Read Sangir ESRA 2 Bible Online

ESRA 2 - Sangir bible

ESRA 2

¹Mal᷊awọ bọu tal᷊oaran taumatam pinamembangenge naněntangu wanuam Babel, bọu e nẹ̌sul᷊e kapia sol᷊ong Yerusalem dingangu Yehuda sěngkatau-sěngkatau e makoạ sol᷊ong soane hala. I sire seng nẹ̌biahẹ̌ su ral᷊ungu piněmembangeng su Babel den dokeng i sire nihengkẹ sol᷊ong ene, kahian Datu i Nebukadnesar.

²Manga těmbonang i sire e ute i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum dingangu i Baana. Seng ini e rol᷊ẹ̌ u walagu Israelẹ̌ e ringangu kal᷊awọu taumata wọu apam balagẹ̌ apang měmpẹ̌sul᷊e wọu pinamembangeng:

³Balagʼi Paros — — 2.172 Safaca — — 372 Arah — — 775 Pahat-Moab (hiteng Yesua rẹ̌duang Yoab) — — 2.812 Elam — — 1.254 Zatu — — 945 Zakai — — 760 Bani — — 642 Bebai — — 623 Azgad — — 1.222 Adonikam — — 666 Bigwai — — 2.056 Adin — — 454 Ater (nisěbạ l᷊ai si Hizkia) — — 98 Bezai — — 323 Yora — — 112 Hasum — — 223 Gibar — — 95

²¹Taumata apang kụ i upunge mạtanạ suapan soa tamai ini e mal᷊aing němpẹ̌sul᷊e wọu pinamembangeng. Soam Betlehem — — 123 Netofa — — 56 Anatot — — 128 Asmawet — — 42 Kiryat-Arim, Kefira ringangu Beerot — — 743 Rama dingangu Gaba — — 621 Mikhmas — — 122 Betel dingangu Ai — — 223 Nebo — — 52 Magbis — — 156 Elam lai wal᷊ine — — 1.254 Harim — — 320 Lod, Hadid dingangu Ono — — 725 Yerikho — — 345 Senaa — — 3.630

³⁶Seng ini e rol᷊ẹ̌ u walagu manga imang kụ apang napul᷊ẹ bọu pinamembangeng: I Yedaya (hiten Yesua) — — 973 Imer — — 1.052 Pasyhur — — 1.247 Harim — — 1.017

⁴⁰Balagʼi Lewi napul᷊ẹ bọu pinamembangeng ute kai: I Yesua ringangu i Kadmiel (hiteng Hodawya) — — 74 Apang mẹ̌kakantarị su Wal᷊em(hiteng Asaf) — — 128 Mělal᷊ukadẹ̌ pasěllangeng u Wal᷊em(hiten Salum, Ater, i Talmon, i Akub, i Hatita ringangu i Sobai) — — 139

⁴³Seng ini rol᷊ẹ̌ u walagʼu manga mělahal᷊ẹ̌ u Wal᷊em MAWU kụ apang napul᷊ẹ bọu pinamembangeng: i Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Meunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah ringangu i Hatifa.

⁵⁵Balagu manga mẹ̌tatangkiang si Salomo kụ apang napul᷊ẹ bọu pinamembangeng: i Sotai, i Soferet, i Peruda, i Yaala, i Darkon, i Gidel, i Sefaca, i Hatil, i Pokheret-Hazebaim dingangu i Ami.

⁵⁸Balagu manga mělahal᷊ẹ̌ u Wal᷊em MAWU ringangu mẹ̌tatangkiang si Salomo kụ nẹ̌sul᷊e wọu pinamembangeng e kal᷊awọe 392 su kataune.

⁵⁹Taumata apan němpẹ̌buạ bọu manga soan Tel-Melah, Tel-Harsa, Kerub, Adan dingangu Imer, kal᷊awọe 652 su kataune. I sire narekeng lai walagʼi Delaya, Tobia ringangu i Nekoda, arawe i sire tawe nakal᷊ahẹu i sire kawe hiten tau Israel.

⁶¹Piram baụ balagu imang e mal᷊aing tawe nakaěbạ bohẹ u mạul᷊ị u i upung i sire, kụ kai walagʼi Habaya, Hakos, dingangu Barzilai. (I upung u walagʼi Barzilai nẹ̌kawingu sěngkatau wawine hitem balagʼi Barzilai su Gilead, dingangu wọu ene i sie nẹ̌pakẹ u areng u walagʼi empone.) Ual᷊ingu i sire, tawe nakaturantung u měnsang i sai i upung i sire, tangu i sire tawe nitarimạ nakoạ manga imang.

⁶³ Guběrnurẹ̌ u wanuang Yehuda e mẹ̌sẹ̌sěding i sire kumaěng kaěng kụ isẹ̌sěmba su Mawu Ruata, sarang piạ sěngkatau imang kụ nakarorong tatualagu mẹ̌pakẹ u Urim dingangu Tumim.[2]

⁶⁴Taumatam pinamembangeng apan napul᷊ẹ u wanuane, kal᷊awọe 42.360 su kataune. Sul᷊iung ene napul᷊ẹ lai manga lumaontol᷊ẹ̌ mẹ̌tatangkiang si sire e kal᷊awọe 7.337 su kataune ringangu mẹ̌kakantarị kal᷊awọe 200 su kataune. I sire lai němpẹ̌bawa manga binatang i sire, manga: Kawal᷊o — — 736 Bagal᷊ẹ̌ — — 245 Onta — — 435 Kalide — — 6.720

⁶⁸Piạ e taumatam pinamembangeng e nahumpạeng Bal᷊em MAWU su Yerusalem, pirang katau těmbonang u ghal᷊ipoho e nẹ̌gěllịu sasěmba ringangu haěng u naung baugu měmangung Bal᷊em MAWU kapia.

⁶⁹I sire němpẹ̌gěllịu tatongka tuhụewe ikaumalʼu sěngkatau-sěngkatau e kụ ual᷊ine ute wul᷊aeng 500 su kilone, sal᷊aka 2.800 su kilone ringangu manga lakụ manandụ waugu manga imang 100 su waụ e.

⁷⁰ Manga imang, tau Lewi ringangu sěmbahageang bọu tal᷊oarang kawanua apang měmpẹ̌tẹ̌tanạ su Yerusalem dingangu manga soa su rěduhe.[3] Manga mẹ̌kakantarị, manga mělal᷊ukadẹ̌ manga pasěllangengu Bal᷊em MAWU ringangu manga mělahal᷊ẹ̌ u Wal᷊em MAWU ringangkeweng tau Israel wal᷊ine apang měnẹ̌natapẹ̌ su manga soa pẹ̌tatanakeng i upung i sire kal᷊amona e.