Read Samoan Old Version Bible – O LE TUSI PAIA FAAMASINO, 12 Bible Online

FAAMASINO, 12 - Samoan Old Version Bible – O LE TUSI PAIA bible

FAAMASINO, 12

¹Ona faapotopoto lea o tagata o Efaraima, ua latou o ane i le itu i matu, ua latou fai mai ia Iefata. Se a le mea na e alu atu ai e tau ma le fanauga a Amoni, a ua le aami ia i matou, se‘i tatou o ma oe? Matou te susunu lou fale i luga o oe i le afi.

²Ua fai atu Iefata ia i latou, Sa tele lo matou fefinauaiga, o a‘u, ma lo‘u nuu, i le ma le fanauga a Amoni; ona ou aami lea ia te outou, a ua outou le faaola mai ia te au ai o latou lima;

³na ou iloa tou te lei faaola mai, ona ou tuu atu lea o lo‘u ola i lo‘u lima, ma ou alu atu i le fanauga a Amoni; ua tuuina mai foi i latou i lo‘u lima e Ieova. O le a foi le mea ua outou o mai ai ia te au i lenei aso e sii mai le taua ia te au?

⁴Ona faapotopoto lea e Iefata tagata uma o Kiliata, ua tau ma Efaraima. Ua fafasi e tagata o Kiliata ia Efaraima, auā na latou fai ane, O e na sosola mai Efaraima, outou na i Kiliata, o i Efaraima ma Manase.

⁵Na maua foi e Kiliata asaga o Ioritana, na muamua i Efaraima; i le, a fai mai e na sosola o Efaraima, Se‘i ou asa atu; ona fai ane lea o tagata o Kiliata ia te ia, E te se Efaraima ea? A fai mai o ia,

⁶E leai; ona latou fai atu lea ia te ia, Fai mai, Seepoleta; ona fai mai lea o ia, Sepoleta, auā na te le mafai ona tautala faapea; ona latou pue lea ia te ia, ma fasi ia te ia i asaga o Ioritana. O ona po ia na fasiotia o Efaraima e fagafulu o afe ma afe e lua.

⁷Na faamasino Iefata ia Isaraelu i tausaga e ono; ona oti lea o Iefata le Kiliata, ua latou tanu ia te ia i le tasi aai o Kiliata.

⁸Ua mavae atu o ia, ona faamasinoina lea o Isaraelu e Ivisona le Peteleema.

⁹Sa ia te ia o atalii e toatolugafulu ma afafine e toatolugafulu; ua ia aueseina ona afafine e toatolugafulu; ua au mai foi mai tuā avā e toatolugafulu ma ona atalii; ua ia faamasino ia Isaraelu i tausaga e fitu.

¹⁰Ona oti lea o Ivisona, ua tanumia o ia i Peteleema.

¹¹Ua mavae atu o ia, ona faamasino lea ia Isaraelu o Aluna le Sepulona; ua ia faamasino ia Isaraelu i tausaga e sefulu.

¹²Ona oti lea o Aluna le Sepulona; ua tanumia o ia i Ailona, i le nuu o Sepulona.

¹³Ua mavae atu o ia, ona faamasino lea ia Isaraelu o Apetonu le atalii o ‘Ileli le Piratonu.

¹⁴Sa ia te ia atalii e toafagafulu, ma atalii o ona atalii e toatolugafulu, e na tietie i asini e fitugafulu; ua ia faamasino ia Isaraelu i tausaga e valu.

¹⁵Ona oti lea o Apetonu le atalii o ‘Ileli le Piratonu; ua tanumia o ia i Piratonu i le nuu o Efaraima i le mauga o sa Amalekā.