Read Samoan Old Version Bible – O LE TUSI PAIA SAKARIA, 5 Bible Online

SAKARIA, 5 - Samoan Old Version Bible – O LE TUSI PAIA bible

SAKARIA, 5

¹Ona ou toe tepa ae lea ma ou iloa, faauta, o le tusi taai ua lele.

²Ua ia fai mai ia te au, O le a ea ua e iloa? Ona ou fai atu lea, Ua ou iloa le tusi taai ua lele; o lona umi, o kupita e luafulu, o lona lau e sefulu kupita ia.

³Ua fai mai o ia ia te au, O le faafano lenei o le a alu atu i le fogāeleele uma lava; auā e taitasi uma o e gaoi ma tafia o ia ai lenei mea, e pei o le tusi; e taitasi uma foi o e tauto ma tafia o ia ai le mea nei, e pei e le tusi.

⁴Ua fetalai mai Ieova o ‘au, Ou te aumaia; e oo atu lava ia i le fale o le gaoi, ma le fale o le ua tauto pepelo i lo‘u igoa; e tumau ai i totonu o lona fale, ma faaumatia ai ona laau ma ona maa.

⁵Ua alu ane foi le agelu na ma tautala, ua fai mai o ia ia te au, Ia e tepa i luga, ma e vaai, po o le a lena o loo alu atu.

⁶Ua ou fai atu, O le a lena? Ua fai mai o ia, O le efa lena o loo alu atu; ua fai mai foi o ia, O lona tino mai lena i le nuu uma.

⁷Faauta foi, o le taleni o pulu ua siitia; o le fafine foi lenei o loo nofo i totonu o le efa.

⁸Ua ia fai mai foi, O le amio leaga lenei; ona ia lafotuina lea o ia i totonu o le efa, ma na lafo le fua pulu i le gutu o le efa.

⁹Ua ou tepa foi i luga, ona ou iloa lea, faauta, o fafine e toalua na o atu; ua i ai foi le matagi i o la apaau; auā sa ia te i laua o apaau, pei o apaau o le kasita; ua la siitia le efa i le va o le lalolagi ma le lagi.

¹⁰Ona ou fai atu lea i le agelu na ma tautala, Po o fea la te ave i ai le efa?

¹¹Ona fai mai lea o ia ia te au, O le a ave ina ia fai se fale mōna i le nuu o Senara; e faatu ai, ma faamau ai i lona lava taele.