Read Sangir SAMUEL KARUANE 9 Bible Online

SAMUEL KARUANE 9 - Sangir bible

SAMUEL KARUANE 9

¹ Piạ su sahěllo, i Daud nakiwal᷊o, ”Bẹ̌dang piạ taumata wiahẹ̌ bọu anạ u sěngkataun Saul? Mageng piạ, iạ kai mapulu mẹ̌koạ mapia si sie ual᷊ingu i Yonatan.”

²Anạ u sěngkataung Saul piạ ěllange i sẹ̌sěbạ si Ziba, kụ i sie nirolohẹ̌ niapatatěngo su Ratu i Daud. Ratu nakiwal᷊o, ”I kau i Ziba?” ”Ore Tuang,” sasimbang e.

³ Bọu ene ratu e nakiwal᷊o, ”Bědan piạ u wiahẹ̌ anạ u sěngkataung Saul? Iạ kai mapulu mẹ̌koạ mapia si sie kerẹewe takụ pinẹ̌diandi su Mawu.” I Ziba simimbang, ”Bědang piạ sěngkatau ahusi Yonatan, i sie kai pengkadẹ̌.”

⁴”Suapa i sie?” angkuěng u ratu. ”Su Lodebar, su wal᷊en Makhir anạ i Amiel,” angkuěng i Ziba.

⁵Bọu ene Ratu i Daud nakikuing anạ i Yonatan.

⁶Anạ i Yonatan ene i sẹ̌sẹ̌bạ si Mefiboset. Sarạeng narěnta, i sie nẹ̌tumpěkuhẹ̌ něngadatẹ̌ si Daud. I Daud něngapu si sie kạpěberane, ”Mefiboset,” kụ i sie simimbang, ”Ya Tuang.”

⁷I Daud něbera, ”Abe katakụ. Iạ kai mapakaěllungu naungku si kau e, ual᷊ing i amangu i Yonatan. Kěbị ěntanang tetẹ u i Saul e, kai takụ i sul᷊e si kau, ringang u sarạeng kaděngu e i kau wotonge kumaěng su wal᷊eku.”

⁸I Mefiboset něsaụ nẹ̌tumpěkuhẹ̌ kụ nẹ̌bera, ”Kai apạ e mangal᷊ene ěllang ini. Unụ e wue i kau kawe kapiane su ěllang?”

⁹Bọu e ratu nẹ̌kuị e si Ziba ěllangi Saul kụ něbera, ”Kěbị apang těntang i Saul ringangu walage kai takụ ighěllị su pulungi tuang u ini.

¹⁰I kau manga anạu ringangu mẹ̌sasumbalanu, pěmpěhal᷊ẹ̌ ěntana ene waugu pulungi tuangu i Saul, kụ ěbạ u ěntana e ghěllị si sire waugu i pěnukụ pẹ̌bawiahi sire. Arawe i Mefiboset botonge kumaěng su wal᷊eku sarang karěngụ e.” (I Ziba piạ anạ e mapul᷊o l᷊ima su kataune esẹ, ringangu ěllang e ruam pul᷊o su kataune.)

¹¹I Ziba simimbangke su ratu,[23] ”Kěbị parentanu e, mang koateng u ěllang.” Kụ tangú i Mefiboset kụkaěng sěngkasadia ringangu ratu e, kụ mạngawẹ anạ u Ratu.

¹²I Mefiboset piạ anạ e i sẹ̌sěbạ si Mikha. Kěbị apạ ewen manga anạ u sěngkataung Ziba e, nakoạ ěllang i Mefiboset.

¹³Kụ i Mefiboset laede ruang běka pengkadẹ̌, mạtanạ su Yerusalem, kakanengange e su wal᷊en datu.