;

⁶e faaopoopoina i le taulaga mu o le masina, ma lana taulaga i mea e ‘ai, atoa ma le taulaga mu e le aunoa, ma lana taulaga i mea e ‘ai, ma a latou taulaga i mea e inu, e tusa ma a latou sauniga, e fai ma mea manogi lelei, o le taulaga e fai i le afi ia Ieova.

⁷Ia faia e outou le faapotopotoga paia i le aso e sefulu o lea masina e fitu, ia faapuapuagatia ai outou e outou, tou te le fai ai se galuega e tasi.

⁸Tou te avatua foi se taulaga mu ia Ieova, o le mea manogi lelei; o le povi poa taanoa e tasi, ma le mamoe poa e tasi, ma tamai mamoe e fitu e tasi lo latou tausaga, ia sao ona lelei mo outou.

⁹O a latou taulaga i mea e ‘ai, o falaoa lelei e palua ma le suāuu, e tolu omera i le povi poa; e lua omera i le mamoe poa e tasi;

¹⁰o le omera e tasi i tamai mamoe taitasi e faatatau i tamai mamoe e fitu.

¹¹O le ‘oti poa e tasi e fai ma taulaga mo le agasala, e faaopoopoina i le taulaga mo le agasala e fai a‘i togiola, atoa ma le taulaga mu e le aunoa, ma lana taulaga i mea e ‘ai, ma a la taulaga i mea e inu.

¹²Ia faia foi e outou le faapotopotoga paia i le aso e sefulu ma le lima o le masina e fitu; tou te le fai ai se galuega mamafa e tasi; a e tou te faia le tausamiga ia Ieova i aso e fitu.

¹³Tou te avatua foi se taulaga mu, o le taulaga e fai i le afi, o le mea manogi lelei ia Ieova; o povi poa taanoa e sefulu ma le tolu, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei i latou.

¹⁴O latou taulaga i mea e ‘ai, o falaoa lelei e palua ma le suāuu, e tolu omera i povi poa taitasi e faatatau i povi poa e sefulu ma le tolu; e lua omera i mamoe poa taitasi e faatatau i mamoe poa e lua,

¹⁵o le omera e tasi i tamai mamoe taitasi e faatatau i tamai mamoe e sefulu ma le fa.

¹⁶O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, o lana taulaga i mea e ‘ai, ma lana taulaga i mea e inu.

¹⁷O lona lua o aso tou te avatua ai o povi poa taanoa e sefulu ma le lua, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

¹⁸O la latou taulaga i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe ia faatatauina i lo latou faitau, e tusa ma le sauniga.

¹⁹O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, ma lana taulaga i mea e ‘ai, ma a la taulaga i mea e inu.

²⁰O lona tolu foi o aso, o povi poa e sefulu ma le tasi, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

²¹O la latou taulaga i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe, e faatatauina i lo latou faitau, e tusa ma le sauniga.

²²O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, ma lana taulaga i mea e ‘ai, ma lana taulaga i mea e inu.

²³O lona fa foi o aso, o povi poa e sefulu, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

²⁴O la latou taulaga i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe, e faatatau i lo latou faitau, e tusa ma le sauniga.

²⁵O le ‘oti poa e tasi e fai ma taulaga mo le agasala e faaopoopoina i le taulaga mu e le aunoa, o lana taulaga i mea e ‘ai, ma lana taulaga i mea e inu.

²⁶O lona lima foi o aso, o povi poa e iva, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

²⁷O la latou taulaga foi i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe, e faatatauina i lo latou faitau, e tusa ma le sauniga.

²⁸O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, ma lana taulaga i mea e ‘ai, ma lana taulaga i mea e inu.

²⁹O lona ono foi o aso, o povi poa e valu, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

³⁰O la latou taulaga i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe, e faatatauina i lo latou faitau, e tusa ma le sauniga.

³¹O le ‘oti poa e tasi e fai ma taulaga mo le agasala, e faaopoopoina i taulaga mu e le aunoa o lana taulaga i mea e ‘ai, ma lana taulaga i mea e inu.

³²O lona fitu foi o aso, o povi poa e fitu, o mamoe poa e lua, ma tamai mamoe e sefulu ma le fa e tasi lo latou tausaga, e sao ona lelei.

³³O la latou taulaga foi i mea e ‘ai, ma a latou taulaga i mea e inu, i povi poa, ma mamoe poa, ma tamai mamoe, e faatatauina i lo latou faitau, e tusa ma le sauniga.

³⁴O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, o lana taulaga i mea e ‘ai, ma lana taulaga i mea e inu.

³⁵O lona valu foi o aso ia faia e outou le faapotopotoga, tou te le fai ai se galuega mamafa e tasi;

³⁶a e tou te avatua ai se taulaga mu, o le taulaga, e fai i le afi, o le mea manogi lelei ia Ieova; o le povi poa e tasi, o le mamoe poa e tasi, ma tamai mamoe e fitu e tasi lo latou tausaga, e sao ona lelei.

³⁷O la latou taulaga i mea e ‘ai, ma a latou taulaga i mea e inu, i le povi poa, ma le mamoe poa, ma tamai mamoe, ia faatatauina i lo latou faitau, ia tusa ma le sauniga.

³⁸O le ‘oti poa e tasi e fai ma taulaga mo le agasala, e faaopoopoina i le taulaga mu e le aunoa, ma lana taulaga i mea e ‘ai, ma lana taulaga i mea e inu.

³⁹O taulaga ia tou te osia ia Ieova i o outou tausamiga, e faaopoopoina i mea ua outou tauto ai, ma taulaga ua outou loto ina fai, e fai ma a outou taulaga mu, ma a outou taulaga i mea e ‘ai, ma o outou taulaga i mea e inu, ma a outou taulaga faafetai.

⁴⁰Ua fai atu foi Mose i le fanauga a Isaraelu e tusa ma mea uma na fetalai mai ai Ieova ia Mose.