Read Sangir KARARATUANG HUMOTONG 7 Bible Online

KARARATUANG HUMOTONG 7 - Sangir bible

KARARATUANG HUMOTONG 7

¹Isakar piạ anạ e esẹ i sire ěpạ: i Tola, i Pua, i Yasub dingangu i Simron.

²I Tola piạ anạ e manga esẹ i sire ěnnung u katau: i Uzi, i Refaya, i Yeriel, i Yahmai, i Yibsam dingangu i Samuel. I sire e kai těmbonangu walagẹ̌ su ral᷊ungu ghal᷊ipohon Tola ringangu timeleng kere manga sordadong mal᷊ahasa. Su tempon Datu i Daud, pal᷊ahěnton sire e kal᷊awọe 22.600 su kataune.

³I Uzi piạ anạ e esẹ sěngkatau arenge i Yizrahya. I Yizrahya ringangu manga anạ e esẹ ěpạ kụ i Mikhael, i Obaja, i Yoël, dingangu i Yisia ute kai manga těmbonange.

⁴Manga kawing i sire e ringangu manga anạ i sire e apạ e mal᷊awọ hakịu pal᷊ahěnton sire e nakapěndiahing 36.000 su kataune manga esẹ waugu munarang sordado.

⁵Tumuhụ dol᷊ẹ̌ kahěngang, bọu kěbị balagẹ̌ su ral᷊ungu hěnton Isakar piạ 87.000 manga esẹ kụ botonge itarimạ baugu munarang sordado.

⁶I Benyamin piạ anạ e manga esẹ i sire těllu: i Bela, i Bekher, i Yediael.

⁷I Bela piạ anạ e manga esẹ i sire lima: i Ezbon, i Uzi, i Uziel, i Yerimot dingangu i Iri. I sire e kai těmbonangu walagẹ̌ su ral᷊ungu hěnton sire ringangu timeleng kere manga sordado mal᷊ahasa. Su ral᷊ungu rol᷊ẹ̌ u hěnton sire e kai kạbawohẹ e 22.034 su kataune manga esẹ kụ botonge makatarimạ baugu munarang sordado.

⁸I Bekher piạ anạ e manga esẹ siong katau: i Zemira, i Yoas, i Eliezer, i Elyoënai, i Omri, i Yeremot, i Abia, i Anatot, dingangu i Alemet.

⁹I sire e kai těmbonangu walagẹ̌ su ral᷊ungu hěnton sire. Tumuhụ dol᷊ẹ̌ e kahěngang, bọu kěbị balagẹ̌ su ral᷊ungu hěnton sire e kẹ̌kaěbakeng 20.200 su kataune manga esẹ kụ matarimạ baugu munarang sordado.

¹⁰I Yediael piạ anạ e esẹ sěngkatau arenge i Bilhan. I Bilhan piạ anạ e esẹ pitung katau: i Yeus, i Benyamin, i Ehud, i Kenaana, i Zetan, i Tarsis dingangu i Ahisahar.

¹¹I sire e kai těmbonangu walagẹ̌ su ral᷊ungu hěnton sire ringangu timeleng kere manga sordado mal᷊ahasa. Su ral᷊ungu rol᷊ẹ̌ u hěnton sire e kạbawohẹ 17.200 su kataune manga esẹ kụ botonge matarimạ baugu munaran sordado.

¹²I Supim dẹ̌duang Hupim kai pal᷊ahěnton Ir. I Husim e kai anạ i Dan.[8]

¹³I Naftali e piạ anạ e esẹ ěpạ u katau: i Yahziel, i Guni, i Yezer dingangu i Salum. I sire e kai pulung i Bilha.[9]

¹⁴I Manasye ringangu rokạ e, sěngkatau wawineng Aram, piạ anạ e manga esẹ i rẹ̌dua: i Asriel dingangu i Makhir. Anạ i Makhir ute i Gilead.

¹⁵I Makhir e mědẹ̌deạ taumata makoạ kawingʼi Hupim dẹ̌duang Supim. Arengu kawing i[10] Makhir ute i Maakha. Anạ i Makhir karuane ute i Zelafehad. I Zelafehad tawẹ anạ e manga esẹ, kětạeng anạ e wawine.

¹⁶I Maakha kawingi Makhir něhendingu anạ e esẹ arenge i Peres dingangi Seres; i Peres piạ anạ e manga esẹ darua isẹ̌sẹ̌bạ si Ulam dingangu i Rekem.

¹⁷I Ulam piạ anạ esẹ sěngkatau isẹ̌sẹ̌bạ si Bedan. Seng ene e pal᷊ahěntong Gilead anạ i Makhir pulung i Manasye.

¹⁸Bawineng Gilead kụ arenge i Molekhet piạ anạ e manga esẹ tatěllu: i Isyhod, i Abiezer dingangu i Mahla.

¹⁹I Semida piạ anạ e manga esẹ i sire ěpạ: i Ahyan, i Sekhem, i Likhi ringangu i Aniam.

²⁰I Efraim e piạ anạ e manga esẹ tatěllu: i Sutelah i Ezer dingangu i Elad. Běhị u pal᷊ahěntong Efraim limiun Sutelah e ute kai i Bered, i Tahat, i Elada, i Tahat, i Zabad, i Sutelah. I Ezer dẹ̌duang Elat nipate piạ e nạung nẹ̌tako binatang u tumanạ u soang Gad tutune.

²²I amang i sire mělẹ̌lutu pẹ̌tahạ pira ěllo karěngụe hakịu manga tuhange dụděnta měhiborẹ̌ si sie.

²³Bọu ene i Efraim saụewe nẹ̌sěngkapẹ̌tikị dingangu kawinge, kụ bọu ene wawine ene e nẹ̌bawa kapapia ringangu něhěndingu sěngkatau rariọ esẹ i Efraim nẹ̌sẹ̌bạeng arengu rariọ esẹ ene si Beria[11] ual᷊ingu hombang kụ seng kinahombangeng i sire ene e.

²⁴I Efraim piạ anạ e wawine arenge i Seera. Seng i sie e něndarisị u manga soam Bet-Horon Bawa ringangu Bet-Horon Dasị dingangu l᷊ai soang Uza ringangu Seera.

²⁵Piạ lai anạ i Efraim esẹ, arenge i Refah. Inie kai wěhịu hěntong Refah: i Resef, i Telah, i Tahan,

²⁶i Ladan, i Amihud, i Elisama,

²⁷i Nun, i Yosua.

²⁸Banua kụ nionggọ baugu makoạ tampạ u pẹ̌tanakeng i sire ute kai wọu Betel sarang Naaran su sěmběkan dakị e karaune, ringangu Gezer su sěmběkam bahẹ ore lai manga kamponge nangělikụ manga soa ene. Su ral᷊ungu wanua ene nasowa l᷊ai soan Sikem dingangu Aya, ore lai manga kampong nangělikụ e.

²⁹Pal᷊ahěntom Manasye e, něngawasa soaʼm Bet-Sean, Taanakh, Megido, Dor, dingangu manga kampong nangělikụ sene. Seng ene kěbị e wanua tampạ pẹ̌tẹ̌tanakengu pal᷊ahěnton Yusup anạ i Yakub.

³⁰Tuhụ e ini e kai pal᷊ahěnton Asyer. I sie piạ anạ e manga esẹ ěpạ u katau: i Yimna, i Yiswa, i Yiswi, i Beria ringangu anạ e wawine sěmbaụ, arenge i Serah.

³¹I Beria piạ anạ e manga esẹ darua, kụ i Heber dingangu i Malkiel měmamětị soam Birzait.

³²I Heber piạ anạ e manga esẹ tatěllu: i Yaflet, i Somer, i Hotam, dingangu sěngkatau rariọ bawine arenge i Sua.

³³I Yaflet mal᷊aing piạ anạ e manga esẹ i sire těllu: i Pasakh, i Bimhab, dingangu i Asywat.

³⁴I Somer tuhang i Yaflet piạ anạ e manga esẹ ěpạ u katau: i Ahi, i Rohga, i Yehuba ringangu i Aram.

³⁵I Hotam,[12] sěngkatau lai tuhang i Yaflet, piạ anạ e manga esẹ ěpạ u katau: i Zofah, i Yimna, i Seles dingangu i Amal.

³⁶Pal᷊ahěnton Zofah ute i Suah, i Harnefer, i Syual, i Beri, i Yimra,

³⁷i Bezer, i Hod, i Sama, i Silsa, i Yitran, dingangu i Beera.

³⁸Pal᷊ahěnton Yeter ute i Yefune, i Pispa ringangu i Ara.

³⁹Pal᷊ahěntong Ula ute i Arah, i Haniel dingangu i Rizya.

⁴⁰Seng ene e pal᷊ahěntong Asyer. I sire kěbị e těmbonangu walagẹ̌ e ringangu timeleng kere manga mol᷊onsekẹ maral᷊ahasa ringangu manga těmbonange masasěllahẹ̌. Su ral᷊ungu rol᷊ẹ̌ e u manga pal᷊ahěntong Asyer kạbawohẹ 26.000 su kataune manga esẹ kụ botonge matarimạ su munarang sordado.