Read San Blas Kuna 1 Crónicas 2 Bible Online

1 Crónicas 2 - San Blas Kuna bible

1 Crónicas 2

¹Israel-e-masmala, wemalad: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad, degi, Aser. Judá-wagan

³Judá-e-masmala, wemalad: Er, Onán, degi, Sela. We-masmala-warbaagwadi, Súa-e-sisgwagi gwalulesmalad. We-omede, Canaán-duled. Judá-machi-gebesailadi, Erʼye nugad. Bab-Jehová-asabin dule-isganaga gusad. Agala, Bab-Jehová, Er-iblosad.

⁴Judá-bala-Tamar, Judáʼga masmala-warbo baksad: Fares, Zera. Judá, masmala bela walatar nikusad.

⁵Fares-e-masmaladi, wemarmogad: Hezrón, Hamul.

⁶Zera-e-masmaladi, wemarmogad: Zimri, Etán, Hemán, Calcol, degi, Dara. Bergwable, e-atar gumalad.

⁷Carmi-e-machidi, wedid: Acán. We-Acán, Bab-Dummadga-ibmar-nugsalesad atur-imaksa-gusadba, Israel-dulemarga boni-dummad onos gusad. Agi, dummad-neg-gagasad.

⁸Etán-e-machidi, wedid: Azarías.

⁹Hezrón-e-masmaladi, wemarmogad: Jerameel, Ram, degi, Quelubai. Hezrón-machi-Ram-e-wagan

¹⁰Ram, machi-Aminadab-nikusad. Aminadabʼdi, machi-Naasón-nikusmogad. We-Naasónʼde, Judá-dulemar-e-dummadid.

¹¹Naasón, machi-Salmón-nikusmogad. Salmónʼdi, machi-Booz-nikusmogad.

¹²Boozʼdi, machi-Obed-nikusmogad. Obedʼdi, machi-Isaí-nikusmogad.

¹³Isaí, machi-Eliab-nikunonikid. A-machide, gebesailaginedid. Eliab-yarbali, Abinadab gwalulesad. Abinadab-yarbali, Simea gwalulenonimogad.

¹⁴Simea-yarbali, Natanael gwalulesmogad. Natanael-yarbali, Radai gwalulesmogad.

¹⁵Radai-yarbali, Ozem gwalulesmogad. Napidgine, David gwalulenonikid.

¹⁶E-bunmardi, wemarmogad: Sarvia, Abigail.Sarvia-e-masmala, warbaa gumalad: Abisai, Joab, Asael.

¹⁷Abigailʼga, Amasa gwalulenonikid, Amasa-e-baba, Jeterʼye nugad, Ismael-duled. Hezrón-machi-Caleb-e-wagan

¹⁸Hezrón-machi-Caleb, e-ome-Azubaʼga masmala-baksad, degi, e-ome-baid-Jeriotʼga masmala-baksabalid.E-masmala, wemalad: Jeser, Sobab, Ardón.

¹⁹Azuba-burgwisgua, Caleb, ome-baid Efrataʼye-nugad nikusad. Geb Efrataʼga, machi-Hur-baknonikid.

²⁰Hurʼdi, machi-nikusad, Uriʼye nugad. Uriʼdi, machi-Bezaleel-nikunonimogad.

²¹Hezrón, birga-dulapaa (60) nikunonigua, Maquir-e-sisgwa nikusad. Maquirʼde, Galaad-e-babad. Agi, Maquir-e-sisgwa Segub-baknonikid.

²²Segubʼdi, machi-Jair-nikunonimogad. Jairʼde, Galaad-yargi, neggwebur-gwadulagwen-gakapaa (23) nikunonikid.

²³Gesur-dulemar, degi, Aram-dulemarbogwa, Jair-ibe Kenat-neggwebur, degi, bela e-neggwebur-burwiganase-bakar, sunonimalad. Belagwable, neggwebur-gwadulapaa (60) Jair-ibe susmalad.Bela wemar, Maquir-e-wagan gumalad. Maquirʼdi, Galaad-e-babad.

²⁴Hezrón, Caleb-De-Efrata-neggweburgi-burgwisgua, e-ome-Abías, machi-Asur-baksad. Asurʼde, Tecoa-e-babad. Hezrón-machi-Jerameel-e-wagan

²⁵Hezrón-machi-gebesailagined-Jerameel-e-masmala, wemalad: E-machi-gebesailagined, Ramʼye nugad. Baigana, wemalad: Buna, Orén, Ozem, degi, Ahías.

²⁶Jerameel ome-baid nikunonikid. A-ome, Ataraʼye nugad. Atara, machi-Onam-baknonikid.

²⁷Jerameel-machi-gebesailagined-Ram-e-masmala, wemalad: Maaz, Jamín, Equer.

²⁸Onam-e-masmaladi, wemarmogad: Samai, Jada.Samai-e-masmaladi, wemarmogad: Nadab, Abisur.

²⁹Abisur-e-ome, Abihailʼye nugad. Ega masmala-gwalulesadi, wemalad: Ahbán, Molid.

³⁰Nadab-e-masmaladi, wemarmogad: Seled, Apaim.Seledʼdina mimmigan-nikussuli burgwisad.

³¹Apaim-e-machidi, Isiʼye nugad. Isi-e-machidi, Sesánʼye nuggunonikid. Sesán-e-machidi, Ahlaiʼye nuggunonikid.

³²Samai-urba-Jada-e-masmaladi, wemarmogad: Jeter, Jonatán. Jeterʼdina mimmigan-nikussuli burgwisad.

³³Jonatán-e-masmaladi, wemarmogad: Pelet, Zaza. Bela wemar, Jerameel-e-wagan gumalad.

³⁴Sesán, masmala-nikussulid, unnila bunamalabi nikusad.Unnila, Sesán, Egipto-dulebi e-maiga sedii gusad. We-maide, Jarhaʼye nugad.

³⁵Sesán Jarhaʼga e-sisgwa-uksad, adi, nikuegar.Degidba, Jarha, Sesán-e-sisgwaga machi-Atai-baknonikid.

³⁶Atai, machi-Natán-nikunonikid. Natánʼdi, machi-Zabad-nikunonikid.

³⁷Zabadʼdi, machi-Eflal-nikunonikid. Eflalʼdi, machi-Obed-nikunonikid.

³⁸Obedʼdi, machi-Jehú-nikunonikid. Jehúʼdi, machi-Azarías-nikunonikid.

³⁹Azaríasʼdi, machi-Heles-nikunonikid. Helesʼdi, machi-Elasa-nikunonikid.

⁴⁰Elasaʼdi, machi-Quismai-nikunonikid, Quismaiʼdi, machi-Salum-nikunonikid.

⁴¹Salumʼdi, machi-Jecamías-nikunonikid. Degi, Jecamíasʼdi, machi-Elisama-nikunonikid. Caleb-wagan

⁴²Jerameel-e-urba-Caleb-e-masmaladi, wemalad: E-machi-gebesailagined, Mesaʼye nugad. Mesaʼdi, Zif-e-babad, degi, Maresa-e-babbalid. Maresaʼdi, Hebrón-e-babmogad.

⁴³Hebrón-e-masmaladi, wemarmogad: Coré, Tapúa, Requem, Sema.

⁴⁴Semaʼdi, machi-Raham-nikunonikid. Rahamʼdi, machi-Jorcoam-nikunonikid. Requemʼdi, machi-Samai-nikunonikid.

⁴⁵Samaiʼdi, machi-Maón-nikunonikid. Degi, Maónʼdi, machi-Bet-Sur-nikunonikid.

⁴⁶Caleb-ome-dikarbalid-Efa, we-masmala nikusad: Harán, Mosa, Gazez.Haránʼdi, machi-nikusad. Gazezʼye onugsasad.

⁴⁷Jahdai-e-masmaladi, wemalad: Regem, Jotam, Gesam, Pelet, Efa, degi, Saaf.

⁴⁸Caleb-ome-dikarbalid-Maaca, we-masmala nikusad: Seber, Tirhana.

⁴⁹Deginbali, Maaca masmala nikusbalid: Saaf, Seva. Saafʼdi, Madmana-e-babad. Sevaʼdi, Macbena-e-babad, degi, Gibea-e-babbalid. Caleb-e-sisgwadi, Acsaʼye nugad.

⁵⁰Bela-wemar, Caleb-e-wagan gumalad.Efrata-machi-gebesailagined-Hur-e-masmala, wemalad: Sobal, Salma, Haref.

⁵¹Sobalʼdi, Quiriat-Jearim-e-babad, Salmaʼdi, Belén-e-babad, Harefʼdi, Bet-Gader-e-babad.

⁵²Sobal-e-wagan, wemalad: Haroe, degi, Manahet-dulemar-negabalad.

⁵³Degi, Quiriat-Jearim-e-anagan, wemalad: Itri-dulemar, Fut-dulemar, Sumat-dulemar, degi, Misraim-dulemar. Misraim-dulemargi, Zora-dulemar danimalad, degi, Estaolita-dulemar danimarmogad.

⁵⁴Salma-e-wagan, wemalad: Belén, Netofa-dulemar, Atrot-Bet-Joab, Manahat-dule-negabar, degi, Zora-dulemar.

⁵⁵Degine, garda-narmakmalad-e-gwenadgan-Jabesʼgi-mamaid, wemalad: Tirat-dulemar, Simea-dulemar, Sucat-dulemar. We-Ceneo-dulemar, Hamatʼgi-danimaladid. Hamatʼde, Recab-dulemar-e-dad-dummadid.