Read Sangir PĚNDARIADI 7 Bible Online

PĚNDARIADI 7 - Sangir bible

PĚNDARIADI 7

¹Ene něhengetangke MAWU e si Noakẹ̌ u, ”Iạ nakasilo u i kau kai sěngkatau taumata kụ tụtuhụ kapulu-Ku. Tangú, suẹ̌ e su ral᷊ungu kapal᷊ẹ̌ ene ringangu kal᷊awọu ral᷊ohon bal᷊enu e.

²Pẹ̌bawako lai pitung parẹ̌ bọu manụ u kinoaěng, ringangu manga binatang bal᷊ine ipẹ̌pẹ̌pělli, arawe wọu apang tawe ipẹ̌pẹ̌pělli e piane pẹ̌sěmparẹ̌ bọu apang gahị e sěmbaụ. Kụ koạko ene tadeạu wọu apang gahịu binatang e piạbeng mal᷊iwirẹ̌ bọu kawawinasa ringangu wotongewe lai saụ měhite su dunia.

⁴Pitu ěllo karěngụe Iạ sarung maparasehu tahiti kụ tawe mawaesẹ̌ karěngụ u 40 su ěllone ringangu 40 su hěbine, tadeạu kal᷊awọu riadikang biahẹ̌ kụ Takụ nikoạ ene e mawinasa.”

⁵Mase i Noakẹ̌ e nẹ̌koạ e patikụ apan nịlaorom MAWU e si sie.

⁶I Noakẹ̌ e umure 600 su taunge su tempong karariading lěba e su dunia.

⁷ I Noakẹ̌ e ringangu kawinge, ringangu manga anạ e ringangkeweng kawing i sire, nahunsuẹ̌ su ral᷊ungu kapal᷊ẹ̌ ene baugu mapakal᷊iwiru watangeng i sire e wọu lěba.

⁸Sěmbaụ esẹ dingangu sěmbaụ bawine e wọu apạeweng gahịu manụ u kinoaěng dingangu manga binatang bal᷊ine e, baebe ipẹ̌pẹ̌pělli arau waẹbe lai tala e,

⁹nahunsuẹ̌ su ral᷊ungu kapal᷊ẹ̌ ene e sěngkasuẹ̌ dingangʼi Noakẹ̌ e sěndal᷊engkewen titang Mawu Ruata e.

¹⁰Pitu ěllo samuring ene e lěba e rimal᷊engke nangellọ dunia e.

¹¹ Piạ i Noakẹ̌ natimu 600 su taunge, su tanggalẹ̌ mapul᷊o pitu, su wul᷊ang karuane, nẹ̌giase kal᷊awọu simbul᷊u akẹ su al᷊ungu dunia. Kal᷊awọu sasẹ̌bangengu akẹ su l᷊angị e natopẹ e,

¹²kụ tahiti e rimasehẹ̌ karěngụ u 40 su ěllone ringangu 40 su hěbine.

¹³Kụ su ěllọewe lai ene, i Noakẹ̌ dingangu kawinge simuẹ̌ e su ral᷊ungu kapal᷊ẹ̌ ene ringangu anạ e tatěllu e, i Sem, i Yafet dingangu i Ham ore lai kawing i sire sěngkatau-sěngkatau e.

¹⁴Sěngkasuẹ̌ dingang i sire tangu piạko l᷊ai nasuẹ̌ apang gahịu manụ u kinoaěng dingangu binatang bal᷊ine e, baewe mahoro arau baewe lai maghaěng, gaghuwạ ore lai rarodọ.

¹⁵Sěmbaụ esẹ, sěmbaụ bawine bọu apang gahịu riadikang biahẹ̌ e simuẹ̌ sorong dal᷊ungu kapal᷊ẹ̌ ene e sěngkasuẹ̌ dingang i Noakẹ̌,

¹⁶natuhụewe kere su titang Mawu Ruata e si sie. Ene sarangke nasuẹ̌ kěbị, MAWU e něhěpingke tukadu kapal᷊ẹ̌.

¹⁷Lěba měngkatewe nahanụ nanaghěnu karěngụeweng ěpạ u pul᷊o su ěllone, kụ akẹ tangu apạe marangẹ-dangẹ sarangkewe kapal᷊ẹ̌ ene rimal᷊ěto.

¹⁸Akẹ mangkeng kakạdangẹ e mase kapal᷊ẹ̌ e mang kạdal᷊ětone su wowong akẹ.

¹⁹Akẹ ene sauneng nahuntinambang karangẹ e, hakịu sarang manga wul᷊ude kararangetange nahěpusʼu akẹ.

²⁰Akẹ e měngkate sauneng nawị nịdatingu pitum meterẹ̌ bọu wowom bul᷊ude.

²¹MAWU e napakawinasang kal᷊awọu riadikang biahẹ̌ su wowon dunia ini: Taumata, manụ u kinoaěng, ringangu binatang u rul᷊unge baewe rararodọ arau lai gaghaghuwạ. Tawe nawinasa ute tumbạeng i Noakẹ̌ dingangkeweng kal᷊awọu apang dingang i sie su ral᷊ungu kapal᷊ẹ̌ ene.

²⁴Akẹ ene tawẹ manga nohọ karěngụ u 150 su ěllone.