Read Samoan Old Version Bible – O LE TUSI PAIA I. SAMUELU, 31 Bible Online

I. SAMUELU, 31 - Samoan Old Version Bible – O LE TUSI PAIA bible

I. SAMUELU, 31

¹Ua tau Filisitia ma Isaraelu; ona sosola ai lea o tagata Isaraelu i luma o Filisitia; ua pauu manunua i latou i le mauga o Kilepoa.

²Ua tulitatao foi Filisitia ia Saulo ma ona atalii; ona fafasi lea e Filisitia ia Ionatana, ma Apinatapa, ma Makisua, o atalii ia o Saulo.

³Ua mamafa le taua ia Saulo, ua maua atu o ia e tagata fanafana u, ua manua tele foi o ia i e na fanafana.

⁴Ona fai atu lea o Saulo i lona soātau, Ina to ae ia lau pelu, ma tutu‘i mai ia te au; ne‘i oo mai na tagata le peritomeina, ma latou tutu‘i mai, ma faaleaga mai ia te au. A ua le mafai lona soātau, auā ua tele lona fefe; ona tago ai lea o Saulo i le pelu, ma faapaū i ona luga.

⁵Ua vaai lona soātau ua oti Saulo, ona faapaū foi lea o ia i lana pelu, ua oti foi faatasi ma ia.

⁶O lea na oti ai Saulo, ma ona atalii e toatolu, ma lona soātau, atoa foi ma ona tagata uma faatasi ma ia i lea aso.

⁷Ua vaai tagata Isaraelu sa i le tasi itu o le vanu atoa ma i latou sa i le tasi itu o Ioritana, ua sosola tagata Isaraelu, ma ua oti Saulo ma ona atalii, ona latou lafoai lea o aai, ma sosola i latou; ona o mai lea o Filisitia ua nonofo ai.

⁸Ua oo i le taeao, ona o atu lea o Filisitia e tatala ofu o e na fāsia; ona latou maua lea o Saulo ma ona atalii e toatolu o loo taatitia i le mauga o Kilepoa,

⁹Ona latou vavae lea lona ulu, ma tatala ona ofutau, ma ua latou tuu sāvail i le nuu o Filisitia, ia faataamilo ona tala‘i i le fale o latou tupua, atoa ma le nuu.

¹⁰Ua latou tuu ona afutau i le fale o Asaira, a o lona tino ua latou faamauina i le pa o Petesani.

¹¹Ua faalogo e ua nonofo i Iapese-Kiliata i le mea ua faia e Filisitia ia Saulo;

¹²ona tulai lea o tagata totoa uma, ua savavali atu i latou, ua atoa le po; ua latou ave le tino o Saulo ma tino o ona atalii nai le pa o Petesani, ona o atu lea o i latou i Iapese; ona latou susunuina ai lea o i latou.

¹³A ua ave o latou ivi, ma tanu ai i lalo o le laau tele i Iapese, ma latou anapopogi ai i aso e fitu.