Read Sangir KARARATUANG HUMOTONG 1 Bible Online

KARARATUANG HUMOTONG 1 - Sangir bible

KARARATUANG HUMOTONG 1

¹Salakẹ̌boěng i upungu tau Israel bọi Adam sol᷊ong anun Nuh mẹ̌tẹ̌tatuhụ ute kere ini: I Adam I Set I Enos I Kenan I Mahalaleel I Yared I Henokh I Metusalah I Lamekh I Nuh. Manga anạ i Nuh esẹ e kai těllung katau: i Sem, i Ham, i Yafet.

⁵Manga anạ i Yafet esẹ e ute i Gomer, i Magog, i Madai, i Yawan, i Tubal, i Mesekh dingangu i Tiras. I sire e kai i upungu manga wansa nisěbạ tuhụ areng i sire.

⁶Hěnton Gomer ute kai tau Askenas, i Rifat dingangi Togarma.

⁷Hěnton Yawan ute kai tau Elisa, Spanyol, Siprus dingangu Rodes.

⁸Manga anạ i Ham esẹ e ute kai i Kus, Misirẹ̌, Libia, ringangu i Kanaan. I sire e kai i upungu manga wansa kụ nisěbạ tuhụ areng i sire.

⁹Hěntong Kus ute kai tau Seba, Hawila, Sabta, Raema ringangu Sabtekha. Hěnton Raema ute kai tau Syeba ringangu Dedan. (

¹⁰I Kus piạ anạ e esẹ sěngkatau arenge i Nimrod, kụ nakoạ datu mahasa kahumotongange su dunia.)

¹¹Hěntong Misirẹ̌ e ute kai tau Lidia, Anamim, Lehabim, Naftuhim,

¹²Patrusim, Kasluhim, dingangu Kreta. I sire ene ute kai i upungu tau Pilistin.

¹³Manga anạ i Kanaan esẹ ute kai i Sidon, kaiakanenge, dingangu i Het. I sire e kai i upungu manga wansa isẹ̌sẹ̌bạ tuhụ areng i sire e.

¹⁴Kanaan ute mal᷊aing i upungu tau Yebusi, Amori, Girgasi,

¹⁵Hewi, Arki, Sini,

¹⁶Arwadi, Semari, ringangu Hamati.

¹⁷Manga anạ i Sem esẹ e ute i Elam, Asyur, Arpakhsad, Lud, Aram, Us, Hul, Geter, dingangu i Mesekh. I sire e kai i upungu manga wansa isẹ̌sẹ̌bạ tuhụ areng i sire.

¹⁸I Arpakhsad ute kai i amang i Selah, ringangu i Selah e i amang i Eber.

¹⁹I Eber piạ anạ e esẹ darua; humotong isẹ̌sẹ̌bạ si Peleg,[1] ual᷊ingu su tempone e manga wansa su dunia e napahiạ; karuane isẹ̌sẹ̌bạ si Yoktan.

²⁰Hěntong Yoktan ute kai tau Almodad, Selef, i Hazar-Mawet, i Yerah,

²¹i Hadoram, i Uzal, i Dikla,

²²i Ebal, i Abimael, i Syeba,

²³i Ofir, Hawila ringangu i Yobab.

²⁴Salakẹ̌boěng i upungu tau Israel bọi Sem sarang i Abraham mẹ̌tẹ̌tatuhụ ute kai: I Sem I Arpakhsad I Selah I Eber I Peleg I Rehu I Serug I Nahor I Terah I Abram (i ikẹ̌kakiral᷊a lai kere i Abraham).

²⁸I Abraham piạ anạ e esẹ darua kụ kai i Ishak dingang i Ismael.

²⁹Seng ini e anạ i Ismael: Nebayot kaiakanenge, bọu e i Kedar, i Adbeel, i Mibsam,

³⁰i Misma, i Duma, i Masa, i Hadad, i Tema,

³¹i Yetur, i Nafis dingangu i Kedma.

³²I Abraham piạ dokạ e i Ketura. Bọu rokạ ene i sie nakaěbạ manga anạ e esẹ arenge: i Zimran, i Yoksan, i Medan, i Midian, i Isybak dingangu i Suah. I Yoksan piạ manga anạ e esẹ isẹ̌sẹ̌bạ si Syeba, ringangi Dedan.

³³I Midian piạ manga anạ e esẹ arenge: i Efa, i Efer, i Hanokh, i Abida ringangu i Eldaa.

³⁴I Ishak anạ i Abraham piạ anạ e esẹ darua, kụ kai i Esau rẹ̌duang Yakub (mal᷊aing kẹ̌kakiral᷊a u kere Israel).

³⁵Manga anạ i Esau esẹ e ute i Elifas, i Rehuel, i Yeus, i Yaelam dingangu i Korah.

³⁶I Elifas ute kai i upungu tau Téman, Omar, Zefi, Gaetam, Kenas, Timna, dingangu i Amalek.

³⁷I Rehuel ute kai i upungu hěntong Nahat, i Zerah, i Syama ringangu i Miza.

³⁸Tumanạ u ěntanang Edom tutune e kai hěntong manga anạ i Seir, kụ nạung kai i Lotan, i Syobal, i Zibeon, i Ana, i Disyon, i Ezer dingangu i Disyan. Manga anạ i Lotan esẹ e ute kai i Hori ringangu i Homam. I Lotan piạ bawinene arenge i Timna. Manga anạ i Syobal esẹ e ute kai i Alyan, i Manahat, i Ebal, i Syefi dingangu i Onam. Manga anạ i Zibeon esẹ e ute kai i Aya rěduang Ana. Anạ i Ana ute kai i Disyon, dingangu anạ i Disyon ute i Hamran, i Esyban, i Yitran děduang Keran. Manga anạ i Ezer esẹ e ute i Bilhan, i Zaawan dingangu i Yaakan. Manga anạ i Disyan esẹ e ute i Us dẹ̌duang Aran.

⁴³Kal᷊amonam piạ datu nẹ̌parenta su Israel, ěntanang Edom mẹ̌tẹ̌tatutuhụ niparentaěngu mararatu i sire ini: I Bela anạ i Beor wọu Dinhaba. I Yobab anạ i Zerah wọu Bozra. I Husyam bọu wanuan tau Téman. I Hadad anạ i Bedad bọu Awit (seng i sie e namatạ tau Midian su ral᷊ungu pẹ̌sasekẹ su wanuang Moab). I Samla wọu Masyreka. I Saul wọu Rehobot su wiwihu sal᷊ụ. I Baal-Hanan anạ i Akhbor. I Hadad bọu Pahi (kawinge isẹ̌sẹ̌bạ si Mehetabeel, anạ i Matred dingangu pulung i Mezahab).

⁵¹Bansang Edom nariadi wọu hěnton Timna, Alya, i Yetet,

⁵²i Oholibama, i Ela, i Pinon,

⁵³i Kenas, i Téman, i Mibzar,

⁵⁴i Magdiel dingangu i Iram, sěngkatau-sěngkatau e timuhụ arengu těmbonangu hěntone.