Read Sangir MANGA RATU HUMOTONG 8 Bible Online

MANGA RATU HUMOTONG 8 - Sangir bible

MANGA RATU HUMOTONG 8

¹ Bọu ene Ratu i Salomo e něngoro su manga těmbonangu apang hěnto ringangu manga ghal᷊ipoho wọu kawanuang Israel apạděnta su anune su Yerusalem baugu apěngẹ̌ngal᷊ing Petim Pẹ̌dariandi MAWU wọu Sion, Soan Daud sol᷊ong Bal᷊em MAWU.

² Tangú riměntạe i sire kěbị su Ěllong Pěmamantugu Selong Daukalu su ral᷊ungu wul᷊ang Etanim.

³Sarạeng kal᷊awọu těmbonangu hěnto e němpẹ̌tampung, manga imang němpěhengkẹ Petim Pẹ̌dariandi ene,

⁴kụ němpẹ̌bawa sol᷊ong Bal᷊em MAWU. Selong MAWU ringangu manga apal᷊iwụ e nial᷊ing lai sol᷊ong Bal᷊em MAWU kahiang manga imang dingangu tau Lewi.

⁵Datu i Salomo ringangu kal᷊awọu kawanuang Israel němpẹ̌tampung su těngom Petim Pẹ̌dariandi ene kụ bọu ene naněmbang domba ringangu sapi su MAWU kụ tawe kinarekeng kal᷊awọe.

⁶Bọu ene manga imang němpẹ̌bawa Petim Pẹ̌dariandi ene sol᷊ong dal᷊ungu Wal᷊em MAWU kụ nipěllọ bawa su al᷊ungu manga tul᷊adang kerub su ral᷊ungu Huange Kasusiange.

⁷Papanidu manga tul᷊ada ene nawingkahẹ̌ něnakạ peti ene ringangu manga kalu papasanengange.

⁸Kalu papasanengang ene e apạ e manandụ-nandụ, hakịu manga pondol᷊e ikẹ̌kasilo wọu těngon Huange Kasusiange. (Sarang tempo ini manga kalu ene wědang ene sene.)

⁹ Su ral᷊ungu Petim Pẹ̌dariandi ene tawẹ manga apa-apa tabeạu katewe watu rarua. Manga watu ene seng nisuẹ̌ sene kahiang Musa su Wul᷊udu Sinai, piạ e MAWU nẹ̌taingu pẹ̌kakědo ringangu kawanuang Israel su tempong i sire kạdal᷊enge wọu Misirẹ̌ sol᷊ong Kanaan.

¹⁰Su tempong manga imang nahunsěbang bọu Wal᷊em MAWU ene sěngkělěndịu wal᷊e ene napenẹ u winawa.

¹¹ Winawa ene kụkuhěnabẹ̌ ual᷊ingu kawawantugu rarěntan MAWU, hakịu manga imang ene e tawe makakasuẹ̌ kapia gunang měndal᷊engu munarang sire.

¹² Tangú nẹ̌kal᷊iomanengke i Salomo e angkuěng e, ”Seng i Kau e naměllọu matangěllo su l᷊angị, o MAWU. Kaiso i Kau kawe ěndokangu puluang mẹ̌tanạ su ral᷊ungu kararěndungu winawa e.

¹³Ini e takụ pẹ̌tikang baugʼU e godoěng mal᷊ěnggihẹ̌, baugu tampạ katatanakengʼU sarang marengụ-děngụ.”

¹⁴Bọuten nẹ̌kal᷊iomaneng, Datu i Salomo e něbihu sol᷊ong anung kakěpal᷊u kawanua mạhundarisị sene, kụ bọu ene nẹ̌dorong al᷊amatu Mawu Ruata e waugʼi sire.

¹⁵ I sie nẹ̌bera u, ”Kal᷊imona e nạung! MAWU e seng nẹ̌kedo si amangku e i Daud kere ini, ’Dokeng Iạ e měbẹ̌bawa umatẹ̌-Ku siměbang bọu Misirẹ̌ e, su kasěllahu wanuang Israel tawẹ apa soa sarang sěmbaụ kụ Takụ nịpapile makoạ loahu pamětikang tampạu pẹ̌kakal᷊iomanengang si Siạ e. Kaiso i kau e, i Daud Takụ nipile waugu pẹ̌parenta umatẹ̌-Ku.’ Karaloko MAWU Ruatang Israel kụ seng napakasěhụ u kědo-Ne ene!”

¹⁶

¹⁷ Bọu ene i Salomo e nẹ̌bera, ”I amangku i Daud seng něhingidẹ̌ baugu měmětị bal᷊e tampạ u pẹ̌kakal᷊iomanengang su MAWU Ruatang Israel.

¹⁸Kaiso MAWU e něhengetang si sie, ’Timonanu e mapia wue.

¹⁹ Kai tangú, wal᷊inewe i kau kaiso kai anạu e sarung měmangung bal᷊e-Ku ene.’

²⁰Orasẹ̌ ini tangú, MAWU e seng napakasěhụ u kědonʼE. Iạ e seng nakoạ datung Israel dimol᷊osẹ̌ si amangku e, dingangu iạ selaing němangung bal᷊e baugu tampạu pẹ̌kakal᷊iomanengang su MAWU Ruatang Israel.

²¹Su ral᷊ungu Wal᷊em MAWU ene seng nisadia tampạu Petim Pẹ̌dariandi piạ lohone batum pẹ̌dariandi sutal᷊oarang MAWU ringangu manga i upung i kitẹ, piạ i Sie napasěbang i sire wọu Misirẹ̌.”

²²Bọu ene, su těngong kawanua apang narěnta, i Salomo rimarisị timatěngo pananěmbaěng mase něhengkẹeng limane ruam běka mase nẹ̌kal᷊iomaneng,

²³”MAWU, Ruatang Israel! Su l᷊angị arau lai su dunia, tawẹ apa kụ mẹ̌sul᷊ung i Kau! I Kau e napakasěhụ u kědonʼU ringangu nělahẹ u kakěndagʼU su umatʼU e masatia ringangu mararingihẹ̌ dingangu kasariang naunge si Kau.

²⁴I Kau e seng napakasěhụ u kědonʼU e si amangku e i Daud. Apang nikědonʼU e seng nikoạu sahěllo ini.

²⁵ I Kau e selaing nẹ̌kědo si amangku e kereu hitene kahěnga-hěngang matuhụ si Kau kere i sie, tangú sarung hanesẹ̌ piạ sěngkatau wọu hitene makoạ datung Israel. Orasẹ̌ ini, o MAWU Ruatang Israel, pakasěhụko kěbị apan seng nikědonʼU si amangku i Daud, ěllangʼU ene.

²⁶

²⁷ Kaiso, o Ruataku, kahěngang bue i Kau e mapulu matanạ su dunia ini! Langị patikụ e mal᷊aing bědang kadodọ l᷊oahe waugʼU e, apa lai kate wal᷊eng pẹ̌kakal᷊iomanengang nipětịu e ini!

²⁸O MAWU, Ruataku, iạ e kai ěllangʼU! Kaiso, mal᷊owọko měngkai raringihang kakal᷊iomanengku e ringangu měngkai kaitukang dorongku e sahěllo ini.

²⁹ Mal᷊owọko ěllo ringangu hěbi e i Kau e maněntanudẹ̌ bal᷊e ini kụ seng nipile-Nu nakoạ tampạu pẹ̌kakal᷊iomanengang si Kau e. Mal᷊owọko wọu tampạ katatanakengu su sorga e, i Kau e makaringihẹ̌ dingangu měngampung si siạ ore lai manga umatʼU kereu i kami e tumatěngo sol᷊ong bal᷊e ini e kụ mẹ̌kal᷊iomaneng si Kau.

³⁰

³¹Kereu pẹ̌sěngkatau lẹ̌ěnsilangu sal᷊a su těngon taumata wal᷊ine kụ iwawa sol᷊ong pananěmbangu su ral᷊ungu Wal᷊em MAWU ini e mědeạu ipẹ̌salu u i sie tawe nẹ̌sal᷊a,

³²o MAWU, karimạko i Kau e rumaringihẹ̌ su sorga ringangu měmutusẹ̌ pěrkarang manga ěllangʼU ini e. Hukungke apan nẹ̌sal᷊a e tuhụ kakanoạ e ringangu liwirẹ̌ko apan tawẹ sal᷊ane.

³³Kereu umatʼU Israelẹ̌ e i kawatạ u manga sědụ e ual᷊ingu i sire kawe waradosa e, bọu e i sire mẹ̌sul᷊e su anu-Nu kụ měngadatẹ̌ si Kau kawe MAWU, bọu e ruměnta su Wal᷊em MAWU ini kụ mẹ̌kal᷊iomaneng makịampung si Kau.

³⁴Karimạko i Kau e rumaringihẹ̌ si sire su sorga. Karimạko i Kau e mangampung dosang umatʼU ini e, ringangu mẹ̌bawa si sire kapia sol᷊ong banua kụ seng nionggọʼU su manga i upung i sire.

³⁵Kereu umatʼU e nẹ̌dosa si Kau ringangu i Kau e něhukung si sire kụ tawe naparasehẹ̌ kụ bọu ene i sire němpẹ̌tobatẹ̌ bọu rosan sire kụ měngadatẹ̌ si Kau, u kawe MAWU e, mase timatěngo Bal᷊em MAWU ini kụ nẹ̌kal᷊iomaneng si Kau,

³⁶karimạko wọu sorga e i Kau e rumaringihẹ̌ si sire. Ringangu ampungeko rosang umatʼU Israel dingangu ratun sire. Těntiroiko i sire mẹ̌koạ apang kụ kahěngang. Bọu ene, MAWU aparasehẹ̌kon tahiti su wanua ini e, banua e nionggọu su manga umatʼU nakoạ tataghuanenge sarang marěngụ-děngụ.

³⁷Kereu wanua ini kal᷊unusang dingangu hombangengu sahindạ, mase kal᷊awọu sasuange magholọ u anging matětị, sakị u sasuang arau sasuang nikahutabu kal᷊imbotong, arau kamagengu umatʼU e aloěngu sekẹ, arau kaěbakengu sahindạ,

³⁸karimạko i Kau e dumarihẹ̌be kakal᷊iomaneng i sire. Kereu wọu tal᷊oarang umatʼU Israelẹ̌ e piạ u naunge masusa mẹ̌kal᷊iomaneng si Kau kapělẹ̌hengkẹeng limane sol᷊ong těngong Bal᷊em MAWU ini,

³⁹karimạko i Kau su ral᷊ungu katatanakengʼU e su sorga e rumaringihẹ̌ dingangu mangampung ore lai mẹ̌tul᷊ung i sire. Kětạembeng i Kau e makakiral᷊a ral᷊ungu naungu taumata e. Ual᷊ingu ene miěbạ taumata tangú, pẹ̌koạ e tuhụ kakanoạ e,

⁴⁰tadeạu umatʼU e matuhụ si Kau e sěntiniạ karěngụeweng i sire e mạtanạ su wanua kụ nionggọʼU e su manga i upung i kami.

⁴¹Kereu sěngkatau taumata raghị su wanua marau e makaringihẹ̌ kasěllahʼU ringangu hal᷊ẹ̌ u karal᷊inaụ kụ seng kinoạʼU e waugu umatʼU e, wọu e i sie ruměnta su Wal᷊em MAWU ini waugu měngadatẹ̌ si Kau ringangu mẹ̌kal᷊iomaneng si Kau,

⁴²

⁴³mal᷊owọko wọu katatanakengʼU su sorga e i Kau rumaringihẹ̌ kakal᷊iomanenge ringangu mitụ doronge. Ual᷊ingu kerene tangú, patikụ bansa su dunia masingkạ i Kau ringangu mararingihẹ̌ si Kau mẹ̌sul᷊ungkeweng umatʼU Israelẹ̌ e. I sire sarung masingkạ u wal᷊e takụ nipětị ini e kai tampạ baugu mẹ̌kal᷊iomaneng si Kau.

⁴⁴Kereu i Kau e měngoro umatʼU e mědeạu pẹ̌sekẹ dumokạ sědụ, kụ bọu ene suapang i sire ene ute, i sire tumatěngo sol᷊ong soa pinile-Nu ini e ringangu mẹ̌kal᷊iomaneng, kụ mẹ̌timona wal᷊e ini kụ seng nipětị baugʼi Kau,

⁴⁵kụ karimạko su sorga e i Kau remben dumaringihẹ̌ kakal᷊iomaneng i sire ene, dingangu měngonggọu kal᷊auntu si sire.

⁴⁶Kereu umatʼU e nẹ̌dosa su těngonʼU e — tumuhụ hinone kawe tawẹ u sarang sěngkatau e tawẹ dosane — tangú ual᷊ingu ral᷊angehʼU e iwalanʼU i sire pakawatạ su sekẹ, kụ iwawa kere tau kinataweng sol᷊ong banua sěmbaụ marau arau marani,

⁴⁷karimạko i Kau e rumaringihẹ̌ kakal᷊iomaneng i sire. Kereu su wanua ene i sire měněntangbeng kal᷊awọu rosan sire, kụ mẹ̌kal᷊iomaneng si Kau e apidu kạpěngakune u i sire seng nẹ̌dosa ringangu nẹ̌koạ dal᷊akisẹ̌, ute raringihe wue kakal᷊iomaneng i sire, MAWU!

⁴⁸Kereu su wanua ene i sire mahaěng bue ringangu kahěnga-hěngangbe měněntangu kal᷊awọu rosan sire, kụ mẹ̌kal᷊iomaneng si Kau apidu tumatěngo sol᷊ong banua ini kụ nionggọʼU su manga i upung i kami, mẹ̌timona soa pinile-Nu e ringangu wal᷊em pẹ̌kakal᷊iomanengang kụ seng nipararisị baugʼi Kau ini e,

⁴⁹tangú wọu katatanakengʼU su sorga e, karimạko i Kau e rumaringihẹ̌ kakal᷊iomaneng i sire ringangu kuměndagʼi sire.

⁵⁰Ampungeko kal᷊awọu rosa ringangu duruhakan sire si Kau, ringangu koạko sarang manga sekẹ i sire e mapia miěbạ i sire.

⁵¹I sire e kai umatʼU kụ seng niapasěbangu wọu Misirẹ̌ nạung suapang i sire nịpapahang.

⁵²Karimạko i Kau, o MAWU Ruata sěntiniạ kụkakělla umatʼU Israel dingangkewen datune. Ringangu karimạko i Kau e rụdaringihẹ̌ kakal᷊iomaneng i sire sěngapạeweng i sire kumakindoạ u mẹ̌dorong tul᷊ung si Kau.

⁵³I Kau MAWU Ruata, seng němile si sire wọu tal᷊oarang patikụ bansa baugu makoạ umatʼU hala e, kerẹewe seng nipěhengetangu si sire wọu mohongu ěllangʼU i Musa, piạ i Kau e něngahạ i upung i kami nipasěbang bọu Misirẹ̌.”

⁵⁴Kerene i Salomo nẹ̌kal᷊iomaneng apidu nẹ̌tumpěkuhẹ̌ su těngom pananěmbaěng dingangu l᷊imane taraị nitěde. Bọu ene i sie rimarisị

⁵⁵kụ kapẹ̌kẹ̌kiạen tingihe maihạ ghụgahiorọeng al᷊amatu Mawu waugu patikụ taumata apang nẹ̌tampung sene, angkuěng,

⁵⁶ ”Karaloko MAWU kụ seng nẹ̌gěllịu karal᷊enehẹ̌ su umatʼE kerẹewe seng nikědonʼE si Musa ěllangʼE. Kěbị apang mapia kụ seng nikědo-Ne e, seng nighanapʼE.

⁵⁷Mal᷊owọko MAWU Ruatang kitẹ e maněntanudẹ̌ si kitẹ kerẹewe i Sie naněntanudẹ̌ manga i upung i kitẹ e. Mal᷊owọko i Sie tawe maněntang i kitẹ.

⁵⁸Mal᷊owọko i Sie mapakariading kitẹ e taumata masatia si Sie tadeạu i kitẹ e hanesẹ̌ mẹ̌bẹ̌biahẹ̌ tutuhụ kapulunʼE ringangu mararingihẹ̌ su patikụ tita ringangu hengetang kụ seng nionggọ e su manga i upung i kitẹ.

⁵⁹Mal᷊owọko MAWU Ruatang kitẹ e sěntiniạ mẹ̌tahěndung kakal᷊iomaneng dingangu kakahiorọ kụ sen takụ nihabarẹ̌ ini e si Sie. Karimạko i Sie sěntiniạ měnodẹu tul᷊umangʼE su manga umatʼU Israel dingangu ratune kụ měngonggọu apang gẹ̌gausang i sire apang kal᷊aěllo e si sire.

⁶⁰Ual᷊ingu kerene ute patikụ bansa su dunia e sarung masingkạ u kětạeng MAWU sẹ̌sane Ruata e, kụ tawẹ apa wal᷊ine.

⁶¹Kěnnangko i kamene, umatʼE hanesẹ̌ satia su MAWU, Ruatang kitẹ dingangu mararingihẹ̌ su manga tita ringangu hengetangʼE mẹ̌sul᷊ungu kẹ̌koateng i kamene su sahěllo ini.”

⁶²Bọu ene Ratu i Salomo ringangu kal᷊awọu taumata apang němpẹ̌tampung sene něnarakangu sasěmba ghaghěllị su MAWU.

⁶³Baugu sasěmbam pẹ̌daramen Salomo e naněmban sapi duam pul᷊o dua su hiwune ringangu mahasụ duam pul᷊o su hiwune su waụ e domba. Kerene ratu ringangu patikụ kawanua nẹ̌koạ sal᷊iwang u pěnggaghuanting Bal᷊em MAWU.

⁶⁴Su ěllo ene lai i Salomo e napakaghuanting u sělasare watuhu tal᷊oarane su těngom Bal᷊em MAWU ene. Bọu ene ral᷊iuange ene i sie naněmban sasěmba tinongkạ, sasěmba gandung, dingangu tawang binatang baugu sasěmbam pẹ̌darame. Kěbị ene e nisěmbane sene ual᷊ingu pananěmbaěng tambaga e tumanịu kạdodọ baugu patikụ sasěmba ene.

⁶⁵Su Wal᷊em MAWU ene tangú i Salomo ringangu patikụ umatu Israelẹ̌ e nẹ̌koạ sal᷊iwangu Selon Daukalu e karěngụ u pitu ěllo. Apawe makěpal᷊ẹ̌ taumata natampung sene. I sire nahunděnta wọu wanua karaun Dal᷊engu Hamat su sěmběkan sawěnahẹ̌ sarang pẹ̌saraěngu Misirẹ̌ su sěmběkan timuhẹ̌.

⁶⁶Su ěllo kaual᷊une i Salomo e rimolohẹ̌ si sire ene pinakapul᷊ẹ. I sire kěbị e nẹ̌dalo si sie wọu ene nẹ̌sul᷊e sol᷊ong bal᷊en sire ringangu naung i sire maral᷊uasẹ̌, ual᷊ingu patikụ al᷊amatẹ̌ seng nionggọu MAWU su ěllangʼE i Daud dingangu su wansang Israelẹ̌ e umatʼE.