Read Sangir KARARATUANG HUMOTONG 4 Bible Online

KARARATUANG HUMOTONG 4 - Sangir bible

KARARATUANG HUMOTONG 4

¹Tuhụ e ini e kai sěmbahageang bọu pal᷊ahěntong Yehuda: i Peres, i Hezron, i Karmi, i Hur dingangu i Syobal.

²I Syobal ute kai i amang i Reaya, i Reaya i amang i Yahat. I Yahat piạ anạ e esẹ darua: i Ahumai ringangi Lahad. I sire e i upung u soang Zora.

³Anạ i Kaleb kaiakanenge esẹ e ringangu kawinge isẹ̌sẹ̌bạ si Efrat ute i Hur. Hěntong i Hur ute kai něndararisị soam Betlehem. I Etam, Pnuel, dingang i Ezer e kai manga anạ i Hur. I Etam e piạ anạ e esẹ tatěllu, i Yisreel, i Isma ringangu Idbas dingangu anạ e wawine sěngkatau i Hazelelponi. I Pnuel něndarisị soang Gedor dingangu i Ezer něndarisị soang Husa.

⁵I Asyhur kụ něndarisị soan Tekoa piạ kawinge rarua, kụ i Hela ringangu Naara.

⁶Ringang i Naara i sie nakaěbạ anạ e esẹ i sire ěpạ: i Ahuzam, i Hefer, i Temeni ringangi Ahastari.

⁷Ringangi Hela, i Asyhur nakaěbạ anạ e esẹ tatěllu, kụ i Zeret, i Yezohar dingangi Etnan.

⁸I Anub dingangi Hazobeba ute kai manga anạ i Kos esẹ i upungu ghal᷊ipohong hěntong i Aharhel anạ i Harum.

⁹Piạ sěngkatau esẹ arenge i Yabes;[4] i sie něngalembong lẹ̌adateng bọu manga tuhang e. I sie nionggotangu arenge i Yabes kahian ninange, ual᷊ingu i ninange tumanịu masunsara su tempon něhěnding i sie.

¹⁰Arawe i Yabes nẹ̌kal᷊iomaneng su Mawu Ruata kụ sẹ̌sěmbaěng u tau Israel, angkuěnge, ”O Ruata, al᷊amateko iạ, dingangu karimạko wanuaku e reng apakawěnahẹ̌. Ěllungeko iạ e ringangu pakarauko iạ e wọu hombang silakạ tadeạu iạ e tawe masigěsạ.” Dingangu Ruata e rumaringihẹ̌ bue roronge.

¹¹I Kelub tuhang i Suha e piạ anạ e esẹ i Mehir. Anạ i Mehir ute i Eston,

¹²dingangu i Eston piạ anạ e esẹ tatěllu, kụ i Bet-Rafa, Paseah ringangu i Tehina, kụ namětị soan Nahas. Pal᷊ahěnton sire ene e němpẹ̌tanạ su soang Reka.

¹³I Kenas piạ anạ e esẹ darua i Otniel dingangi Seraya. Otniel mal᷊aing piạ anạ e esẹ darua, i Hatat dẹ̌duang Meonotai.

¹⁴Anạ i Meonotai ute i Ofra. Anạ i Seraya ute i Yoab něndararisị Bal᷊ang Měmamunara. Kal᷊awọu kawanua su wal᷊ane ene e ute kai masasingkạ u mẹ̌kakoạ hal᷊ẹ̌ u l᷊ima.

¹⁵I Kaleb anạ i Yefune piạ anạ e esẹ tatěllu: i Iru, i Ela, dingangu i Naam. Anạ i Ela ute i Kenas.

¹⁶I Yehaleleel piạ anạ e esẹ i sire ěpạ: i Zif, i Zifa, i Tireya dingangu i Asareel.

¹⁷Anạ i Esra manga esẹ e ěpạ u katau: i Yeter, i Mered, i Efer, dingangu i Yalon. I Mered nẹ̌kawing dingangi Bica sangiang u ratum Misirẹ̌. I rẹ̌dua e nakaěbạ anạ bawine sěngkatau arenge i Miryam, dingangu anạ esẹ duang katau arenge i Samai rẹ̌duang Yisba. I Yisba e ute kai něndararisị u soang Estemoa. I Mered mal᷊aing nẹ̌kawing dingangu sěngkatau wawine wọu ghal᷊ipohong Yehuda; anạ i rẹ̌dua esẹ e těllung katau: i Yered něndararisị soang Gedor, i Heber něndararisị soang Sokho, ringangu i Yekutiel něndararisị soang Zanoah.

¹⁹I Hodia nẹ̌kawing dingangu wawinen Naham. Hěntong i rẹ̌dua e ute kai i upungu ghal᷊ipohong Garmi ringangu ghal᷊ipohong Maakha. Ghal᷊ipohong Garmi mạtanạ su soang Kehila, ghal᷊ipohong Maakha e mạtanạ su soang Estemoa.

²⁰I Simon piạ anạ e manga esẹ i sire ěpạ: i Amnon, i Rina, i Benhanan dingangu i Tilon. I Yisei piạ anạ e esẹ darua: i Zohet dingangu i Ben-Zohet.

²¹Sěngkatau wọu anạ i Yehuda isẹ̌sẹ̌bạ si Sela. Hěntone ute kai: I Er něndararisị soan Lekha I Lada něndararisị soang Maresa Ghal᷊ipohong měngangahiwuang hekạ leneng su soam Bet-Asybea I Yokim Tumanạ u soang Kozeba I Yoas I Saraf kụ nẹ̌kawing u manga wawineng Moab[5] kụ bọu ene nẹ̌sul᷊e sol᷊ong Betlehem. Dol᷊ẹ̌ ini e nial᷊ing bọu bukẹ̌ pěmamohekang kụ sen těbe.

²³I sire kěbị e nẹ̌koạ bokorẹ̌ dingangu wěnsadẹ̌ baugu ratu ringangu mạtanạ su soang Netaim dingangu Gedera.

²⁴I Simeon piạ anạ e manga esẹ i sire lima: i Nemuel, i Yamin, i Yarib, i Zerah, i Saul.

²⁵Hěnton Saul ute kai: I Salum I Mibsam I Misma I Hamuel I Zakur I Simei.

²⁷I Simei piạ anạ e i sire 22 su kataune: 16 su kataune esẹ dingangu wawine i sire ěnnungu katau. Arawe manga anạ u sěmbaụ i Simei e mahal᷊i wue anạ e. Hěnton Simeon tawẹ kal᷊awọe kere hěnton Yehuda.

²⁸ Sarang tempon Datu i Daud, hěnton Simeon mạtanạ su manga soa ini: Bersyeba, Molada, Hazar-Sual,

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri ringangu Saaraim.

³²I sire lai mạtanạ su tampạ lima wal᷊ine, kụ kai i Etam, i Ain, i Rimon, i Tokhen, i Asan,

³³dingangu su manga kampong nangělikụ apan tampạ ene karaune sarang soam Baal su wahageang tahangeng bahẹ. Seng kerene wohẹ u pal᷊ahěnton Simeon hal᷊ẹ̌en salakẹ̌boěng dingangu kal᷊awọu tampạ katatanakeng i sire e.

³⁴Tuhụ ini e kai manga arengu těmbonangu ghal᷊ipoho su ral᷊ungu hěnton Simeon: I Mesobab I Yamlekh I Yosa anạ i Amazia I Yoël I Yehu anạ i Yosibya (i Yosibya e kai anạ i Seraya, pulung i Asiel), I Elyoënai I Yaakoba I Yesohaya I Asaya I Adiel I Yesimiel I Benaya I Ziza anạ i Sifei (wěhịu salakěboěng bọu i Sifei taraị ute kai: i Alon, i Yedaya, i Simri, i Semaya). Batụu manga walagʼi sire e tatapẹ̌ mạtamba,

³⁹tangú i sire nẹ̌kakeke sol᷊ong sěmběkam bahẹ sarang maraning soang Gedor kụ su wal᷊ane sěmbaụ. Su sěmběkan dakị wọu wal᷊ane ene e, i sire e nakahombang bal᷊an děmpugẹ̌ matawa lai mawěnahẹ̌ ore lai mal᷊enehẹ̌ baugu binatang i sire e. Nạung kal᷊imona wanua ene pinẹ̌tanakengu pal᷊ahěntong Ham kụ sen nẹ̌biahẹ̌ maghighilẹ̌.

⁴¹Su tempong Hizkia ratung Yehuda e hěnton Simeon ene e něngalo su Gedor. I sire něnggagholang manga selong tumanạ u soa ene ringangu tau Meunim, bọu e něnokol᷊ẹ̌ tumanạ e. Bọu ene i sire něnatapẹ̌ sene ual᷊ingu mal᷊awọ bal᷊an děmpugẹ̌ e waugu binatang i sire.

⁴²Su ahạ u těmbonangu manga anạ i Yisei, kụ i Pelaca, i Nearya, Refaya ringangu i Uziel, 500 taumatane wal᷊ine e wọu hěnton Simeon něngal᷊ing sol᷊ong Edom su sěmběkan dakị.

⁴³I sire měmẹ̌mate manga l᷊ěmben tau Amalek, bọu e nẹ̌tanạ sene nanětạ bọu tempo ene.