Read Samoan Old Version Bible – O LE TUSI PAIA IOSUA, 19 Bible Online

IOSUA, 19 - Samoan Old Version Bible – O LE TUSI PAIA bible

IOSUA, 19

¹Ua maua e Simeona le lua o tofi, mo le itu aiga o le fanauga a Simeona, e tusa ma o latou aiga; ua fai lo latou tofi i totonu o le tofi o le fanauga a Iuta.

²Ua ia te i latou i lo latou tofi o Peresepa, o Sepa lea, ma Molata,

³ma Asara-suala, ma Pala, ma Asema,

⁴ma Elitolita, ma Petueli, ma Horema,

⁵ma Sekeleka, ma Petemakapa, ma Asara-susa,

⁶ma Petelepaota, ma Saruena; o aai e sefulu ma le tolu, ma o latou faoa aai.

⁷O Aino, ma Rimoni, ma Eteru, ma Asana; o aai e fa, ma o latou faoa aai;

⁸o faoa aai uma foi na faataaliolio i ia aai, e oo i Paalapere o Ramata i le itu i toga. O le tofi lea o le itu aiga o le fanauga a Simeona, e tusa ma o latou aiga.

⁹Ua fai le tofi o le fanauga a Simeona mai le tofi o le fanauga a Iuta; auā o le vaega o le fanauga a Iuta sa sili ia te i latou; o le mea lea na fai ai e le fanauga a Simeona lo latou tofi i totonu o lo latou tofi.

¹⁰Ua maua e le fanauga a Sepulona le tolu o tofi, e tusa ma o latou aiga; ua oo le tuaoi o lo latou tofi i Sariti.

¹¹Ua alu ae foi lo latou tuaoi i le sami, ma Marala, ma oo atu i Tapaseta, ua oo atu foi i le alia e feagai ma Iokeneama;

¹²ona afe a‘i lea mai Sariti i sasae, i le mea e alu ae ai le la, ua oo atu i le tuaoi o Kaselo-tapora, ona alu atu ai lea i Taparata, ma alu ae i Iafia.

¹³Ona ui ane ai lea nai lea mea i sasae i Kataferu, i Ita-kasena, ma alu atu i Rimoni-metoara i Nea;

¹⁴ua faataamilomilo i ai le tuaoi i le itu i matu i Anatonu; a o lona gataaga o le vanu o Iefitaelu; o Katata foi,

¹⁵ma Naalolo, ma Semarona, ma Itala, ma Peteleema; o aai e sefulu ma le lua, ma o latou faoa aai.

¹⁶O le tofi lea o le fanauga a Sepulona, e tusa ma o latou aiga; o aai ia, ma o latou faoa aai.

¹⁷Ua maua e Isakara o le fa o tofi, mo le fanauga a Isakara, e tusa ma o latou aiga.

¹⁸O lo latou tuaoi foi ua feagai ma Isereelu, ma Kesulota, ma Sunema,

¹⁹ma Afaraima, ma Seona, ma Anaarata, ma Rapati,

²⁰ma Kiseona, ma Apesa,

²¹ma Remeta, ma Enekanima, ma Eneata, ma Petepasesa;

²²ua oo atu foi le tuaoi i Tapora, ma Saasuma, ma Petesemesa; a o lona gataaga o lo latou tuaoi o Ioritana lea; o aai e sefulu ma le ono, ma o latou faoa aai.

²³O le tofi lea o le itu aiga o le fanauga a Isakara, e tusa ma o latou aiga; o aai ma o latou faoa aai.

²⁴Ua maua e le itu aiga o le fanauga a Asera le lima o tofi, e tusa ma o latou aiga.

²⁵O lo latou tuaoi o Helekata, ma Ali, ma Petena, ma Akasafa,

²⁶ma Alameleka, ma Amata, ma Meseala; ua oo atu foi i Karamelu i sisifo, ma Seora-lipenata;

²⁷ona afe a‘i lea i le mea e alu ae ai le la i Petetakona, ma oo atu i Sepulona, ma le vanu o Iefita-elu i le itu i matu o Petemeka, ma Neieli, ma alu atu i Kapula i le itu tauagavale,

²⁸ma Eperona ma Reopa, ma Hamoni, ma Kana, e oo atu i Saitonu le sili;

²⁹ona afe a‘i lea o le tuaoi i Rama e oo atu i le aai nofo ‘olo o Turo; ua afe a‘i foi le tuaoi i Osa; a o lona gataaga o le sami lea, ua afua mai i le itu e oo atu i Akasepa;

³⁰o Uma foi, ma Afeka, ma Reopa; o aai e luafulu ma le lua, ma o latou faoa aai.

³¹O le tofi lea o le itu aiga o le fanauga a Asera, e tusa ma o latou aiga; o aai ia, ma o latou faoa aai.

³²Ua maua e le fanauga a Nafatali le ono o tofi, o le fanauga a Nafatali, e tusa ma o latou aiga.

³³O lo latou tuaoi ua afua mai i Elefa, mai Aluna i Sananima, ma Atame-nekepa atoa ma Iapenelu, e oo atu i Lakuma; a o lona gataaga o Ioritana lea.

³⁴Ona afe a‘i lea o le tuaoi i sisifo i Aseno-tapora, ma alu atu nai lea mea i Ukoke, ua oo atu i Sepulona i le itu i toga, ua oo foi i Asera i sisifo, ma Iuta i Ioritana i le mea e alu ae ai le la.

³⁵O aai foi ua nofo ‘olo, o Setima, o Sero, ma Amata, o Rakata,

³⁶ma Kinereta, ma Atama, ma Rama,

³⁷ma Hasora, ma Katesa, ma Eterei, ma Eneasora, ma Irona, ma Meketala-elu,

³⁸ma Horema, ma Peteanata, ma Petesemesa; o aai e sefulu ma le iva, ma o latou faoa aai.

³⁹O le tofi lea o le itu aiga o le fanauga a Nafatali, e tusa ma o latou aiga; o aai ma o latou faoa aai.

⁴⁰Ua maua e le itu aiga o le fanauga a Tanu le fitu o tofi, e tusa ma o latou aiga.

⁴¹O le tuaoi o lo latou tofi o Soraa, ma Esetaola, ma Iresemesa,

⁴²ma Salapina, ma Ailona, ma Itala,

⁴³ma Aluna, ma Timenata, ma Ekerona,

⁴⁴ma Eliteka, ma Kipetonu, ma Paalata,

⁴⁵ma Ieuta, ma Peneperaka, ma Katarimoni,

⁴⁶ma Meierekuna, ma Rakuna, ma le tuaoi e feagai ma Iopa.

⁴⁷Ua lauitiiti le laueleele o le fanauga a Tanu ua maua e i latou; ona o ae lea o le fanauga a Tanu, ua latou tau ai le taua ma Lesema, ua aea, ma fasia i le pelu; ua faia mo i latou, ma latou nonofo ai; ona faaigoa ai lea o Lesema o Tanu, e pei o le igoa o Tanu lo latou tamā.

⁴⁸O le tofi lea o le itu aiga o le fanauga a Tanu, e tusa ma o latou aiga; o aai ia, ma o latou faoa aai.

⁴⁹Ua uma ona tofia mo i latou le nuu, e tusa ma o latou tuaoi, ona foaiina atu ai lea e le fanauga a Isaraelu o le tofi ia Iosua le atalii o Nuno e faatasi ma i latou;

⁵⁰e pei o le afioga a Ieova, ua latou foai atu ia te ia le aai na ia fai atu ai, o Timenata-sera lea o i le mauga o Efaraima; ona faia ai lea e ia o le aai, ma nofo ai.

⁵¹O tofi ia na tofia mo i latou e tusa ma le vili e Eleasaro le faitaulaga, ma Iosua le atalii o Nuno, ma matai sili o itu aiga o le fanauga a Isaraelu, i Sailo i luma o Ieova, i le faitotoa o le fale fetafai o le faapotopotoga. Ona uma ai lea o le vaevaeina o le laueleele.