Read Samoan Old Version Bible – O LE TUSI PAIA I. KORINITO, 12 Bible Online

I. KORINITO, 12 - Samoan Old Version Bible – O LE TUSI PAIA bible

I. KORINITO, 12

¹A o mea faaleagaga, le au us oe, ou te loto ina ia iloa ai e outou.

²Ua outou iloa sa fai ma nuu ese outou, sa tosina foi i tupua le gagana, pei ona soona tosina o outou.

³O lenei, ou te faailoa atu ia te outou, e leai lava se tagata e tautala i le Agaga o le Atua na te ta‘uanatemaina o Iesu; e leai foi se tasi na te mafaia ona ta‘ua o Iesu o le Alii, a le se anoa le Agaga Paia.

⁴E matalasi mea alofa, a e tasi lava le Agaga ia;

⁵e matalasi foi faiva, a e tasi lava le Alii ia;

⁶e matalasi foi mea mamana, a e tasi lava le Atua, o le na te matuā galue i mea uma i tagata uma lava.

⁷Ua foaiina taitasi i tagata le faaaliga o le Agaga e aoga ai.

⁸Auā ua foaiina mai i le tasi le upu o le poto e le Agaga; e i le tasi le upu o le malamalama, e tusa ma le Agaga e tasi;

⁹e i le tasi le taofi tonu e le Agaga e tasi; e i le tasi o mea alofa e faamalolo a‘i ma‘i e le Agaga e tasi;

¹⁰e i le tasi na te faia vavega; e i le tasi o le perofeta; e i le tasi o suega o agaga; e i le tasi gagana eseese; e i le tasi o le faamatalaga o gagana.

¹¹E matuā galue foi na mea uma e lea lava Agaga e tasi, o loo o tufatufa i tagata ia taitasi ma lana mea, pei ona finagalo i ai o ia.

¹²Auā pei o le tino ua tasi ia, ma ona itu tino e tele, a o itu tino uma, e ui ina tele, o le tino e tasi lava ia; e faapea lava Keriso.

¹³Auā foi o le Agaga e toatasi na papatisoina ai i tatou uma i le tino e tasi, po o Iutaia, po o Eleni, po o pologa, po o sa‘oloto; ma ua faainumia i tatou uma i le Agaga e toatasi.

¹⁴Auā foi o le tino e le se itu tino e tasi lea, a e peitai o itu tino e lasi.

¹⁵Afai e fai mai le vae, Ona ua le o le lima a‘u, ou te le so le tino; e moni ea, e le o lo le tino ia?

¹⁶Afai e fai mai le taliga, Ona ua le o le mata a‘u, ou te le so le tino; e moni ea, e le o lo le tino ia?

¹⁷Afai o mata uma le tino, pe faapefea ona faalogo? Afai na o le faalogo lava, pe faapefea ona sogi?

¹⁸A o lenei, ua tuuina e le Atua itu tino e taitasi ma lana tu i le tino, pei ona finagalo i ai o ia.

¹⁹Afai foi o mea uma o le itu tino e tasi ia, pe faapefea le tino?

²⁰A o lenei, e lasi itu tino, a e tasi lava le tino ia.

²¹E le mafai foi i le mata ona fai ane i le lima, E leai sou aoga ia te au; e le mafai foi i le ulu ona fai ifo i vae, Lua te le aoga ia te au.

²²A e sili lava itu tino e ta‘ua e vaivai ona sili o lo latou aoga;

²³ma itu tino ua ta‘ua e i tatou e matagā, ua sili lo tatou ta‘ulelei i ai; ma e ua ta‘ufaatauvaaina, ua sili ona ta‘uleleia ia;

²⁴a o tatou itu tino ua ta‘uleleia, e leai se mea e mativa ai i latou; a ua faatatauina e le Atua le tino uma, ua ia tuuina foi le ava i le itu tino ua vaivai;

²⁵ina ne‘i i ai i le tino se maseiga, a ia fetausiai faatasi uma itu tino.

²⁶Pe afai e tiga le tasi itu tino, ia tiga faatasi ai itu tino uma lava; pe viia le tasi itu tino, ia olioli faatasi ai itu tino uma lava.

²⁷A o outou, o le tino o Keriso outou, ma itu tino taitoatasi.

²⁸Ua faatuina foi e le Atua i le ekalesia e muamua o aposetolo, o lona lua o perofeta, o lona tolu o a‘oa‘o, pito ane i ai o e fai vavega, i le ma mea alofa e faamalolo a‘i ma‘i, o e fesoasoani, o ta‘ita‘i, o gagana eseese.

²⁹O aposetolo uma ea? o perofeta uma ea? o a‘oa‘o uma ea? o fai vavega uma ea?

³⁰ua tofu uma ea ma mea alofa e faamalolo a‘i ma‘i? e tautala uma lava ea i gagana eseese? e faamatala uma ea?

³¹Ia outou naunau i mea alofa e sili; a e peitai ou te faasino atu ia te outou le ala e silisili lava.