Read Samoan Old Version Bible – O LE TUSI PAIA ROMA, 9 Bible Online

ROMA, 9 - Samoan Old Version Bible – O LE TUSI PAIA bible

ROMA, 9

¹O le upu moni ou te fai atu ai i luma o Keriso, ou te le pepelo, ua molimau mai ia te a‘u lo‘u loto fuatia ifo i le Agaga Paia,

²e tele lo‘u faanoanoa, e le aunoa foi le puapuaga o lo‘u loto;

³auā ou te mafaia ona fia anatema o a‘u ia te‘a ma Keriso e sui a‘i o‘u uso, o lo‘u aiga i la le tino;

⁴o sa Isaraelū i latou, o tamafai i latou, ua i ai foi le mamalu, ma feagaiga, ma sauniga o le tulafono, ma le tapuaiga, ma upu na folafolaina;

⁵o ia te i latou tupuga, mai ia te i latou foi le Keriso i la le tino, o lē pule aoao ia, o le Atua e viia e faavavau. Amene.

⁶A e le peiseai ua iu vale le afioga a le Atua; auā o tagata mai ia Isaraelu, e le o Isaraelu i latou uma lava;

⁷e le o le fanau foi i latou uma, auā na tupu mai ia Aperaamo i latou a e faapea mai, E valaauina lau fanau ia Isaako.

⁸O lona uiga lenei, o le fanau a le tino, e le o le fanau a le Atua i latou; a e peitai o le fanau o i le upu ua folafolaina, e ta‘ua i latou o le fanau.

⁹Auā o lenei le upu na folafolaina. E faapena i le la tausaga, ou te sau ai, e maua foi e Sara sana tama tane.

¹⁰E le na o lea, a ua to foi Repeka i le tasi, o lo matou tamā o Isaako lea;

¹¹a o lei fanau mai ana tama, a o lei fai foi e i laua se mea lelei, po o se mea leaga, ina ia tumau le finagalo o le Atua i la le filifiliga, e le ona o galuega, a ona o le na valaau mai. na fetalai atu ia te ia,

¹²E auauna le ulumatua i le uii. Pei ona tusia.

¹³Ua ou alofa ia Iakopo, a ua ou ‘ino‘ino ia Esau.

¹⁴O lenei, se a ea sa tatou upu? O i le Atua ea le amioletonu? Aua ne‘i faapea.

¹⁵Auā na ia fetalai atu ia Mose, Ou te alofa atu i le ou te fia alofa atu i ai, ou te alofa mutimuti vale foi i le ou te fia alofa mutimuti vale i ai.

¹⁶O lenei, e le mai le ua manao, e le mai le ua tausinio, a e mai le Atua o lē alofa mai.

¹⁷Auā ua faapea mai le Tusi ia Farao, O lenei lava le mea ua ou faatu ai ia te oe, ina ia ou faaalia lo‘u mana ia te oe, ina ia ta‘ua foi lo‘u igoa i le lalolagi uma lava.

¹⁸O lenei, e alofa ia i le ua ia finagalo i ai; a e faamaaa e ia i le ua ia finagalo i ai.

¹⁹Anei e te fai mai ia te au, Pe se a le mea e aoai mai ai pea ia? auā o ai se ua tetee atu i lona finagalo?

²⁰Soia, o oe le tagata, o ai ea oe o lē finau atu i le Atua? E fai atu ea le mea na faia i le na faia o ia. Se a ea ua e fai ai a‘u faapea?

²¹O le fai ipu omea e le pule ea o ia i le omea, e fai ai i le paluga e tasi o le tasi ipu o le mea lelei, a o le tasi o le mea faatauvaa?

²²Afai ua onosai le Atua, ma ua matuā faapalepale i ipu o le toasa ua faatatauina i le malaia, ina ua finagalo o ia e faaali mai ai lona toasa, ma faailoa mai ai lona mana;

²³e faailoa mai ai foi le faulai o lona viiga i ipu o le alofa, na ia muai saunia e oo i le manuia;

²⁴o i tatou foi na valaauina e ia, e le gata i Iutaia, a e atoa foi ma nuu ese.

²⁵Pei ona fetalai mai o ia i le Hosea, Ou te ta‘ua lea nuu o lo‘u nuu, sa le so‘u nuu; ou te ta‘ua foi o ia ua alofaina, sa le alofaina.

²⁶O i le mea sa faapea atu ai ia te i latou. E le so‘u nuu outou, e iu foi ina ta‘ua i latou o atalii o le Atua soifua.

²⁷Ua alaga foi Isaia ia Isaraelu, E ui lava ina faapei o le oneone i le sami le toatele o le fanauga a Isaraelu, e faaolaina e ua totoe;

²⁸auā e faauma e ia le mea, ma faasaasaaina i le amiotonu, e faasaasaa e le Alii ona faia o le mea i le nuu.

²⁹Pei ona fai mai foi anamua e Isaia, Ana le faatotoeina e le Alii o Sapaota ni fanau mo i tatou, po ua avea i tatou e pei o Sotoma, ma faatatauina i tatou ia Komoro.

³⁰O lenei, se a ea sa tatou upu? Ua maua le amiotonu e nuu ese na latou le saili i le amiotonu, o le amiotonu lava lea e maua i le faatuatua.

³¹A o Isaraelu na saili i le tulafono ole amiotonu, e lei oo i latou i le tulafono o le amiotonu.

³²Ona o le a ea? Ona ua le sailia i le faatuatua, a e peiseai o galuega o le tulafono; auā na latou tausuai i le maa e tausuai ai.

³³Pei ona tusia, Faauta, ou te tuu i Siona le maa e tausuai ai, ma le papa e tautevateva ai, e le mā foi se tasi e faatuatua ia te ia.