Read Sangir KARARATUANG HUMOTONG 2 Bible Online

KARARATUANG HUMOTONG 2 - Sangir bible

KARARATUANG HUMOTONG 2

¹Anạ i Yakub esẹ e kai mapul᷊o dua su kataune: i Ruben, i Simeon, i Lewi, i Yehuda, i Isakar, i Zebulon,

²i Dan, i Yusup, i Benyamin, i Naftali, i Gad, i Asyer.

³Anạ i Yehuda esẹ e kai i sire limang katau. Bọu kawinge arenge i Batsyua, tau wawineng Kanaan, něhěnding i Er, i Onan dingangu i Sela; wọu kawinge isẹ̌sẹ̌bạ si Tamar, kụ kai anạ e mirarating hala e, nawantelẹ̌ i Peres dẹ̌duang Zerah. I Er anạ i Yehuda kaiakanenge enẹ e karal᷊akise, hakịu MAWU e napakapaten sie.

⁴

⁵I Peres piạ anạ e esẹ darua, kụ kawe i Hezron dingangu i Hamul.

⁶I Zerah piạ anạ esẹ i sire limang katau: i Zimri, i Etan, i Heman, i Kalkol dingangu i Dara.

⁷ I Akhan[2] anạ i Karmi hěnton Zerah, naparěntang hombang masaria su umatʼu Israel ual᷊ingu něngal᷊ạ apal᷊iwụ pul᷊aho wọu pẹ̌sasekẹ kụ nitani waugu Ruata.

⁸Anạ i Etan esẹ e ute i Azarya.

⁹I Hezron piạ anạ e esẹ tatěllu: i Yerahmeel, i Ram, dingangu i Kaleb.

¹⁰Běhịu salakěboěng bọu i Ram sarang i Isai e ute kere wawa ini: I Ram I Aminadab I Nahason (sěngkatau těmbonang u ghal᷊ipohong Yehuda)

¹¹I Salmon I Boas

¹²I Obed I Isai.

¹³Manga anạ esẹ i Isai i sire pitu, kụ seng ini e manga areng i sire tumuhụ pẹ̌tatatol᷊eng umburẹ̌ e: i Eliab, i Abinadab, i Simea,

¹⁴i Netaneel, i Radai,

¹⁵i Ozem, i Daud.

¹⁶I Isai mal᷊aim piạ anạ e rarua manga wawine: i Zeruya, ringang i Abigail. I Zeruya piạ anạ e tatěllu: i Abisai, i Yoab dingangu i Asael.

¹⁷I Abigail nẹ̌kawing dingangi Yeter pal᷊ahěntong Ismael. I sire piạ anạ e esẹ sěngkatau arenge i Amasa.

¹⁸I Kaleb anạ i Hezron nẹ̌kawing dingangi Azuba hakịu nakaěbạ anạ bawine sěngkatau arenge i Yeriot.[3] I Yeriot ini e piạ anạ e esẹ tatěllu: i Yezer, i Sobab dingangu i Ardon.

¹⁹Sarangke i Azuba e naněntang u dunia e, i Kaleb nẹ̌kawing i Efrat kụ nakaěbạ anạ e esẹ sěngkatau arenge i Hur.

²⁰Anạ e esẹ i Hur isẹ̌sẹ̌bạ si Uri ringangu pulunge isẹ̌sẹ̌bạ si Bezaleel.

²¹Piạ i Hezron umbure 60 su taunge i sie nẹ̌kawing dingangu wawineng Gilead, anạ i Makhir. I sire nakaěbạ anạ esẹ sěngkatau isẹ̌sẹ̌bạ si Segub,

²²dingangu i Segub nakaěbạ anạ e esẹ sěngkatau arenge i Yair, piạ soane 23 su waụ e su wanuang Gilead.

²³Arawe kararatuangu Gesur dingangu Aram namatạ 60 su waụ e soa rarodọ su wanua ene nasowa l᷊ai manga soan tau Yair, Kenat, dingangu manga soa rarodọ lai wal᷊ine nangělikụ sene. Kěbị apang mạtanạ sene ute hěntong i Makhir i amang i Gilead.

²⁴Sarangke i Hezron naněntang u dunia e, i Kaleb anạ e nẹ̌kawing dingang i Efrat bal᷊ung amange. Anạ i sire esẹ e isẹ̌sẹ̌bạ si Asyur; seng i sie ene něndarisị soan Tekoa.

²⁵Yerahmeel anạ i Hezron i akang piạ anạ e esẹ limang katau: i Ram kaiakanenge, bọu e i Buna, i Oren, i Ozem dingangu i Ahia.

²⁶I Ram piạ anạ e esẹ tatěllu: i Maas, i Yamin dingangi Eker. I Yerahmeel piạ kawinge wal᷊ine arenge i Atara; i sire nakaěbạ anạ e esẹ isẹ̌sẹ̌bạ si Onam.

²⁷

²⁸Anạ i Onam manga esẹ e ruang katau: i Samai ringangu i Yada. I Samai mal᷊aing piạ anạ e esẹ darua, i Nadab dingangu i Abisur.

²⁹I Abisur nẹ̌kawing dingangi Abihail kụ i sire nakareạ anạ i sire esẹ duang katau; i Ahban dẹ̌duang Molid.

³⁰I Nadab tuhang i Abisur mal᷊aim piạ anạ e esẹ i rẹ̌dua, i Seled dingangu i Apaim, kaiso i Seled nate tawẹ apa anạ e esẹ.

³¹I Apaim ute i amang i Yisei, i Yisei i amang i Sesan, dingangu i Sesan i amang i Ahlai.

³²I Yada tuhang i Samai piạ anạ e esẹ darua, i Yeter dẹ̌duang Yonatan. Arawe i Yeter nate tawẹ anạ e esẹ.

³³I Yonatan piạ anạ e esẹ duang katau, i Pelet dẹ̌duang Zaza. I sire kěbị e kai pal᷊ahěnton Yerahmeel.

³⁴I Sesan tawẹ anạ e esẹ, kětạeng bawine. Ěllange sěngkatau tau Misirẹ̌ arenge i Yarha,

³⁵pinẹ̌kawinge ringangu sěngkatau wọu tal᷊oarang manga anạ e. I sire nakaěbạ anạ i sire esẹ arenge i Atai.

³⁶Běhị u pal᷊ahěnto wọʼi Atai sarang midating i Elisama e mědẹ̌dal᷊intuhẹ̌ e ute kere wawa ini: I Atai I Natan I Zabad I Eflal I Obed I Yehu I Azarya I Heles I Elasa I Sismai I Salum I Yekamya I Elisama.

⁴⁰

⁴²I Kaleb tuhang i Yerahmeel piạ anạ e esẹ sěngkatau isẹ̌sẹ̌bạ si Mesa. I sie anạ kaiakanenge. I Mesa kai i amang i Zif, i Zif i amang i Maresa, i Maresa i amang i Hebron.

⁴³I Hebron piạ anạ e esẹ ěpạ u katau: i Korah, i Tapuah, i Rekem dingangu i Sema.

⁴⁴I Sema e kai i amang i Raham. Pulung i Sema e arenge i Yorkeam. I Rekem tuhang i Sema ute kai i amang i Samai.

⁴⁵I Samai i amang i Maon, dingang i Maon i amang i Bet-Zur.

⁴⁶I Kaleb piạ dokạ e i Efa. I rẹ̌dua nakaěbạ anạ e esẹ tatěllu, i Haran, i Moza ringangi Gazes. I Haran mal᷊aim piạ anạ e i Gazes. (

⁴⁷Sěngkatau piạ arenge i Yohdai piạ anạ e esẹ i sire ěnnung: i Regem, i Yotam, i Gesan, i Pelet, i Efa ringang i Saaf.)

⁴⁸I Kaleb piạ dokạ e wal᷊ine arenge i Maakha. Dingang i sie i Kaleb nakaěbạ anạ e esẹ i rẹ̌dua arenge: i Seber dingang i Tirhana;

⁴⁹bọu e i rẹ̌dua e nakaěbạ lai anạ e esẹ darua arenge i Saaf dingang i Sewa. I Saaf ute kai něndarisị soang Madmana, dingangu i Sewa e něndarisị soang Makhbena ringangu Gibea. I Kaleb mal᷊aing piạ anạ e wawine sěngkatau arenge i Akhsa.

⁵⁰Tuhụ e ini e kai pal᷊ahěntong Kaleb lai: I Hur ute kai anạ kaiakanenge wọʼi Kaleb ringangu kawinge arenge i Efrat. I Syobal anạ i Hur ute kai měmamětị soang Kiryat-Yearim.

⁵¹I Salma anạ e karuane e kai něndararisị soam Betlehem; dingangu i Haref anạ e katěllune e kai něndararisị soam Bet-Gader.

⁵²I Syobal něndararisị soang Kiryat-Yearim ute kai i upungu tau Haroë, i upungu sěngkaruang kapahiakengu tumanạu Menuhot,

⁵³dingangu i upung u manga ghal᷊ipohong apang mạtanạ su Kiryat-Yearim, kụ kai ghal᷊ipohong i Yetri, Putị, Sumati, ringangu Misrai. (Tumanạu soang Zora ringangu Esytaol ute kai taumata apang asal᷊e wọu manga ghal᷊ipoho ene.)

⁵⁴I Salma něndarisị soam Betlehem ute kai i upungu tau Netofa, tau Atarot-Bet-Yoab, dingangu tau Zori, kụ kai sěmbaụ bọu tal᷊oarang ghal᷊ipoho rarua kụ mạtanạ su Manahti.

⁵⁵Bọu ghal᷊ipohong Tirati, Simati ringangi Sukati kụ mạtanạ su soang Yabes piạ taumata masasingkạ lohong manga suratẹ̌ mapia. I sire e kai tau Keni němpẹ̌kawing u tau Rekhab.