Read San Blas Kuna 1 Crónicas 12 Bible Online

1 Crónicas 12 - San Blas Kuna bible

1 Crónicas 12

¹We-sordamar David-bendakegala, Siclag-neggweburse nonimalad. Deunni, David, Quis-machi-Saúl-idu wakindigu, we-sordamar, bila-onogedgi David-bendaksa gusmalad.

²We-sordamar sigu-mimalad-buleganad, degine, dubgi akwa-mimalad-buleganbalid. We-ibmar-ebugegala, argan-abinbela ebumalad. Saúl-e-gwenadgan Davidʼba nagusmaladBenjamín-wagan-Saúl-e-gwenadgan David-bendaksa-gusmalad, wemalad:

³Saúl-e-gwenadgan-e-dummad-Ahiezer, degi, Joás Ahiezer-sorbalid. Amala, Semaa-e-masmalad, Gabaad-dule gumalad. Jeziel, Peletʼbogwa, Azmavet-e-masmala. Beraca, Anatot-dule-Jehú.

⁴Degi, Gabaónʼgined-Ismaías, Ismaíasʼde, sordamar dulagwen-gakambegwadmogad (30), deginbali, a-sordamar-e-dummadbalid. Jeremías, Jahaziel, Johanán, Gedera-dule-Jozabad.

⁵Eluzai, Jerimot, Bealías, Semarías, degi, Haruf-dule-Sefatías. Coré-gwenadgan Davidʼba nagusmaladCoré-e-gwenadgan, wemalad:

⁶Elcana, Isías, Azareel, Joezer, degi, Jasobeam.

⁷Deginbali, Jeroham-e-masmala, wemalad: Joela, degi, Zebadías. Wemar-ebogwad Gedorʼginmaladid. Gad-wagan Davidʼba nagusmalad

⁸Gad-wagan-bila-onomalad nega-dulesulidganba-neg-gandik-siidse, David-maidse wakite-gusmarmogad. We-dulemar, dule-niga-gandikmaladid, dule-bila-onomalad-buleganad. Deginbali, we-dulemar, sigu-abgaed-ebuged nue-wisimaladid, degi, eswargi-nue-wisi bila-onomaladid. Achumiguryob urwemaladid, degi, goe-sapur-abarmakeyob gwae-gwae abarmakmaladid.

⁹A-dulemar, wemalad: Ezer, bur-dummadid, Ezer-yarbalid, Obadías, Obadías-yarbalid, Eliab,

¹⁰Eliab-yarbalid, Mismana, Mismana-yarbalid, Jeremías,

¹¹Jeremías-yarbalid, Atai, Atai-yarbalid, Eliel,

¹²Eliel-yarbalid, Johanán, Johanán-yarbalid, Elzabad,

¹³Elzabad-yarbalid, Jeremías, degi, Jeremías-yarbalid, Macbanai.

¹⁴Wemar, Gad-sorda-bila-onomalad-e-dummaganad. Dummad-napi-sorbalid, sorda-dulatar-mergued (100) idudiid. Sorda-bur-dummaddi, sorda-miligwen-mergued (1,000) idudimogad.

¹⁵We-dummaganmar, gebe-nii-gwisgusadgi, Jordán-diwar-nomaigu, Jordán-diwar-obaksa-gusmaladid. We-dulemala, dulemar-nebagi-bukwamalad dad-nakwedsik, degi, dad-argwanedsik-oduurmakega imaksamaladid. Benjamín-wagan, degi, Judá-wagan Davidʼba nagusmalad

¹⁶Amba David neg-gandikidgi gudigua, Benjamín-wagan, degi, Judá-wagan-gwenna-gwenna David-maidse nade gusmarmogad.

¹⁷Degi, David amar-abin-nodgu, ega sogded: —Be anse nuedgi danimalale, be an-bendakega danimalale, an bemar-abingaodo. Ar bemar, an-isdarmaladga an-ukega be danimalale, anmar-dadgan-e-Bab-Dummad bemar-sabsur-odurdako. Ar an emar akar-imaksasulid, an dule-isganasulid.

¹⁸Degidgi, Bab-Dummad-Burba Amasaiʼgi aidenonikid. Geb Amasai, sorda-durgwen-gakambe-e-dummad (30) weyob sogded:“¡David, anmar be-sordamalad! ¡Isaí-machi, anmar beba-naimalad!Neg-bogidik bega nagusana gadin. Be-bendakmaladgala, neg-bogidik nagusmogana gadin.Ar be-Bab-Dummad be-bendakdiid.” David, Benjamín-wagan, degi, Judá-wagan-ese-nonimalad abingasad, geb sorda-idumaladba a-dulemar-urbisbalid. Manasés-wagan Davidʼba nagusmalad

¹⁹Manasés-wagan-gwenna-gwenna, David Filistea-sordamarba Saúlʼgi bila-ononadgusgu, Davidʼba nagusmarmogad. (Deunni, David, Filistea-sordamar-bendaksasurgusad, ar Filistea-e-dummagan igar-itosmargua, sogde gusmalad: “Ar David anmar-oburgwega gunaid, wede anmar-nono-egwannega gunaid. E-dummad-Saúlʼba gannar nagudoed, anmargi aibitoed.”)

²⁰Degisoggu, David Siclagʼse nonigua,Manasés-dulemar ese-nonimaladi, wemalad: Adnas, Jozabad, Jediael, Micael, Jozabad, Eliú, degi, Ziletai. Wemar, Manasés-sordamar milibarmalad (1,000) e-dummaganad.

²¹We-sorda-dummagan, dule-gandikmaladid, degi, sorda-bila-onomalad-idumaladga gusmarbalidid. We-dulemar, dule-ibmar-atursaega-yogasaar-ubononidamaladgi David-bendaksa gusmalad.

²²Degi, Davidʼga bane-bane sordamar mergumai gusad. Degisoggu, David, bela-bela sorda-ibedga gunonikid. Hebrónʼgi sordamar Davidʼba-nagusmalad

²³Sordamar-bila-onomalad-bulegan, Bab-Jehová sogsa gusadba Davidʼga Saúl-yar-semaid-ukegala Hebrón-neggweburse nonigusmalad.

²⁴Bila-onomalad-bulegan, eswar-gani-bila-onomalad, degi, sigu-abgaed-gani-bila-onomalad. A-sordagan weyob-mergu nonigusmalad:Judá-dulemar-merguedi: Milinergwa gaka dulataled-ilabaabak (6,800) mergued.

²⁵Simeón-sordamar gandik-bila-onomalad merguedi: Dule-miligugle gaka dulatar (7,100) mergued.

²⁶Levita-dulemar-merguedi: Milibake gaka dulataled-ilanergwa (4,600) mergued.

²⁷Aarón-e-wagan-merguedi: Milipaa gaka dulataled-ilagugle (3,700) mergued. Joiadaʼdi, Aarón-e-wagan-dummadga maid.

²⁸Sadoc, sapingwa-gandikid-buledid, e-gwenadgan-dummagan, e-dulagwen-gakabo (22) eba nanaid.

²⁹Benjamín-wagan-Saúl-e-gwenadgan-merguedi: Milipaa (3,000) mergued. A-ibaganse we-dulemar bukidar Saúlʼba nanaimalanad.

³⁰Efraín-dulemar-merguedi: Mili-dulagwen gaka dulataled-ilabaabak (20,800) mergued. Amar, dule-gandikmalad-nanaed, degine, e-babganba nug-nika danimalad.

³¹Manasés-wagan-negabalad-merguedi: Miliambe-gakabaabak (18,000) mergued. Wemar-nuggusmaladi, reyga David-nug-imakega nugsalesmalad.

³²Isacar-dulemar-merguedi: E-dummagan dulataled-ilabo-mergu (200) bukwad.We-dulemar, ibagangi nerguarmaladid. We-dulemar wisdamalad, igi Israel-dulemar bila-onogedgi urwemalargebe. Degisoggu, wemar-sogedba e-gwenadgan ibmar-imakdamalad.

³³Zabulón-dulemar, sordamar-bila-onogedgi-durdakarmaladid, e-gingimar-akar-akar-ebumarbalidid, degi, Davidʼba nue-nanaimarbalidid.Zabulón-dulemar, David-bendakega guakwaa bila-onogega-gudimaladi: Mili-dulabo-gakambe (50,000) mergued.

³⁴Neftalí-dulemar-merguedi: E-dummagan miligwen (1,000) mergued.Deginbali, sordamar-sigu-abgaed-semalad, degi, eswar-semalad: Mili-dulagwen-gakambe-gakagugle (37,000) mergubalid.

³⁵Dan-dulemar guakwaa bila-onogega-gudimaladi: Mili-dulagwen-gakabaabak gaka dulataled-ilanergwa (28,600) mergued.

³⁶Aser-dulemar guakwa-bila-onogega-durdakar-bukwamaladi: Mili-dulabo (40,000) mergued.

³⁷Degi, Jordán-diwar-obakar sordamar-bukwadi, wemalad: Rubén-dulemar, Gad-dulemar, Manasés-dulemar-negabalad.Amar weyob mergued: Mili-dulanergwa (120,000) mergumalad. Degi, wemar, ibmar-bila-onolegedgi-ebulemalad bela-nika bukwamalad.

³⁸Bela we-sordamar, bila-onogega gudimaladid. Wemar, Hebrón-neggweburse, Israel-yargi reyga David-onugsaega nadgusmaladid.

³⁹Degi, ar na e-gwenadgan-ega-ibmar-uksadba David-walik ibapaa gobbukwagusmalad, degi, mas-gunbukwagusmalad.

⁴⁰Degine, e-neg-dikarba-neggweburmar-bukwamalad, ibmar-bukidar Davidʼga senonimalad. Deginbali, Isacar-dulemar, Zabulón-dulemar, Neftalí-dulemar, amarse-bakar, ega ibmar-bukidar senonimarmogad.Davidʼga ibmar-gullemalad we-ibdurgangi ena-ena senonimalad: Moli-uayasuidmargi, moli-yargan-muregedmargi, moli-uaya-senigwadmargi, moli-bebe-nikad-alugwasualedmargi ibmarmar senonimalad.We-ibmar Davidʼga senonimalad: Madubur, higuera-e-san, uva-dinnagana, vino, olivo-gwallu. Deginbali, Davidʼga moli-bebe-nikamalad, degi, sibad-wawaadmar-bukidar senonimarbalid. Ar Israel-yargi neg-weligwar-naidbali, Davidʼga deyob ibmar-gullemalad senonimalad.