Read Sangir KARARATUANG KARUANE 6 Bible Online

KARARATUANG KARUANE 6 - Sangir bible

KARARATUANG KARUANE 6

¹Daroan Datu i Salomo, ”Oh MAWU, i Kau e limembom puluang matanạ su ral᷊ungu kararěndungu winawa.

²Orasẹ̌ ini iạ e namětị baugʼU, wal᷊e masaria ringangu maholẹ, tampạ katatanakengʼU sarang marěngụ-děngụ.”

³Sarạeng nasuen doane ratu e něbihụ e sarang anung anạu kawanua mạhundarisị sene, mase nẹ̌dorongke al᷊amatu Ruata, waugi sire.

⁴ Datu nẹ̌bera, ”Nạung kangerẹ i Kau MAWU seng nẹ̌diandi si amangku i Daud kere ini, ’Su tětạ u Iạ něngahạ kawanua-Ku siměbang bọu Misirẹ̌ sarang nịdatingu sahěllo ini su soan Israel, tawẹu soa sěmbaụ Takụ pinile nakoạ e tampạ u pendarisikang Bal᷊em Mawu tadeạu pẹ̌tahamawuang si Siạ, dingangu mamben tawẹ u sarang sěngkatau Takụ nipile měngahạ kawanuang Israel. Kaiso orasẹ̌ ini Iạ e němile Yerusalem nakoạ tampạ u pẹ̌kakal᷊iomanengang Siạ. Kụ i kau, Daud Takụ pileěng makoạ mẹ̌paparenta kawanua-Ku,’ lẹ̌adatengke MAWU Ruatang Israel, kụ seng nangitụ diandi-Ne.”

⁵

⁶

⁷Tuhụ e i Salomo nẹ̌berạ e, ”I amangku i Daud piạ tingirange waugu měndarisị bal᷊em pẹ̌kakal᷊iomanengang su MAWU Ruatang Israel.

⁸Kaiso MAWU Ruata e něhengetang si sie, ’Těgal᷊u ene mapia wue.

⁹Kaiso wal᷊inewe i kau, kaiso anạ u e sarung měndarisị bal᷊e-Ku ene.’

¹⁰Orasẹ̌ ini MAWU Ruata e něngganapẹ̌ diandi-Ne. Iạ nakoạ datung Israel, něngaweng si amangku, kụ iạ e selaing namětị bal᷊e tampạ u pẹ̌kakal᷊iomanengang su MAWU, Ruatang Israelẹ̌ e.

¹¹Su ral᷊ung u Wal᷊em MAWU ene seng nisadiaěng u tampạ u Petim Pẹ̌dariandi kụ dal᷊ohone batum pẹ̌dariandim MAWU ringangu kawanuang Israelẹ̌ e.”

¹²I Salomo e nẹ̌koạ gěnggul᷊ang bọu tambaga laụ u timběha su tal᷊oaran dělahu Wal᷊em MAWU. Nandụ e ringangu wěnahe 2,2 su metere, dingangu rangẹ e 1,3 su metere. Su těngong kawanua natampung, i Salomo rimangengke su wowong gěnggul᷊ang ene e, kụ dimarisị dumarokạ pananěmbaěng. Kěbị taumata nakasilo. Bọu e i sie němul᷊angeng mase něhengkẹ u l᷊imane ruam běka, sarang l᷊angị kụ nẹ̌kal᷊iomaneng,

¹³

¹⁴”MAWU, Ruatang Israelẹ̌! Su l᷊angị arau su wowon dunia, tawẹ sul᷊unge i Kau. I Kau něnukụ diandi-Nu ringangu nanodẹ u kakěndagʼU su kal᷊awọu umatʼU masatia ringangu mẹ̌děndesọ u ene su naunge.

¹⁵I Kau tụtuhụ diandi-Nu si amangku i Daud. Apang kụ seng nikědo-Nu e nisukutangʼU e sahěllo ini.

¹⁶ I Kau e mal᷊aing nẹ̌diandi si amangku u kamagengu pal᷊ahěntone e kahěnga-hěngangbe satia su tita-Nu kerẹewe i sie, ute tangu sarang karěngụ-děngụ e sěngkatau wọu pal᷊ahitene sarung makoạ datu su Israel. Orasẹ̌ ini, oh MAWU Ruatang Israel, kariadị e patikụ diandi-Nu si amangku i Daud ěllangʼU e.

¹⁷

¹⁸ Kaiso, oh Ruata, kahěngang ngae i Kau mẹ̌tumanạ su dunia ini su tal᷊oaran taumata? Kasarian langị e mang kadodọ baugʼU e, rumakelengke wal᷊en pěnaněmbaěng nipětịku ini!

¹⁹Oh MAWU Ruataku, iạ e ěllangʼU! Kaiso, daringihẹ̌ko daroaku, sukutẹ e dorongku.

²⁰ Milumbạko ěllo ringangu hěbi e i Kau mẹ̌padul᷊i wal᷊e ini; kụ seng nipile-Nu e nịkakoạ bal᷊em pẹ̌tahamawuang. Milumbạko wọu sorga katatanakengʼU e makaringihẹ̌ dingangu měngampung si siạ, dingangkewen patikụ kawanuang Israelẹ̌, bansanʼU ene, kamagengu i kami e tumatěngo wal᷊e ini kụ mẹ̌kal᷊iomaneng si Kau.

²¹

²²U kamagengu piạ u sěngkatau nẹ̌sal᷊a su taumata wal᷊ine kụ niwawa su ral᷊ungu pananěmbaěngʼU su ral᷊ungu Wal᷊enʼU ini e apẹ̌salu u i sie tawe nẹ̌koạ sal᷊a,

²³oh MAWU, karimạko i Kau wọu sorga e dumaringihẹ̌ dingangu měmutusu pěrkarang manga ěllangʼU ini. Hukungko i sai-sain němpẹ̌sal᷊a ringangu liwirẹ̌ko i sai-saingkewen tạ sal᷊ane.

²⁴Kụ kamagengu kawanua-Nu Israel nikawatạ u rokạ ual᷊ingu i sire nẹ̌dosa, mase nẹ̌sasěsilẹ̌ kụ němpěngadatẹ̌ si Kau u kai MAWU, mase riměnta su Wal᷊e-Nu ini kụ nẹ̌kal᷊iomaneng mẹ̌dorong ampung si Kau,

²⁵milombọko i Kau e rumaringihẹ̌ si sire su sorga. Milombọko i Kau e měngampung dosang kawanua-Nu ini, ringangu mẹ̌bawa si sire kapia sarang banua kụ seng nionggọʼU e si sire ringangu si upung i sire.

²⁶Kamagengu i sire nẹ̌dosa su těngo-Nu ringangu i Kau e měhukung i sire kụ tawe naparasehe, mase i sire němpẹ̌tobatẹ̌ bọu rosan sire kụ měngadatẹ̌ si Kau kụ kawe MAWU, bọu e i sire riměnta su Wal᷊e-Nu ini kụ němpẹ̌kal᷊iomaneng si Kau,

²⁷oh MAWU Ruata su sorga, daringihẹ̌ko i sire, kụ ampungeko rosang manga ěllangʼU kawanuang Israelẹ̌. Těntiroiko i sire tadeạu měkoạ apang mẹ̌tẹ̌tal᷊ahino. Bọu ene o MAWU, aparasehẹ̌ko su soa-Nu ini e, wanua kụ seng nionggọ i Kau su kawanua-Nu tadeạu makoạ tataghuaneng e sarang marěngụ-děngụ.

²⁸Kamagengu banua ini piạ karal᷊unusẹ̌ arau sakitang arau manga sasuang nigagholọ u anging matětị, tuma, kal᷊imbotong, arau kamageng kawanua-Nu hěbageng u rokạ arau hěbageng u sahindạ,

²⁹mal᷊owọko i Kau rumaringihẹ̌ daroan sire. Kamageng bọu tal᷊oarang kawanuang Israelẹ̌ piạ u lụlahunsusa kapẹ̌dẹ̌doane su těngo-Nu apidewe kapẹ̌lẹ̌hengkẹ u l᷊imane sol᷊ong lantehu Wal᷊em MAWU,

³⁰mal᷊owọko bọu sorga-Nu suapang i Kau mẹ̌tẹ̌tumanạ e dumaringihẹ̌ dingangu měngampung si sire. Tumbạbeng i Kau masingkạ u ral᷊ungu naungu taumata. Ual᷊ingu ene pěkoạko tuhụewe kakakoạu apan taumata,

³¹tadeạu taumata e matakụ dingangu tumuhụ si Kau su kanandung i sire mạtanạ su wanua nighěllịʼU su manga i upung i kami.

³²Kamageng piạ tau raghị su soa marau nakaringihẹ̌ kawantugʼU dingangu kuatʼU e, kụ i Kau tinalung mẹ̌tẹ̌tul᷊ung, mase i sie riměnta sol᷊ong Bal᷊enʼU ini, tadeạu mẹ̌kal᷊iomaneng si Kau,

³³ute milombọko bọu katatanakengʼU sorga, i Kau e rumaringihẹ̌ kakal᷊iomanenge ringangu sumimbahẹ̌ doronge. Hakịu patikụ bansa su wowon dunia masingkạ dingangu matakụ i Kau kerẹewe umatʼU Israelẹ̌. I sire sarung masingkạ u wanala kụ nipapětịku e ene kai tampạ u pẹ̌daloěng si Kau.

³⁴Kamageng i Kau měndolohu umatʼU baugu tamai měseke dumokạ sědụ, kụ balạewe mensang i sire suapa, kai i sire tumatěngo sarang soa pinile-Nu ini, kụ mẹ̌kal᷊iomaneng tumatěngo wal᷊e ini kụ seng nipětịku waugʼi Kau,

³⁵mal᷊owọko bọu sorga-Nu i Kau e rumaringihẹ̌ kakahiorọ i sire dingangu měgěllịu kal᷊auntung si sire.

³⁶Kereu bansa-Nu nẹ̌dosa su těngo-Nu — ute mamben tạ u sarang sěngkatau tawẹ dosane — kụ ual᷊ingken dal᷊angehu niapakawalạ e su kararugin pẹ̌seketang tangú nitawengke sol᷊ong soa marau arau marani,

³⁷karimạko i Kau duměndengelẹ̌ kakahiorọ i sire. Kụ kamageng u su soa ene i sire naněntangken pẹ̌sasal᷊an sire, tangú kakahiorọ i sire si Kau ute kai něngaku u i sire seng nẹ̌koạ pẹ̌sasal᷊a ringangu nẹ̌koạ kararal᷊akị, tangú daringihẹ̌ko kakal᷊iomaneng i sire, o MAWU!

³⁸U, kamagengu su soa ene i sire ringangu naung matul᷊idẹ̌, kụ kahěnga-hěngang měněntangu rosan sire, kụ měkẹ̌kal᷊iomaneng si Kau apidu kạtatěngone sarang soa nighěllị si i upung i kami, sol᷊ong soa pinile-Nu dingangu wal᷊em pẹ̌kakal᷊iomanengang nạung takụ nipětị baugʼi Kau ini,

³⁹ute wọu katatanakengʼU su sorga mal᷊owọko i Kau rumaringihẹ̌ daroan sire ringangu kuměndagʼi sire. Ampungeko patikụ dosang manga umatʼU.

⁴⁰Orasẹ̌ ini, o Ruataku, kakělaiko i kami ringangu děndengeleko kakahiorọ, irẹ̌dumating si Kau, wọu tampạ ini.

⁴¹ Pẹ̌pětịko o MAWU Ruata! Kụ dingangkeng Petim Pẹ̌dariandi kụ ene kai papaiang u kawasa-Nu e milumbạko i Kau e sumuẹ̌ su wal᷊e-Nu kụ mẹ̌tanạ sene sarang marěngụ-děngụ. Al᷊amateko patikụ munarang manga imang dingangu milumbạko patikụ kawanua-Nu ipakal᷊unsemahẹ̌ batụu i Kau e mapia si sire.

⁴²MAWU Ruata, kumbahangbe ipẹ̌binsị u ratu pinile-Nu ini e. Pẹ̌tahěndung kakěndagʼU si Daud nạung ěllangʼU.”