Read Samoan Old Version Bible – O LE TUSI PAIA NUMERA 7 Bible Online

NUMERA 7 - Samoan Old Version Bible – O LE TUSI PAIA bible

NUMERA 7

¹Ua oo i le aso na uma ai ona faatuina e Mose o le malumalu, ma na faauuina, ma faapaiaina ai, ma mea uma o i ai, o le fata faitaulaga foi ma ana mea uma na ia faauuina ai, ma faapaiaina;

²ona fai taulaga ai lea o alii sili o Isaraelu, o matai o aiga o latou tamā, o alii sili i latou i itu aiga, o e na pule i e na faitaulia,

³ua latou au mai a latou taulaga i luma o Ieova, o fata faataavalevale ua ufitia e ono, ma povi e sefulu ma le lua; o alii e taitoalua ma le fata faataavalevale e tasi, ma a latou povi e taitasi; ua latou au mai ai i luma o le malumalu.

⁴Ona fetalai mai ai lea o Ieova ia Mose, ua faapea mai,

⁵Ia e talia ia mea mai ia te i latou, ina ia fai a‘i le galuega o le fale fetafai o le faapotopotoga; e te tuuina atu ai i sa Levī, o le tagata ma le mea e tatau i lana galuega.

⁶Ona talia lea e Mose o fata faataavalevale ma povi, ma tuu atu ai i sa Levī.

⁷O fata faataavalevale e lua ma povi e fa na ia tuuina atu ai i le fanauga a Keresoma, e faatatau i la latou galuega.

⁸O fata faataavalevale e fa ma povi e valu na ia tuuina atu ai i le fanauga a Merari, e faatatau i la latou galuega, i le pule a Itamaro le atalii o Arona le ositaulaga.

⁹A o le fanauga a Koato na ia le tuuina atu i ai se mea; auā o le galuega o le malumalu na ia te i latou, latou te tauave ai i o latou ua.

¹⁰Ua fai taulaga foi alii sili i le faasaina o le fata faitaulaga i le aso na faauuina ai, ua avatu ai e alii sili a latou taulaga i luma o le fata faitaulaga.

¹¹Ona fetalai mai ai lea o Ieova ia Mose, E taitasi le alii sili ma lona aso latou te au mai ai a latou taulaga i le faasaina o le fata faitaulaga.

¹²O le na au mai lana taulaga i le uluai aso, o Naasona lea o le atalii o Aminatapu, o le itu aiga o Iuta ia;

¹³o lana taulaga foi o le tanoa ario e tasi, o lona mamafa e tasi le selau ma le tolugafulu o sekeli; o le ipu ario e tasi, e fitugafulu o sekeli lona mamafa o le sekeli lea o le malumalu; ua tutumu ia mea o lua i le falaoa lelei ua palua ma le uu e fai ma taulaga i mea e ‘ai;

¹⁴o le ipu auro e tasi, e sefulu o sekeli lona mamafa, ua tumu i mea manogi e mu;

¹⁵o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

¹⁶o le ‘oti poa e tasi, e fai ma taulaga mo le agasala;

¹⁷o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Naasona le atalii o Aminatapu.

¹⁸O le lua o aso na au mai ai e Natanielu o le atalii o Suaro, o le alii sili o Isakara;

¹⁹na ia au mai lana taulaga, o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

²⁰o le ipu auro e tasi, e sefulu o sekeli lona mamafa ua tumu i mea manogi e mu;

²¹o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

²²o le ‘oti poa e tasi, e fai ma taulaga mo le agasala;

²³o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Natanielu le atalii o Suaro.

²⁴O le tolu o aso na fai taulaga ai le alii sili o le fanauga a Sepulona, o Eliapo lea o le atalii o Holona;

²⁵o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

²⁶o le ipu auro e tasi, e sefulu o sekeli lona mamafa, ua tumu i mea manogi e mu;

²⁷o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

²⁸o le ‘oti poa e tasi, e fai ma taulaga mo le agasala;

²⁹o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Eliapo o le atalii o Holona.

³⁰O le fa o aso na fai taulaga ai le alii sili o le fanauga a Reupena, o Elisura lea o le atalii o Seturo;

³¹o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

³²o le ipu auro e tasi, e sefulu o sekeli lona mamafa,

³³ua tumu i mea manogi e mu; o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

³⁴o le ‘oti poa e tasi, e fai ma taulaga mo le agasala;

³⁵o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Elisura o le atalii o Seturo.

³⁶O le lima o aso na fai taulaga ai le alii sili o le fanauga a Simeona, o Selumielu lea o le atalii o Surisatai;

³⁷o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

³⁸o le ipu auro e tasi, e sefulu o sekeli lona ma uafa, ua tumu i mea manogi e mu;

³⁹o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁴⁰o le ‘oti poa e tasi, e fai ma taulaga mo le agasala;

⁴¹o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Selumielu o le atalii o Surisatai.

⁴²O le ono o aso na fai taulaga ai le alii sili o le fanauga a Kato, o Eliasafo lea o le atalii o Tuelu;

⁴³o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁴⁴o le ipu auro e tasi, e sefulu o sekeli lona mamafa, ua tumu i mea manogi e mu;

⁴⁵o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁴⁶o le ‘oti poa e tasi e, fai ma taulaga mo le agasala;

⁴⁷o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea e Eliasafo o le atalii o Tuelu.

⁴⁸O le fitu o aso na fai taulaga ai le alii sili o le fanauga a Efaraima, o Elisama lea o le atalii o Amenta;

⁴⁹o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁵⁰o le ipu auro e tasi, e sefulu o sekeli lona mamafa, ua tumu i mea manogi e mu;

⁵¹o le povi poa taanoa e tasi o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁵²o le ‘oti poa e tasi, e fai ma taulaga mo le agasala;

⁵³o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Elisama o le atalii o Ameuta.

⁵⁴O le valu o aso na fai taulaga ai le alii sili o le fanauga a Manaso, o Kamalielu lea o le atalii o Petasura;

⁵⁵o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁵⁶o le ipu auro e tasi, e sefulu o sekeli lona mamafa, ua tumu i mea manogi e mu;

⁵⁷o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁵⁸o le ‘oti poa e tasi, e fai ma taulaga mo le agasala;

⁵⁹o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Kamalielu o le atalii o Petasura.

⁶⁰O le iva o aso na fai taulaga ai le alii sili o le fanauga a Peniamina, o Apitano lea o le atalii o Kitione;

⁶¹o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁶²o le ipu auro e tasi, e sefulu o sekeli lona mamafa, ua tumu i mea manogi e mu;

⁶³o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁶⁴o le ‘oti poa e tasi, e fai ma taulaga mo le agasala;

⁶⁵o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Apitano o le atalii o Kitione.

⁶⁶O le sefulu o aso na fai taulaga ai le alii sili o le fanauga a Tanu, o Aisera lea o le atalii o Amisatai;

⁶⁷o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁶⁸o le ipu auro e tasi, e sefulu o sekeli lona mamafa, ua tumu i mea manogi e mu;

⁶⁹o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁷⁰o le ‘oti poa e tasi, e fai ma taulaga mo le agasala;

⁷¹o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Aisera o le atalii o Amisatai.

⁷²O le sefulu ma le tasi o aso na fai taulaga ai le alii sili o le fanauga a Asera, o Pagielu lea o le atalii o Okirano;

⁷³o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁷⁴o le ipu auro e tasi, e sefulu o sekeli lona mamafa, ua tumu i mea manogi e mu;

⁷⁵o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁷⁶o le ‘oti poa e tasi, e fai ma taulaga mo le agasala;

⁷⁷o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Pagielu o le atalii o Okirano.

⁷⁸O le sefulu ma le lua o aso na fai taulaga ai le alii sili o le fanauga a Nafatali, o Akira lea o le atalii o Enano;

⁷⁹o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

⁸⁰o le ipu auro e tasi, e sefulu o sekeli lona mamafa, ua tumu i mea manogi e mu;

⁸¹o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

⁸²o le ‘oti poa e tasi, e fai ma taulaga mo le agasala;

⁸³o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Akira o le atalii o Enano.

⁸⁴O le faasaina lenei o le fata faitaulaga e alii sili o Isaraelu i le aso na faauuina ai; o tanoa ario e sefulu ma le lua, o ipu ario e sefulu ma le lua, o ipu auro e sefulu ma le lua;

⁸⁵o tanoa ario e taitasi ma sekeli e tasi le selau ma le tolugafulu lona mamafa, o ipu e taitasi ma sekeli e fitugafulu lona mamafa; o mea ario uma e lua afe ma le fa galau o sekeli ia, o le sekeli lea o le malumalu;

⁸⁶o ipu auro e sefulu ma le lua sa tutumu i mea manogi e mu, e taisefulu sekeli lo latou mamafa, o le sekeli lea o le malumalu; o auro uma o ipu e tasi le selau ma le luafulu o sekeli.

⁸⁷O povi uma e fai ma taulaga mu, o povi poa e sefulu ma le lua, o mamoe poa e sefulu ma le lua, ma tamai mamoe e tasi lo latou tausaga e tasi le sefulu ma le lua, ma o latou taulaga i mea e ‘ai; o ‘oti poa foi e sefulu ma le lua e fai ma taulaga mo le agasala.

⁸⁸O povi uma foi e fai ma taulaga faafetai e luafulu ma le fa o povi poa ia, o mamoe poa e onogafulu, o ‘oti poa e onogafulu, ma tamai mamoe e tasi lo latou tausaga e onogafulu. O le faasaina lea o le fata faitaulaga ina ua uma ona faauuina ai.

⁸⁹Ua ulu atu Mose i le fale fetafai o le faapotopotoga la te taulaga ma Ieova, ona lagona ai lea e ia o le siufofoga ua tūlei mai ia te ia ai le nofoa o le alofa ua i luga o le atolaau o le tulafono, mai le va o kerupi e lua; ua fetalai mai lava o ia ia te ia.