Read Sangir KARARATUANG KARUANE 4 Bible Online

KARARATUANG KARUANE 4 - Sangir bible

KARARATUANG KARUANE 4

¹ Datu i Salomo nẹ̌parenta ipẹ̌kẹ̌koạ pěnaněmbaěng sěmbaụ bọu tambaga, nandune dingangu wěnahe pẹ̌tahạ 9 meterẹ̌ dingangu rangẹ e 4, u meterẹ̌ sitenga.

²I sie nẹ̌koạ e lai wěnsadẹ̌ mal᷊iwatu sěmbua wọu tambaga laụ u timběha gěnnangu: ral᷊unge 2,2 su metere, loange 4,4 su metere, dingangu likụ e 13,2 su metere.

³Něngělikụ biwihu sěndihange nịdal᷊ěnggihangken gambaru sapi rarua pinẹ̌tente, kụ sěngkawěmbing dingangu wěnsadẹ̌ ene.

⁴Běnsadẹ̌ ene nilěngkangke su wowon tal᷊ẹ̌tugu sapi tambaga laụ u timběha mapul᷊o dua — tatěllu tụtatěngo sawěnahẹ̌, tatěllu tụtatěngo timuhẹ̌, tatěllu tụtatěngo wahẹ, dingangu tatěllu tụtatěngo raki.

⁵Su wěnehu wěnsadẹ̌ ene 75 su milimetere. Biwihe mẹ̌sul᷊ungu wiwihu lainumang lei sarang likude mẹ̌sul᷊ungu wuang gal᷊oghong něměsị. Běnsadẹ̌ ene lohone mangawe 60.000 su litere.

⁶ Ratu i Salomo mal᷊ain nẹ̌koạ pěnganguhaseng lima gagherẹ mapul᷊om baụ, limam baụ nịpapěllọ su sěmběkan timuhẹ̌, limam baụ e lai su sěmběkan sawěnahẹ̌ bọu Wal᷊em MAWU. Panganguhaseng tamai ene gunane ute baugu pěnguhaseng manga gěsing binatang seng bọu nipěpapotọ kụ sarung tongkateng makoạ sasěmba. Akẹ su ral᷊ungu wěnsadẹ̌ ene isẹ̌sadia su manga imang mạengu měnguhasẹ̌ badange.

⁷ Nikoạ e lai kal᷊aianeng u sol᷊o wọu wul᷊aeng mapul᷊om baụ, tuhụewe kapulun datu, ringangu lai meda mapul᷊om baụ. Kěbịewe kakaianeng u sol᷊o ringangu meda e, nịpapěllọ su ral᷊ungu huang kasusiange su Wal᷊en MAWU — kụ limam baụ su sěmběkane kaihi, limam baụ bal᷊ine su sěmběkan e koaneng. Nịkakoạewe lai pěnganginumang bul᷊aeng 100 su wěkane.

⁹Datu i Salomo lai někoạ e dumaẹ u ral᷊unge waugu manga imang, dingangu dumaẹ su l᷊ikude. Darěndung tukadu sasuěkang su wěllạu dumaẹ ene nịlahawengang u tambaga laụ u timběha.

¹⁰Běnsadẹ̌ ene nipěllọ e su rěduhu wukung Bal᷊em MAWU sěmběkam mahai.

¹¹I Huram těmbonangu manga měnanẹ̌sal᷊ẹ̌ ene nẹ̌koạ manga kaha, sikopẹ̌ dingangu mangạe lainumang. Tangú nasuẹ e hal᷊ẹ̌ ene, i sie nẹ̌koạ apal᷊iwụ u Wal᷊em MAWU, kerẹewe niriandi su těngon Datu i Salomo. Tangú ini e apal᷊iwụ kụ seng nịkakoạ e: Dihi ghagherẹ darua Tatěmbọ dihi mạngawẹ lainumang kạpapěllọ su wowon dihi rarua ene Hante nianang su apan tatěmbọu rihi Ěpạ u hasụ dělima tambaga laụ u timběha niantehẹ̌ duam běhị pinělikụ anangu hante su apan těmbọ u rihi Kareta mapul᷊o[4] Pěnganguhaseng gagherẹ mapul᷊om baụ Běnsadẹ̌ nikoạ bọu tambaga laụ u timběha Sapi tambaga laụ u timběha mapul᷊o dua nipanuilẹ̌ běnsadẹ̌ ene Manga kawali, manga sikopẹ̌, dingangu manga sasaedẹ̌ Kěbị apal᷊iwụ seng nịkakoạ i Huram baugu Wal᷊em MAWU nikoạ e wọu tambaga laụ u timběha, bọu ene niasa sarạewen nal᷊endạ. I Huram nẹ̌koạ tamai ene timol᷊ẹ e kapulun Datu i Salomo.

¹⁷Datu nẹ̌parenta pẹ̌kakoạ manga apal᷊iwụ ene, su pěmaměmbingang uada su wěllạ u Sukot dingangu Zereda su Wal᷊ang Yordan.

¹⁸Ual᷊ingkeng kal᷊awọe apal᷊iwụ ene, tangú tawẹ sarang sěngkatau masingkạ měnsang kai pirang kilo tambaga nịkakoạ.

¹⁹Datu i Salomo mal᷊aing nakikoạ u apal᷊iwụ bal᷊ine wọu wul᷊aeng tuhasẹ̌ baugu Wal᷊em MAWU. Tangú ini e apal᷊iwụ ene: Pěnanembaěng Medaʼm borotẹ̌ u sasěmba Kakaianeng dingangu sol᷊o wul᷊aeng maghurang, irẹ̌dikọ su těngong Huang Kasusiange, tuhụewe sukaraki Manga ral᷊ěgahẹ̌ kere ghahị u bungang Manga sol᷊o Manga e haghing sasipị Apal᷊iwụ ipẹ̌murěsi sobun sol᷊o Manga lainumang Manga lamạ u wuwụ Manga lamạ u woheng Kěbịewe sasukung tukadu sasuěkang u Wal᷊eng MAWU dingangkewen tukadu Huang Kasusiange nihawengang u wul᷊aeng.