Read Samoan Old Version Bible – O LE TUSI PAIA FAAALIGA, 10 Bible Online

FAAALIGA, 10 - Samoan Old Version Bible – O LE TUSI PAIA bible

FAAALIGA, 10

¹Na a‘u iloa atu foi le tasi agelu malosi ua alu ifo mai le lagi, ua ofu i le ao, ua i lona ulu le nuanua, o ona fofoga foi e pei o le la, o ona vae foi e pei o pou tu afi;

²ua i lona lima foi le tusi itiiti ua fofola; ua tu lona vae taumatau i le sami, ma lona vae tauagavale i le fanua,

³ua alaga foi ia ma le leo tele, e pei o le leona pe a tagi; ua alaga ia, ona feganavai mai ai lea o faititili e fitu i o latou lava leo;

⁴ua feganavai mai faititili e fitu i o latou lava leo, na fai a a‘u tusia; ona ou faalogo ai lea i le leo mai le lagi, ua faapea mai ia te au, Ina faamaufaailogaina ia o na mea na feganavai mai ai o faititili e fitu, aua ne‘i e tusia na mea.

⁵O le agelu foi na iloa e a‘u ua tu i le sami ma le fanua, ua sii ae e ia lona lima i le lagi,

⁶ma ua tauto i le o soifua e faavavau faavavau lava, o le na faia le lagi ma mea o i ai, ma le fanua ma mea o i ai, ma le sami ma mea o i ai, e le toe ai ni aso;

⁷a e peitai a oo i ia ona po o le leo o lona toafitu o agelu, pe a ilia e ia le pu, ona taunuu ai lea o le mea lilo a le Atua, e pei ona folafolaina mai e ia i ana auauna le au perofeta.

⁸O le leo foi na ou faalogo ai mai le lagi, ua toe tautala mai ia te au, ua faapea mai, Alu ia, ina tago i le tusi itiiti ua fofola, o i le lima o le agelu o loo tu i le sami ma le fanua.

⁹Ona ou alu atu ai lea i le agelu, ma ou fai atu ia te ia, Au mai ia te au le tusi itiiti. Ona faapea mai ai lea o ia ia te au, Ina tago ia i ai, ma e ‘aina; e oona i lou manava, a e suamalie i lou gutu e pei o le meli.

¹⁰Ona ou tago ai lea i le tusi itiiti nai le lima o le agelu, ma a‘u ‘aina; ona suamalie ai lea i lo‘u gutu e pei o le meli; ua uma ona ou ‘ai ai, ona oona lea i lo‘u manava.

¹¹Ona faapea mai ai lea o ia ia te au, E ao ina e toe vavalo i nuu, ma atu nuu, ma gagana eseese, ma tupu e toatele.