Read Sangir MANGA RATU HUMOTONG 22 Bible Online

MANGA RATU HUMOTONG 22 - Sangir bible

MANGA RATU HUMOTONG 22

¹Karěngụu piạ katěllu taunge tawẹ apa pẹ̌sasekẹ sutal᷊oarang Israel dingangu Siria.

²Kaiso su taung katěllune, i Yosafat datung Yehuda tamai nẹ̌tiwo si Ahab datung Israel.

³Kal᷊imonang ene i Ahab seng nẹ̌bera su manga pěrwirane, ”I kamene masingkạ u soang Ramot su Gilead ene kai tataghuaneng i kitẹ! Unụe i kitẹ e tawe němul᷊aho kapia wọu ratun Siria?”

⁴Tangú piạ e i Yosafat narěnta, i Ahab nakiwal᷊o, ”Mapulu i Kau tamai ringangku e měngalo soan Ramot!” ”Kerenẹ e!” angkuěng i Yosafat. ”I kitẹ sěngkatamai. Sordado ringangu wuntuangku piạ kawal᷊one sarung mẹ̌dal᷊aụ dingangu sordado ringangu wuntuangu sekẹ u piạ kawal᷊one.

⁵Kaiso mapiawe i kitẹ makiwal᷊o su MAWU e kal᷊imona.”

⁶Tangu i Ahab něnampungke piạ u manga ěpạ u hasụ su kataune nabi e bọu e nakiwal᷊o si sire, ”Botonge iạ tamai sumekẹ Ramot arau tala?” ”Botonge!” angkuěng i sire. ”MAWU e hědon sarung měnarakangu soa ene si Tuang.”

⁷Arawe i Yosafat kạpia nakiwal᷊o, ”Apa sini tawẹ apa nabi wal᷊ine kụ nakakiwal᷊o su MAWU e waugʼi kitẹ e?”

⁸I Ahab simimbang, ”Bědang piạ sěmbaụ i Mikha anạ i Yimla. Arawe iạ e mạběnsing i sie, batụu i sie tawẹ běke lụalong hal᷊ẹ̌ mapia e waugu iạ; sěntiniạ e mang dal᷊aị.” ”Ah, abe pẹ̌bera kerene!” angkuěng i Yosafat.

⁹Tangú i Ahab nẹ̌kui sěngkatau sawohị u wal᷊oarị bọu e rimolohʼi sie lighạ pẹ̌tẹ̌tinggạ pạněnsomahẹ̌ su Nabi Mikha.

¹⁰Su tempo ene i Ahab dẹ̌duan Yosafat, mělẹ̌luhem pakeangu kararatuang, mạintol᷊ang su kaderang kararatuang su tampạ u pěndal᷊indaěng gandung su těngon tukadu pasěllangeng u Samaria, těntal᷊ang manga nabi e riměnta nẹ̌těngo ringangu něhabaru kakindoạ i sire.

¹¹Sěngkatau wọu manga nabi ene, isẹ̌sěbạ si Zedekia anạ i Kenaana, němpẹ̌koạ manga sunge uase mase nẹ̌bera si Ahab, ”Seng ini e piněhengetangu MAWU, ’Ringangu manga sunge kere ini e i Tuang sarung měnigěsạ Siria ringangu mapakagholọ i sire.’ ”

¹²Kal᷊awọu nabi wal᷊ine e kimire ringangu nẹ̌bera u, ”Seketẹ e Ramot, i Tuang sarung makawatạ. MAWU e sarung mẹ̌gěllịu kal᷊auntu si Tuang.”

¹³Těntal᷊ang ene, darolohang kụ naněnsomahẹ̌ si Mikha e, nẹ̌bera si Mikha, ”Patikụ nabi wal᷊ine e lụalong kal᷊auntu waugu ratu. Karimạko i Tuange mal᷊aing lụalong apa kụ mapia kere i sire.”

¹⁴Arawe i Mikha e simimbang, ”Baugu MAWU kụ biahẹ̌, iạ kětạeng makawerang apang niweram MAWU e si siạ!”

¹⁵Ene i Mikha e nahumpạen těngon Datu i Ahab, datu nakiwal᷊ọ e, ”Botonge iạ dingangu Ratu i Yosafat měnekẹ Ramot, arau tala?” ”Seketẹ e!” angkuěng u Nabi Mikha. ”Nal᷊ahẹu i Tuang makauntu. MAWU e sarung měngonggọu kal᷊auntu waugʼi Tuang.”

¹⁶I Ahab simimbahẹ̌, ”Kereu i kau mẹ̌bisarang iạ su ral᷊ungu arengu MAWU, kai pẹ̌berạe kahěngang. Pira sul᷊e iạ měgẹ̌gěllị u ingate mạanun hal᷊ẹ̌ ene?”

¹⁷ I Mikha e němal᷊isẹ̌ u, ”Iạ e nakasilo sordadong Israel nẹ̌kal᷊emboghang su manga wul᷊ude. I sire tabidạu manga domba tawẹ lukade, ringangu MAWU e něhengetang baugi sire, ’I sire ini e tawẹ těmbonange. Balạekere i sire pakapul᷊ẹ dingangu kasasal᷊amatẹ̌.’ ”

¹⁸Mase angkuěng i Ahab si Yosafat, ”Kahěngang baweraku e, tala wue? Tawẹ běke i sie lụalong mapia e waugu iạ! Měngkate kětạeng dal᷊akisẹ̌!”

¹⁹ I Mikha nẹ̌bera kapia, ”Ini e pẹ̌daringihẹ̌ko apạ e nipěhengetangu MAWU! Iạ e nakasilo MAWU mạintol᷊ang su kal᷊aianenge su sorga, ringangu kěbị malạekate mạhundarisị su rěduhe.

²⁰MAWU e nakiwal᷊o, ’Kai i sai sarung měngologẹ̌ si Ahab tadeạu i sie mapulu rumal᷊eng mẹ̌sekẹ kụ mawihua su Ramot su Gilead?’ Sasimbangu manga malạekatẹ̌ e mẹ̌tẹ̌tatěntang.

²¹Pěngěnsueěnge timiol᷊e rohkẹ̌ sěmbaụ. I sie simandigẹ̌ MAWU kụ nẹ̌bera, ’Kai iạ e sarung měloke si sie.’

²²’Kere apa ngae koạ e?’ angkuěngu MAWU. Rohkẹ̌ ene simimbang, ’Iạ e hědon dumal᷊eng kụ mapakariading kěbị nabing Ahab měmpẹ̌konti.’ MAWU e nẹ̌bera, ’Kerenẹ e, koạ e ene, kụ i kau e sarung makal᷊oke si sie.’ ”

²³Mase tuhụ e i Mikha e nẹ̌bera, ”Kụ, kai ene e nariadi! MAWU e seng napakariading manga nabin Tuange nẹ̌konti si Tuang batụu MAWU e seng něnilakehu waugu mapakanawong hombang si Tuang!”

²⁴Tangú timol᷊ọ e Nabi Zedekia e rimani si Mikha wọu e němeru ghatine apidu nẹ̌bera, ”Mariadiwe kereapa Rohkẹ̌ u MAWU e maněntangu iạ kụ mẹ̌bisara si kau?”

²⁵I Mikha e simimbang, ”Hědọeng i kau makasilo lětạ u su tempong i kau sumuẹ̌ su kamarẹ̌ sěmbaụ kụ mẹ̌kěmbuni.”

²⁶”Samẹko i sie!” parentan Datu i Ahab, ”kụ bawako i sie sol᷊ong anung Amon těmbonangu soa, ringangu su mal᷊amben sekẹ i Yoas.

²⁷Dolohẹ̌ko i sire apěnuẹ̌ i sie su ral᷊ungu tahungkụ, mase apakaěng i sie ringangu apěnginung i sie manịeng kadodọ sarang iạ masul᷊e kapia ringangu sal᷊amatẹ̌.”

²⁸Angkuěng i Mikha, ”Kereu i Tuang masul᷊ewe ringangu sal᷊amatẹ̌, ute mangal᷊ene MAWU e tawe nẹ̌bisara limiung iạ! Kěbị apang naene sini e makoạ sahidi.”

²⁹Bọu e i Ahab datung Israel, dingangu i Yosafat datung Yehuda e tamai něnekẹ soang Ramot su Gilead.

³⁰I Ahab nẹ̌bera si Yosafat, ”Iạ hědo mẹ̌těngkaunidẹ̌ kụ tumol᷊e mẹ̌sekẹ dingang, arawe i Kau e měngkate pěluhem pakeangu kawawantugu e.” Kerene ratung Israel nẹ̌těngkaunidẹ̌ piạ i sie rimal᷊eng nẹ̌sekẹ.

³¹Su tempo ene i sire těllum pul᷊o dua su kataune mol᷊ensekẹ u wuntuang piạ karetane wọu Siria e seng nirolohu ratune apạnekẹ datung Israel samatang.

³²Kụ, piạ i sire nakasilo Ratu i Yosafat, i sire kěbị mạngiral᷊ing u i sie e kai ratung Israel. Ual᷊ingu ene i sire e něnekẹ si sie. Arawe i Yosafat nẹ̌kiạ e,

³³kụ i sire mal᷊aing nakaěnna u i sie wal᷊inewe ratung Israel. Mase i sire něngědo něngalo si sie.

³⁴Natarangko l᷊ai sěngkatau sordadong Siria e něngěnạ papitị e, kụ balạewe napitị. Kaiso horom papitị e mang natěbị si Ahab timěpasu pakeangu sekẹ e su pẹ̌sěmakenge. ”Kinahinoenge iạ!” angkuěng i Ahab su měngangul᷊ing karetane. ”Bal᷊engkọko, kụ bawako iạ sěbang bọu pẹ̌seketang ini e!”

³⁵Kaiso ual᷊ingu sekẹ e wědang kararamasage, Datu i Ahab měngkate těbe rụdarisị tẹ̌tuilang su ral᷊ungu karetane nẹ̌těngon sordadon Siria. Dahane nelehẹ̌ bọu lesẹ e, něholọewe wal᷊ahuangu kareta. Nawawěllo i sie napohongke.

³⁶Lụhaungke matangěllo simědạ e kal᷊awọu wuntuangu Israelẹ̌ e nioro pinakapul᷊ẹ sol᷊ong soa ringangu wanuan sire sěngkatau-sěngkatau,

³⁷ual᷊ingu ratu e seng nairị. Bọu e napul᷊ẹ e i sire e kụ nilěbing maietʼi Ahab su Samaria.

³⁸Su tempong karetane niwurěsi su mal᷊ang Samaria, manga wawine tahasundal᷊ẹ̌ e kạpẹ̌děndenọ e sene, kụ asu e kapělẹ̌lanụ e raha su kareta ene, natuhụewe kere sem piněhengetangu MAWU.

³⁹Běkene wal᷊ine mạanun Datu i Ahab, hal᷊ẹ̌ u wal᷊oarị u sunge, ringangu kal᷊awọu soa apan nipětị e, seng mạbawohẹ su bukẹ̌ u Wěkem Mararatung Israel.

⁴⁰Samuring Ahab napohong, i Ahazia ahuse nakoạ datu něngaweng si sie.

⁴¹Su taung kaěpạ e su parentan i Ahab datung Israel, i Yosafat anạ i Asa nakoạ datu su Yehuda.

⁴²Su tempo ene i sie wuhụ e těllum pul᷊o l᷊ima su taunge umbure. I sie nẹ̌parenta su Yerusalem ruam pul᷊o l᷊ima su taunge karěngụ e. I ninange ute i Azuba anạ i Silhi.

⁴³Mẹ̌sul᷊ungu i Asa, i amange, i Yosafat mẹ̌kẹ̌koạ mapia su matam MAWU. I sie něngupu bọu kararatuange kal᷊awọu manga esẹ tahapẹ̌sundal᷊ẹ̌ dingangu manga wawine apang měmpẹ̌munara su tampạu pěnaněmbaěng mahan duata apang kụ bědang těntangu wọu tempong amang i Asa. Kaiso kal᷊awọu tampạu pěnaněmbaěng ene hala e tawe nigholange. Kawanua e měngkate wědang mạněmbang sasěmba ringangu kamania e sene. I Yosafat mẹ̌kẹ̌koạ manga kapal᷊u Tarsis waugu ipěngal᷊ạ bul᷊aeng bọu Ofir, arawe kal᷊awọu kapal᷊ẹ̌ ene e tawe nisěhụ nẹ̌buạ ual᷊ingu nagholang su Ezion-Geber. Datu i Ahazia wọu Israel měnẹ̌nawarẹ̌ u tadeạu sasakeng kapal᷊e apẹ̌buạ sěngkapẹ̌buạ dingangu sasakeng kapal᷊i Yosafat, kaiso i Yosafat tawe napulu manimbe i sie mědẹ̌dal᷊ahapịbe mapia ringangu ratung Israelẹ̌ e. Bọu e i Yosafat napohong kụ nilěbing su pěndal᷊ěbingangu mararatu su Soan Daud. I Yoram anạ e nakoạ datu něngaweng si sie. Běkene wal᷊ine e mạanun Yosafat, su hal᷊ẹ̌ u kawawahanine ringangu pẹ̌sasasekẹ e seng niwohẹ su ral᷊ungu bukẹ̌ u Wěkem M(...)

⁴⁴

⁴⁵

⁴⁶

⁴⁷

⁴⁸

⁴⁹

⁵⁰

⁵¹

⁵²Su taung kapul᷊o pitune su parentan Datu i Yosafat bọu Yehuda, Ahazia anạ i Ahab nakoạ datung Israel bọu ene nẹ̌parenta Israel karěngụ u rua taung su Samaria.

⁵³I sie nẹ̌dosa su těngom MAWU watụ u timol᷊e lulung amange ringangi ninange ringangu lulun Datu i Yerobeam kụ nakakariadin tau Israel nẹ̌dosa.

⁵⁴I sie naněmba Baal dingangu nẹ̌munara waugʼi sie. Dingangu mẹ̌sul᷊ung i amange kụ nẹ̌parenta kal᷊imona e, i sie mal᷊aing makạwodaị dal᷊angehu MAWU, Ruata kụ sẹ̌sěmbaěngu tau Israel.