Read Sangir KARARATUANG HUMOTONG 27 Bible Online

KARARATUANG HUMOTONG 27 - Sangir bible

KARARATUANG HUMOTONG 27

¹Urusangu pẹ̌paparentang kararatuangu Israel niatoru manga těmbonangu apam bal᷊e, manga pangahạ u ghal᷊ipoho ringangu mangạewe pěrwira. Apan taung karěngụ u sěmbul᷊ang piạ sěmbahageang kụ mẹ̌dẹ̌darol᷊osẹ̌ ahakengu sěngkatau těmbonange. Apam bahageang tangú manga 24.000 su kataune. Kai ini e arengu apan těmbonangu kělompokẹ̌ kụ piạ hal᷊ẹ̌ e waugu apam bul᷊ang: Bul᷊ang humotong: i Yasobam anạ i Zabdiel (i sie ral᷊ohong ghal᷊ipohong Peres hěnton Yehuda). Bul᷊ang karuane: i Dodai, hěntong Ahohi. I Miklot e kai tumatimbange. Bul᷊ang katěllune: i Benaya anạ u Imang i Yoyada; i sie pangahạ u ”Komol᷊angu tahạ katěllum pul᷊o su kataune” (i Amizabad anạ e ute kai tumatimbange). Bul᷊ang kaěpạ e: i Asael anạ u sěngkataung Yoab (měngangawenge ute kai i Zebaja anạ e). Bul᷊ang kal᷊imane: i Samhut, hěnton Yizrah. Bul᷊ang kaěnnunge: Ira anạ i Ikes, bọu soan Tekoa. Bul᷊ang kapitune: i Heles, hěntong Efraim bọu soang Peloni. Bul᷊ang kaual᷊une: i Sibkhai wọu soang(...)

¹⁶Seng ini e rol᷊ẹ̌ u arengu manga těmbonangu ghal᷊ipoho su ral᷊ungu kawanuang Israel: [Ghal᷊ipohong] — [Těmbonange] I Ruben — I Eliezer anạ i Zikhri I Simeon — I Sefaca anạ i Maakha I Lewi — I Hasabya anạ i Kemuel I Harun — I Zadok I Yehuda — I Elihu, sěngkatau wọu anạu sěngkatau Datu i Daud I Isakar — I Omri anạ i Mikhael I Zebulon — I Yismaya anạ i Obaja I Naftali — I Yerimot anạ i Azriel I Efraim — I Hosea anạ i Azazya I Manasye su sěmběkam bahẹ bọu Sal᷊ụ u Yordan — I Yoël anạ i Pedaya I Manasye su sěmběkam dakị wọu Sal᷊ụ u Yordan — I Yido anạ i Zakharia I Benyamin — I Yaasiel anạ i Abner I Dan — I Azareel anạ i Yeroham

²³ Ratu i Daud tawe nẹ̌koạ pěndarol᷊ẹ̌ sutal᷊oaran taumata kụ umure su al᷊ungu 20 su taunge, batụu MAWU e seng nẹ̌diandi kụ mapakariading tau Israel kal᷊awọe kere wituing su l᷊angị.

²⁴ I Yoab anạ i Zeruya seng nanětạ něndal᷊engu pěndarol᷊ẹ̌, kaiso i sie tawe napakasueng ene batụu Ruata e měhukungu tau Israel, ual᷊ingu pěndarol᷊ẹ̌ ene. Kai ual᷊ingu ene kal᷊awọ i sire e tawe nawohẹ su ral᷊ungu bukẹ̌ u Ratu i Daud.

²⁵Ini e kai rol᷊ẹ u areng u apang měngangurusẹ̌ arětạ tataghuanengu ratu: Manga gudang su istana ringangu su Yerusalem: I Azmawet anạ i Adiel Manga gudang su l᷊ikudu Yerusalem: I Yonatan anạ i Uzia Manga mělahal᷊ẹ̌ u rahami: I Ezri anạ i Kelub Manga waelu anggorẹ̌: I Simei wọu soang Rama Manga tampạu pěndaresoěngu anggorẹ̌: I Zabdi wọu soang Syifmi Kalun zaitun dingangu kalung ara (su pentọu wawul᷊urange su sěmběkam bahẹ): I Baal-Hanan bọu soang Gederi Manga tampạ u pěndaresoěngu lanan zaitun: I Yoas Binatang piara su wanua l᷊inggin Saron: Sitrai wọu soan Saron Binatang piara su manga wimbaenge: I Safat anạ i Adlai Onta: I Obil hěntong Ismael Kalide: I Yehdeya wọu soang Meronot Domba ringangu kambing: I Yazis, tau Hagri.

³²Tuhang i amang u Ratu i Daud kụ isẹ̌sěbạ si Yonatan, kai sěngkatau měnanasa pande ringangu piạ sikol᷊ane. I sie ringangu i Yehiel anạ i Hakhmoni nipěngilasengu wawawaěng baugu sikol᷊ang manga ahusu ratu e.

³³I Ahitofel e kai měnanasa ratu, ringangu i Husai tau Arki e, kai měnanasa ringangu hapị u ratu mapia.

³⁴Sarangke i Ahitofel naněntangu dunia e, i sie niawengang i Abyatar dingangu i Yoyada anạ i Benaya. Mol᷊ensekẹ u wuntuang u pẹ̌seketang u kararatuang kụ kai i Yoab.