Read Sangir PĚNDARIADI 45 Bible Online

PĚNDARIADI 45 - Sangir bible

PĚNDARIADI 45

¹ I Yusup selain tawe makapẹ̌tingkědang u pěndange su těngong manga ringange su pělahal᷊ekang. Ual᷊ingu ene tangu nirolohe i sire apạsěbang bọu tampạ ene tadeạu i sie makakaul᷊ị su manga tuhange u kai i sai tangu i sie.

²Sarangke kal᷊awọu mělahal᷊ẹ̌ e sen nasue němpaněntang bọu ral᷊unge ene, simohọ e, tangu simangị e i Yusup maihạ-ihạ, hakịu tau Misirẹ̌ kụ apan sul᷊ikudʼu huange nakaringihe, kụ natěpase habarẹ̌ ene sol᷊ong bal᷊en datu.

³I Yusup nẹ̌bera su manga tuhange, ”Iạ ini e kai i Yusup, kụ bědangbe wiahẹ̌ i amangku e?” Nakasilo ene manga tuhange mangkewen něngkatakụ hakịu i sire tawe nakasimbahẹ̌.

⁴Tangu angkuěng i Yusup si sire, ”Mahịe sol᷊ong ini.” I sire němpẹ̌haungke, kụ i sie saụewe nẹ̌bera, ”Iạ e kai i Yusup, nạung sen niwal᷊u i kamene su Misirẹ̌.

⁵Abe katakụ arau mẹ̌sasěsilʼu watangengu ual᷊ingu i kamene kawe sen nẹ̌bal᷊ụ u iạ. Tuhụ hinone kai Mawu Ruata sẹ̌sane něhaěng si siạ sol᷊ong ini piněngal᷊imona si kamene waugu ipěngambang taumata l᷊awọ.

⁶Ini e wuhụ e karua taunge wọu tempong karal᷊unusẹ̌, kụ karěngụewelaiʼm bědang lima taung taumata e ren tawe makapẹ̌baelẹ̌ dingangu makapěměnsạ.

⁷Mawu Ruata sen nẹ̌bawa si siạ piněngal᷊imona si kamene mědeạu ipěngambang si kamene, maning kere makạdal᷊inaụ ini e, ringangu waugu mẹ̌padul᷊i tadeạu i kamene kạtatanạbe wiahẹ̌, baugu l᷊ai pal᷊ahiteng kamene.

⁸Kụ hatede tumuhụ hinone wal᷊inewe i kamene nakakoạ sarang iạ e ene sini, kaiso kawe Mawu Ruata. I sie napakakoạ u iạ e sěngkatau piạ pangkate marangẹ tumatimbang u ratu su Misirẹ̌. Iạ e kai piněngumbalaěngu kawasa waugu kal᷊awọu ral᷊ohom bal᷊e ringangu kasěllahu Misirẹ̌ e.

⁹ Kụ ini e tangu, i kamene lighạbe pěmpẹ̌sul᷊e kạpia su anung amang kitẹ, dingangu paul᷊ịko si sie, u i Yusup, anạ e nẹ̌bera kere ini, ’Duata e sen napakariading iạ e měngangawasa su kasěllahu Misirẹ̌ e, kụ děntạ e pakarol᷊ạ abe pẹ̌těnggona!

¹⁰I amangku e sarung apẹ̌tanạ su wanuang Gosyen, marěduhu iạ — i amangku ringangu manga pulunge, manga dombane, kambing, sapi arau walạewe apan tataghuaneng i amangku e.

¹¹Kereu i amangku e ene su Gosyen, iạ e rembeng makahiking si amangku. Tempong karal᷊unusẹ̌ e wědang lain lima taung karěngụe kụ iạ e rem mẹ̌deạ dal᷊enge tadeạu i amangku e ren tawe kẹ̌kawusangu apa.’ ”

¹²Angkuěngkewen Yusup kapia, ”Ini ěng i kamene sen nakasilo hala, kerene lai i kau Benyamin, u iạ e mambeng kahěngang i Yusup.

¹³Měngkate pẹ̌běke si amang i kitẹ u apạewe masěllahẹ̌ kawasaku sini e, su Misirẹ̌ e ringangu pẹ̌běke si sie kal᷊awọu apạeweng kinasilong kamene. Bọu ene měngkate paringang i kamene lighạ damahi sol᷊ong ini e i sie.”

¹⁴Bọu ene i sie nělahěkụ e si Benyamin tuarine ene e, mase kimiạ; i Benyamin mal᷊aing kạkiạ e kal᷊ahěkụ si Yusup.

¹⁵Bọu ene dem bědang kạsangị e, i Yusup nělahěkụewe si sire manga tuhange kụ diměngu si sire. Bọu ene tangu wuhụewe i sire nanětạ němpahumbisara ringange.

¹⁶Ene nạung su wal᷊en datu e nakaringihe habarẹ̌ u manga anạ u sěngkataung Yusupẹ̌ e narěnta, tangu datu dingangkewen manga timbangu munarane mal᷊aing limuasẹ̌ dingang.

¹⁷Tangu něhěngetangke ratu si Yusup, ”Pěngoroko manga tuhangu e kụ pěmpẹ̌duịko bawawaěng i kamene gandung su wowong kaliden sire kụ pakapul᷊e sol᷊ong Kanaan

¹⁸apěngal᷊ạ si amange i sire ringangu ral᷊ohom bal᷊en sire kụ bọu ene pěngal᷊ingke ramahi. Iạ hědon sarung měngonggọu ěntana kal᷊ěnggihange su Misirẹ̌, i sire sarumbe makapẹ̌biahẹ̌ masukụ wọu ghěsing ěntana ene.

¹⁹Pěngoroko lai si sire apẹ̌bawa kareta manga piram baụ bọu ini waugu kawing dingangu manga anạ i sire apan dem bědang dararodọ, dingangu waugu pěněnsomahẹ̌ si amang i sire.

²⁰I sire tahawahal᷊uasu měmpẹ̌tiněnnang apal᷊iwụ apang hinong tawe ikawawang sire, batụu apang kapiaěnge su kasěllahu Misirẹ̌ e sarung makoạ tataghuaneng i sire.”

²¹Manga anạ i Yakub tangu němpẹ̌koạ e kere nioron datu ene. I Yusup nẹ̌gěllị u manga kareta piram baụ si sire, natuhụewe kere su laoron datu, ringangkewen sinasạ baugʼi sire su raral᷊engang.

²²I sire mal᷊aing nionggotangu pakeang buhu sěngkatau-sěngkatau e pẹ̌sěmparẹ̌. Arawe waugʼi Benyamin nionggotange roitẹ̌ sal᷊aka těllu hasụ su kal᷊ěpane ringangu pakeang buhu limam parẹ̌.

²³I sie něndingọ u kalide mapul᷊o si amange niapěmikulẹ̌ manga apal᷊iwụ maral᷊ěnggihě bọu Misirẹ̌, ringangu lai kalide mapul᷊o pinakawěhạ u gandung, borotẹ̌ ringangu kaěng bal᷊ine baugu kaněngang kạpahundal᷊enge sol᷊ong Misirẹ̌.

²⁴Bọu ene i sie napẹ̌buạ u manga tuhange, apidu kapẹ̌berane si sire u, ”Kumbahangbe měmpẹ̌darendehẹ̌ su ral᷊eng.”

²⁵I sire naněntangu Misirẹ̌ kụ napul᷊ẹ sol᷊ong Kanaan anung Yakub, i amang i sire.

²⁶”I Yusup bědang biahẹ̌!” angkuěng i sire si sie. ”I sie nakoạ měngangawasa su kasěllahu wanuan Misirẹ̌!” Nakaringihẹ̌ habarẹ̌ ene, i Yakub měngkate tawẹ kěndị e, ringangu i sie tawe mahimang si sire.

²⁷Kutẹu sarangke i sire nẹ̌běkẹeng kěbị apan niwerang Yusup si sire e, dingangu piạ e i sie nakasilọ e kareta niringọ i Yusup baugu ipěngal᷊ạ si sie sol᷊ong Misirẹ̌ e, nasingkạ e i sie wọu tụtungul᷊ẹ̌.

²⁸”Anạku i Yusup bědang biahẹ̌!” angkuěnge. ”Kětạeng ene takụ ikẹ̌kaěnning! Iạ harusẹ̌ tamai kụ měmanda těntal᷊ang iạ dem biahẹ̌.”