Read Sangir MANGA RATU HUMOTONG 4 Bible Online

MANGA RATU HUMOTONG 4 - Sangir bible

MANGA RATU HUMOTONG 4

¹I Salomo e seng nakoạ datu su kasěllahu wanuang Israel.

²Seng ini e mapapangkatẹ̌ mararangẹ apang niruị i Salomo e: Manga imang: i Zadok, Azarya anạ i Zadok, i Abyatar. Měmamohẹ u něgara: i Elihoref dingangu i Ahia, manga anạ i Sisia. Měndaresọ doitu něgara: i Yosafat anạ i Ahilud. Mol᷊ensekẹ u wuntuangu piạ aghide: i Benaya, anạ i Yoyada. Měnanahimata manga bupati: i Azarya, anạ i Natan. Měnanasa ratu: Imang i Zabud, anạ i Natan. Těmbonangu wal᷊eng istana: i Ahisar. Těmbonangu mělahal᷊ẹ̌ u rodi: i Adoniram, anạ i Abda.

⁷I Salomo něhengkẹ bupati mapul᷊o dua su kataune su kasěllahu wanuang Israel. Hal᷊ẹ̌ i sire ute měnampungu kaěng bọu wanuang sire waugu ratu ringangu kal᷊awọu rarol᷊ohang u istana. Apam bupati e mẹ̌bawihing masingkạ hal᷊ẹ̌ ene karěngụ e pẹ̌sěmbul᷊ang su ral᷊ungu sěntaung.

⁸Bupati mapul᷊o dua ene nitělangengu sěngkatau guběrnurẹ̌. Arengu manga bupati ringangu wanua pẹ̌parentaěng i sire e ute kai wawa ini: Ben-Hur: su wawul᷊urangu Efraim. Ben-Deker: soang Makas, Saalbim, Bet-Semes, Elon, Bet-Hanan. Ben-Hesed: soang Arubot, Sokho ringangu kasěllahu wanuan Hefer. Ben-Abinadab, kawing i Tafat bawinen Salomo: kasěllahu wanuan Dor. Baana anạ i Ahilud: soan Taanakh, Megido, dingangu kasěllahu wanua maraning Bet-Sean, maraning soan Sartan su sěmběkan timuhẹ̌ bọu soang Yisreel karaune sarang soang Abel-Mehola ringangu soang Yokmeam. Ben-Geber: soang Ramot su Gilead, manga kampong su Gilead tataghuanengu ghal᷊ipohong Yair hitem Manasye, wanuang Argob su Basan; kěbị e kai 60 su waụ e soa ghaghuwạ nipakatoghasu tatěndạ e meselẹ̌ dingangu su manga tukade piạ papal᷊ene tambaga pinẹ̌kuruisẹ̌. I Ahinadab anạ i Ido: su wanuang Mahanaim. I Ahimaas, tau esẹ kawingʼi Basmat ahusʼi Salomo wawine e: wanuang Naftali. I Baana anạ i Husai: (...)

²⁰Kawanuang Yehuda ringangu Israel kal᷊awọe mẹ̌sul᷊ungu ěnne su wiwihu apeng. I sire piạ kaěng i sire natimu, ringangu inumang mase wiahʼi sire masěnaěng.

²¹ Apam pẹ̌sěmbal᷊eěng e piạ baelu anggorẹ̌ dingangu waelu arane. Kanandung biahʼi Salomo e, kawanua su kasěllahu Yehuda ringangu Israelẹ̌ bọu Dan sol᷊ong Bersyeba e mẹ̌bẹ̌biahẹ̌be maudupẹ̌ dingangu marěmasẹ̌. Batụu patikụ datu apang su sěmběkam bahẹ bọu Efrat mẹ̌sẹ̌suba si sie, ringangu patikụ bansa wọu kal᷊awọu něgara mạngělikụ kararatuange kai mědẹ̌dal᷊ahapị dingange. Ěntana su sěmběkam bahẹ bọu Sal᷊ụ u Efrat bọu Tifsah su wiwihu Sal᷊ụ u Efrat matěpasu sěmběkam bahẹ sol᷊ong soang Gasa su Pilistin sarang pẹ̌saraěngu Misirẹ̌ e, kěbị e mang su kawasang Salomo. Manga wansa su wanua ene mẹ̌sẹ̌suba si sie ringangu měmpạmaehẹ̌ apal᷊iwụ gaghěllị. Apạeweng hinong makoạ biahẹ̌ kẹ̌kanengang e ghẹ̌gausang i Salomo ěllo-ěllo e ute kai 5.000 su litere tapoěng al᷊usẹ̌, 10.000 su litere tapoěng kasahẹ̌, sapin těndạ mapul᷊om baụ, sapin děmpugẹ̌ ruam pul᷊o su waụ e, ringangu domba mahasụ su waụ e. Su l᷊iung ene lai rusa, kijang, měnjangan dingangu manụ u kinoaěng.

²⁶ I Salomo piạ sordadone sụsake kawal᷊o[4] mapul᷊o dua su hiwune ringangu těndạ u kawal᷊o wawol᷊eng kareta e kal᷊awọe ěpạ u pul᷊o suhiwune.

²⁷Měbẹ̌bawihing, karěngụ u sěmbul᷊ang, manga bupati e sěngkatau-sěngkatau e němpěnarakangu manga wiahẹ̌ baugu Ratu i Salomo ringangu waugu kěbị taumata kụ apang makạěbạ biahẹ̌ bọu istana, hakịu i sire e tawe běke kakawusange.

²⁸Bupati e sěngkatau-sěngkatau mal᷊aing měmpạngonggọu gandung dingangu manga raukalune waugu kal᷊awọu kawal᷊ong Salomo baewe kawal᷊o sẹ̌sakeěng arau kawal᷊o lahiudẹ̌ kareta. Kaěngu manga binatang ene e wẹ̌bawaěng sol᷊ong manga těndạ u kawal᷊o, kal᷊awọeweng gẹ̌gausang.

²⁹Duata e něngonggọ u kapelesa si Salomo, ringangu kasingkạ kụ tawẹ sihinge, ringangu katatahuěnna mararal᷊ung.

³⁰Su wanua su sěmběkan dakị e ringangu su Misirẹ̌ e tawẹ apa taumata limembong kapandene wọu i sie.

³¹ I sie kahěnga-hěngang kapandeěng u kěbị taumata. I sie něngalembo wọu i Etan tau Ezrahi, i Heman, i Kalkol dingangu i Darda manga anạ i Mahol. Areng Salomo e timeleng su kạguwạu wanua mạngělikụ kararatuange,

³² Kai piạ sasaili 3.000 kal᷊awọe ringangu kakantarị něngalembo wọu sěhiwu nikarange.

³³I sie masiritạ su hal᷊ẹ̌ u manga kakaluang dingangu manga sasuang — bọu manga kalung cěmara wọu Libanon sarang manga rempugu ěhe mạhuntuwo rụděkạ su manga sěndihangu watu. I sie lai masiritạ su hal᷊ẹ̌ u manga binatang kere manga manụ u kinoaěng, binatang lụhomang dingangu manga kinạ.

³⁴Mararatu e su kasěllahu dunia e nakaringihẹ̌ kereapa kapandeng Salomo hakịu i sire rimolohu taumata sol᷊ong anun sie, kụ aparingihẹ̌ si sie.