Read San Blas Kuna 1 Crónicas 4 Bible Online

1 Crónicas 4 - San Blas Kuna bible

1 Crónicas 4

¹Judá-e-wagan-baigan, wemalad: Fares, Hezrón, Carmi, Hur, degi, Sobal.

²Sobal-machi-Reaía, machi-Jahat-nikusad. Jahatʼdi, machi-Ahumai-nikusad, degi, machi-Lahad-nikusbalid. Jahatʼgi, Zora-dulemar danikid.

³Etam-e-masmala Hur-e-wagan, wemalad: Jezreel, Isma, degi, Ibdas. Wemar-e-bundi, Haze-Lelponiʼye nugad.

⁴Penuelʼdi, Gedor-e-babad. Ezerʼdi, Husa-e-babad. Wemar, Hur-e-waganad. Hurʼde, Efrata-e-machi-sailaginedid.Efrataʼde, Belén-neggwebur-dulemar-e-dadsailad.

⁵Tecoa-neggwebur-dulemar-e-dadsaila-Asur, ome-walabo nikusad: Hela, Naara.

⁶Naara, we-masmala baksad: Ahuzam, Hefer, Temeni, degi, Ahastari. Wemar, Naara-e-masmalad.

⁷Hela-e-masmaladi, wemarmogad: Zeret, Jezoar, Etnán, degi, Cos.

⁸Cosʼdi, warbo masmala nikusad: Anub, Zobeba. Cosʼde, Aharhel-e-wagan-e-dadsailad. Aharhelʼde, Harum-machid.

⁹Jabesʼdi, bur bule e-gwenadganba nug-nika megisad. E-nan Jabesʼye-onug-imaksad, ade soged: “Bonigan-abalagi an na mimmi-nikusye.”

¹⁰Jabes, Israel-e-Bab-Dummadse gochad, ega sogded: “An bese wilesagwa egise, be ise-nued-angi-binsae, napa-dummad be wis anga uke. Be wis an-bendake, mer bar boni-dummadba wilegegar.” Jabes, Bab-Dummadse-ibmar-egichisadi, Bab-Dummad ega imaksad.

¹¹Súa-urba-Quelub, machi-Mehir-nikunonikid. Mehirʼdi, Estón-e-babad.

¹²Estón masmala-nikusadi, wemalad: Bet-Rafa, Paseah, Tehina. Tehinaʼde, Nahas-neggwebur-e-dadsailad. Wemar, Reca-dulemarga gunonikid.

¹³Cenaz-e-masmala, wemalad: Otoniel, Seraías.Otoniel-e-masmaladi, wemarmogad: Hatat, degi, Meonotai.

¹⁴Meonotaiʼdi, machi-Ofra-nikusad. Seraíasʼdi, machi-Joab-nikusmogad. Joabʼde, dulemar-Carisim-nebagi-bukwamalad-e-dadsailad. We-dulemarde, ibmar-sobedgi-arbamaladid.

¹⁵Jefone-machi-Caleb-e-masmala, wemalad: Iru, Ela, Naam.Ela-e-machidi, wedid: Cenaz.

¹⁶Jehalelel-e-masmala, wemalad: Zif, Zifa, Tirías, degi, Asareel.

¹⁷Esdras-e-masmala, wemalad: Jeter, Mered, Efer, degi, Jalón.Mered, e-ome-Bitiaʼye-nugadga we-mimmigan-baksad: María, Samai, Isba. Isbaʼde, Estemoa-e-babad.

¹⁸Wemar, Faraón-e-sisgwa-Bitia-e-mimmiganad. Mered-e-ome-baid-Jehudaíaʼye-nugad, Judá-duled.A-omede, machimala-baksamogad: Jered, Heber, Jecutiel. Jeredʼdi, Gedor-e-babad. Heberʼdi, Soco-e-babad. Jecutielʼdi, Zanoa-e-babad.

¹⁹Hodías, Naham-e-bun nikusad. A-ebogwa, wemar-baksad: Keila, Estemoa. Keilaʼde, Garmita-duled, degi, Estemoaʼdi, Maaca-duled

²⁰Simón-e-masmala, wemalad: Amnón, Rina, Ben-Hanán, degi, Tilón.Isi-e-wagandi, wemalad: Zohet, Benzohet.

²¹Judá-machi-Sela-e-masmala, wemalad: Er, Laada Erʼde, Leca-neggwebur-dulemar-e-dadsailad. Laadaʼde, Maresa-e-babad, degi, Laadaʼde, Bet-Asbea-neg-nugadgi lino-morgi-arbamalad-e-dadsailabalid.

²²Sela-e-wagandi, wemalad: Joacim, degi, Cozebaʼginmalad. Deginbali, Joás, Saraf. Wemar-warbogwad Belén-neggweburse gannar-daged-iduale, Moab-yargi negsemai gusmalad. We-ibmar-gusad garda-sergangi narmakar maid.

²³We-dulemar napsagi-arbamaladid. Netaín-neggweburgi, degi, Guederá-neggweburgi gudii gusmalad. Agine, we-dulemar reyga arbadii gusmalad. Simeón-wagan

²⁴Simeón-e-waganmar, wemalad: Nemuel, Jamín, Jarib, Zera, degi, Saúl.

²⁵Saúlʼdi, Salum-e-babad. Salumʼdi, Mibsam-e-babad. Mibsamʼdi, Misma-e-babad.

²⁶Misma-e-wagan weyob danikid: Misma, Hamuel-e-babad. Hamuelʼdi, Zacur-e-babad. Zacurʼdi, Simei-e-babad.

²⁷Simei, masmala warambe-gakanergwa (16) nikusad, degi, bunamala walanergwa (6) nikusbalid. Simei-e-gwenadgandina, mimmigan-ichesur nikussurmalad. Agala, Simeón-e-wagan, Judá-e-wagan-mergueyob gussurmalad.

²⁸Simeón-e-wagan, David reyga-megnonikidse, we-neggweburmargi ambikusmalad: Beerseba, Molada, Hazar-Sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-Marcabot, Hazar-Susim, Bet-Birai, degi, Saaraim.Simeón-e-wagan Rey-David reyga-megnonikidse, we-neggweburmar na e-neggweburga imaksamalad.

³²Simeón-e-wagan-e-neggwebur-burwigana, wemarbalid: Etam, Aín, Rimón, Toquén, degi, Asán. Bela we-neggwebur-burwigana gwaatar gued.

³³Deginbali, Baal-neg-nugadse bela neggwebur-burwigana neggwebur-dummagan-dikarba-bubukwadi, amargadbalid. Simeón-wagan we-neggweburmargine ambikusmalad.

³⁴Simeón-wagan-e-dadgan-e-dadgan-e-dummagan-e-nugmar, wemalad: Mesobab, Jamlec, Amasías-machi-Josías.

³⁵Joel, Josibías-machi-Jehú. Josibíasʼdi, Seraías-e-machi. Seraíasʼdi, Asiel-e-machi.

³⁶Degine, e-dummagan-baigan, wemalad: Elioenai, Jaacoba, Jesohaía, Asaías, Adiel, Jesimiel, Benaía.

³⁷Degi, Sifi-machi-Ziza. Sifiʼdi, Alón-e-machi. Alónʼdi, Jedaías-e-machi. Jedaíasʼdi, Simri-e-machi, degi, Simriʼdi, Semaías-e-machi.

³⁸Wemar-nug-bilesmaladi, e-gwenadgan-e-dummaganga gudimalad. Degine, e-gwenadgan bela-bela mergusmalad.

³⁹We-dulemar sibad-wawaadmarga gagan-nuegan-amiegala, Gedor-neg-nugad-dogedse, neba-neg-dad-nakwedsik-naidse mosmalad.

⁴⁰Agi, napa-bipisur-unnitiba amismalad, egi gagan-nuegan-bukidar-nai amismalad. A-yargi nabir-bogidik-gudii guleged amismalad. A-yargine, Cam-e-wagan gudimalanad.

⁴¹We-dulemar-nug-bilesmaladi, Ezequías-Judá-e-reyga-maidgine, nonigusmalad. Bela Cam-e-wagan-danar-bukwad oitononimalad, egi naknoni gusmalad. E-ibe bela neg-burwigana-bukwad obelosmalad. Agi moli-omaed-gagan nue-nikasoggu, Cam-dulemar-muchub ambikusmalad. We-garda-narmaklenaigu, bela nug-iduar-bilesmalad, amba agi bukwamalad.

⁴²Deginbali, we-Simeón-sordamar, e-dulataled-ilatar (500), Seir-yalaganba nade gusmalad. Wemar-e-dummagan-idumalad, Isi-e-masmalad.Amarde, wemalad: Pelatías, Nearías, Refaías, degi, Uziel.

⁴³Degi, Isi-e-masmala bela Amalec-sordamar-napi-wakicha-gudimalad obelosmalad. Isi-e-wagan we-garda-narmaklenaidse agi amba bukwamalad.