Read Sangir PĚNDARIADI 41 Bible Online

PĚNDARIADI 41 - Sangir bible

PĚNDARIADI 41

¹Nal᷊iụen dua taung datum Misirẹ̌ e nipi u, i sie kai nạung dụdarisị su wiwihu Sal᷊ụ u Nil.

²Ene sěngkělěndịu piạ sapi pitu matatawa kụ pisine měngkate maral᷊endạ, siměpụ bọu sal᷊ụ ene, kụ nanětạe nahungkaěng děmpugẹ̌ su wiwihu sal᷊ụ ene.

³Bọu ene sapi pitu wal᷊ine siměpụ e lai, kutẹu kai mal᷊ahusụ, kụ kate pisị namikung duhi. Apạewen sapi mal᷊ahusụ e nahundarisị su sěndihangu sapi matatawa e su wiwihu sal᷊ụ ene.

⁴Bọu ene sapi apang mal᷊ahusụ e němpẹ̌kinạ sapi matatawa ene. Mase ratu e nẹ̌bangung bọu katatikilange.

⁵Bọu ene ratu e napukọe wọu tikị e. Bọu ene nẹ̌saụ kinahuntikilang kụ saụewe nipi. Su ipine tangu i sie nakasilo kaweng gandung pitu maralumbakidẹ̌ dingangu masasasạ, kụ timuwo su kalune sěmpuěng.

⁶Bọu ene timuwoko l᷊ai kaweng gandung pitu lai wal᷊ine, mal᷊ahusụ dingangu nẹ̌kokohẹ̌ nasahabu singangung banua l᷊inggi.

⁷Tangu kaweng gandung maghaghahonggo e nanelohẹ̌ kaweng gandung pitu maral᷊oho e kanini. Bọu ene datu e napukọ e kụ nasingkạ e i sie u kai nipi.

⁸ Sěngkamal᷊ukade ratu e měngkai tụtaghawahẹ̌, tangu rimolohe i sie pinẹ̌kui kěbị apan tahatighadẹ̌ dingangu apam matatahuěnnam Misirẹ̌ e. Bọu ene niwěkene ipine si sire, kai tawẹu sarang sěngkatau makapituang mangal᷊ene.

⁹Ene těmbonangu mẹ̌tatangkiang inumange nẹ̌berạe su ratu e u, ”Ěllo ini e iạ nakatahěndungke pẹ̌sasal᷊aku.

¹⁰Nạung kangerẹ Mawu Ratu e limangehẹ̌ su těmbonangu mẹ̌sasiliwirẹ̌ simokol᷊ẹ̌ e ringangu lai si siạ, kụ bọu ene i kami e nipasuẹ̌ su ral᷊ungu tahungkụ, su wal᷊eng těmbonangu měndal᷊ukadẹ̌ bal᷊en datu.

¹¹Piạ sěhěbi, i kandua e nipi, kụ iping kandua e wal᷊inewe mẹ̌sul᷊ung mangal᷊ene.

¹²Kụ sene kai piạ sěngkatau umbaseng u Ibrani e ringangʼi kami. I sie rarolohang u těmbonang měndal᷊ukadẹ̌ bal᷊en datu e. I kandua e něběkẹeng iping kandua e si sie, kụ nipituanẹ timonang ipi ene.

¹³Kụ man nasěhụ kere su kěbị bawerane e, kụ: I kau mawu e nanul᷊eng batangengku e su diabatang u watangengku e nạung kal᷊amona, kai kawe něhukungu papate su mẹ̌sasiliwirẹ̌ u borotẹ̌ ene.”

¹⁴Tangú ratu e rimolohe nakial᷊ạ i Yusup, kụ dingangu masahawụ i sie pinakisěbange wọu tahungkụ. Kụ bọuten i Yusup nakikul᷊ụ dingangu wọuten něngaweng u pakeange, i sie riměntạ e nẹ̌těngon datu.

¹⁵Angkuěngu ratu e si sie, ”Iạ e kai nipi, kụ tawẹ u sarang sěngkatau makapitua ipi ene. Piạ u mělẹ̌habarẹ̌ si siạ u i kau e kai makạpitua ipi.”

¹⁶Angkuěng i Yusup, ”Bal᷊inewe iạ Tuang, kaiso kawe Mawu Ruata e sarung makapitua mal᷊ahẹ.”

¹⁷Tangú něhengetangke ratu, ”Iạ e kai nipi rụdarisị su wimbaengu Sal᷊ụ u Nil.

¹⁸Tangú siměbangke sapi pitu matatawa kụ pisine maral᷊endạ, kụ nanětạ e němpẹ̌kaěng děmpugẹ̌ su wimbaengu sal᷊ụ ene.

¹⁹Bọu ene siměpụ e lai sapi pitu wal᷊ine mal᷊ahusụ kụ kate pisị namikung duhi. Kụ man ta sarang sěnsul᷊e iạ nakasilo sapi kereneng karal᷊akise su kasěllahu Misirẹ̌ e.

²⁰Kutẹu sapi mal᷊ahusụ ene e němpẹ̌kinạ sapi pitu matatawa e sarang tawẹu nal᷊ěmbe.

²¹Kai sapi mal᷊ahusụ ene e měngkate tẹ̌be mahusụ. Mase napukọ e iạ bọu tikịku e.

²²Bọu ene iạ kinahuntikilang kụ saụewe nipi u, iạ nakasilo kaweng gandung pitu maghaghěsi ringangu masasasạ timuwo su kalune sěmpuěng.

²³Mase timuwo lai gandung pitung kawe maghahonggo ringangu kokohẹ̌ kahiang nal᷊ẹ̌nguhu wanua l᷊inggi.

²⁴Bul᷊ihu gandung maghahonggọ ene e nanelohewe wul᷊ihu gandung maral᷊oho e kanini. Sen takụ nasue niwẹ̌ke ipiku rarua ene e su manga tahapatehẹ̌, kaiso man tawẹu sarang sěngkatau nakapěněbal᷊u mangal᷊ene.”

²⁵Tangú angkuěngkewen Yusup e su ratu, ”Ipi rarua ene e mẹ̌sul᷊ung mangal᷊ene; Mawu Ruata e sen něhabarẹ̌ su mawuku apạe sarung koatengʼE.

²⁶Sapi pitu matawa ene ute kai pitu taung, dingangu kaweng gandung maral᷊oho ene ute mal᷊aing pitu taung, kụ i rẹ̌dua e mal᷊aing mẹ̌sul᷊ung mangal᷊ene.

²⁷Sapi pitu mal᷊ahusụ e hědo siměpụ samuri, dingangu kaweng gandung pitu mal᷊ahusụ kutẹu lai kokohẹ̌ e kahian bal᷊enguhu wanua l᷊inggi ene e ute kai tempong karal᷊unusẹ̌ gěnnangu pitu taung karěngụ e.

²⁸Kerẹewe sen takụ nipaul᷊ị su mawuku, Mawu Ruata e sen napatodẹ su mawuku apa sarung koatenge.

²⁹U kai sarung duměnta pitu taung napenẹ u kakěndagẹ̌ su kasěllahu wanuang Misirẹ̌.

³⁰Samuring ene ute sarung duměnta pitu taung tempong karal᷊unusẹ̌, kụ tempong napenẹ u kakěndagẹ̌ e sarung kawěgaěng, batụu tempong karal᷊unusẹ̌ e sarung tumangga mapia hakịeweng banua ini e mal᷊inggi.

³¹

³²Ipin Tuangku e nakoạ duan sul᷊e, ene mělẹ̌lahẹ u hal᷊ẹ̌ ene kai seng nitilakehu Ruata, kụ Duata e sarung lighạ maparal᷊engu ene.

³³Ual᷊ingu ene, mapiawe i Tuangku e pěmile sěngkatau mal᷊intoị dingangu pelesa kụ gělireng loahe waugu pěhundugẹ̌ banua ini e.

³⁴I Tuangku e harusẹ̌be lai pěhengkẹ u mělahal᷊ẹ̌ e lai wal᷊ine, kụ onggoteng kawasa waugu apaghěle sěngkal᷊imang bahageange wọu kal᷊awọu gandung nipěnsạ ghěnangu pitu taung karěngụ e tempọen napenẹ u kakěndagẹ̌ ene, kụ bọu ene ěmmung suapan soane mase komol᷊ẹ̌.

³⁵

³⁶Gandung ene tangu sarung makoạ kiněngkehẹ karěngụeweng pitu taung u karal᷊unusẹ̌ e sarung humombang su Misirẹ̌ e. Kamageng kerene tangu kawanua e tawe mateng kal᷊unusang.”

³⁷Datu ringangu manga timbange kimire su tighadʼi Yusup ene.

³⁸Tangú ratu e něhengetang si sire u, ”Tawe makareạ i kitẹ taumata wal᷊ine kụ nẹ̌tatal᷊ahino kere i Yusup batụu i sie kai tẹ̌takidangu Rohkẹ̌ Susi e.”

³⁹Tangú ratu e něhengetang si Yusup, ”Mawu Ruata sen naul᷊ị u kěbị ini e si kamene, kụ sen nal᷊ahẹ u i kau e něngalembong pelesa ringangu matahuěnna wọʼi sai-sai lai.

⁴⁰ I kau e sarung takụ ihengkẹ makoạ guběrnurẹ̌, kụ patikụewe kawanuaku e sarung dumaringihẹ̌ si kau. U kětạeweng iạ e limembong kawasa wọʼi kau e.”

⁴¹ Bọu ene tangu ratu e něluạ e sinsing piạ segelʼu kararatuang mạkaketạ e wọu tal᷊imědone, kụ bọu ene niluhene su tal᷊imědong Yusup apidu kạberane u, ”Bọu ini tangu i kau e takụ ihengkẹ makoạ guběrnurẹ̌ u kạguwạu Misirẹ̌.” Bọu ene niluhene si Yusup lakụ leneng manandụ al᷊usẹ̌ kụ bọu ene nisohokangu hante wul᷊aeng su lehẹ e.

⁴²

⁴³Tangú wọu ene nionggọ e kěretang kararatuang karuane waugu sasakeěnge, kụ měndal᷊ukadʼu ratu lẹ̌adateng e rimal᷊engke su těngong kěreta e, kapěbẹ̌bansage u, ”Kapia! Gěllirengkon dal᷊eng! Gěllirengkon dal᷊eng!” Kerene kakakoạ i Yusup nahengkẹ nakoạ Guběrnurẹ̌ u kạguwạ u Misirẹ̌ e.

⁴⁴Angkuěngu ratu e si sie, ”Kai iạ e ratu — kụ iạ e měmẹ̌mohang u kereu tawẹ laoronu e tawẹ u sarang sěngkatau su kạguwạu Misirẹ̌ e wotonge makapẹ̌koạ apa.”

⁴⁵Mase ratu e nangonggọu arengu Misirẹ̌ e si Yusup, kụ kai Zafnat-Paaneah. Kụ nighěllirangkeng kawinge isẹ̌sẹ̌bạ si Asnat, anạ i Potifera měngumbelẹ diabatangu imang su soang Heliopolis. I Yusup umbure těllum pul᷊o su taunge piạ i sie nanětạ němunara waugu ratum Misirẹ̌ e. Tangú nẹ̌buạ e i Yusup bọu wal᷊en datu e kụ dimal᷊eng limuhu kạguwạu wanua ene.

⁴⁶

⁴⁷Su ral᷊ungu pitu taung napenẹ u kakěndagẹ̌ ene, ěntana e mamben nẹ̌gěsi kụ mạměnsạ mẹ̌dẹ̌dal᷊embo.

⁴⁸Gandung ene nitampung i Yusup kụ niresọ e suapan soa. Suapạewen soa e i sie něndesọ u gandung pěnsạeweng apan baelẹ̌ mạngělikụ soa ene.

⁴⁹Gandung nạung nakomol᷊ẹ̌ e enẹ e kal᷊awọe hakịu i Yusup něngědo něnupa ual᷊ingu kal᷊awọe mẹ̌sul᷊ungu ěnne suapeng.

⁵⁰Kal᷊amonan tempong karal᷊unusẹ̌ e ren tawe nịkahombang, i Asnat kawingʼi Yusup naiwantelʼu esẹ darua.

⁵¹Angkuěng i Yusup, ”Mawu Ruata e napakawul᷊eng iạ e wọu kal᷊awọu sigěsạku ringangu waugu anạ u sěmbaụ i amangku e.” Ual᷊ingu ene tangu anạ e humotong nisěbạ e si ”Manasye”.[93]

⁵²Bọu e nẹ̌bera kapia, ”Mawu Ruata e sen nẹ̌gěllịu manga rariọ si siạ e sural᷊ungkeng kasasigěsạku e,” kụ bọu ene anạ e karuane nisěbạ e si ”Efraim”.[94]

⁵³Pitu taung tempo napenẹ u kakěndagẹ̌ e seng nikapěndangeng u sěngkawanuaěng su Misirẹ̌ e napal᷊usẹ̌.

⁵⁴ Tangú riměntạ e tempom pitu taung u karal᷊unusẹ̌, natuhụ e kere seng pinẹ̌berang Yusup. Su kasěllahu dunia e nariadị e karal᷊unusẹ̌, arawe su kasěllahu Misirẹ̌ e sem piạ kiněngkehe u kaěng.

⁵⁵ Ene piạ e kawanuang Misirẹ̌ e nạnětạ e kẹ̌kal᷊unusang, i sire měmpẹ̌dẹ̌dorongke kaěng su ratu e. Bọu e ratu e rimolohen sire apakakoạ sol᷊ong anung Yusup kụ apạtuhụ kal᷊awọu apạeweng parentan Yusup si sire e.

⁵⁶Piạ e karal᷊unusẹ̌ ene mangkeng kạpahuntinambane mase nẹ̌darakị su kaguwạu wanua e, tangu i Yusup něnopẹ e kal᷊awọu gudang kụ nẹ̌bal᷊ụeng gandung su taumatan Misirẹ̌ e.

⁵⁷Bọu teweng kạguwạu dunia e taumata měmpạhunděnta sol᷊ong Misirẹ̌ měmpamělli gandung bọʼi Yusup, u karal᷊unusẹ̌ e seng enẹ e katědụ e walạewe měnsang suapa.