Read Sangir ESRA 8 Bible Online

ESRA 8 - Sangir bible

ESRA 8

¹Seng ini e rol᷊ẹ̌ u manga těmbonangu ghal᷊ipoho kụ seng niwembang sol᷊ong Babel kụ nẹ̌sul᷊e ringangku, i Esra, sol᷊ong Yerusalem piạ i Artahsasta nẹ̌parenta kere sěngkatau ratu:

²I Gersom bọu ghal᷊ipohong Pinehas. I Daniel bọu ghal᷊ipohong Itamar. I Hatus anạ i Sekhanya, wọu ghal᷊ipohong Daud. I Zakharia, wọu ghal᷊ipohong Paros, ringangu manga esẹ 150 su kataune wọu ghal᷊ipohong (piạ bohẹ u salakěbong i sire). I Elyoënai anạ i Zerahya, wọu ghal᷊ipohong Pahat-Moab, ringangu manga esẹ 200 su kataune. I Sekhanya anạ i Yahaziel, bọu ghal᷊ipohong Zatu,[13] ringangu manga esẹ 300 su kataune. I Ebed anạ i Yonatan, bọu ghal᷊ipohong Adin, dingangu manga esẹ 50 su kataune. I Yesaya anạ i Atalya, bọu ghal᷊ipohong Elam, dingangu manga esẹ 70 su kataune. I Zebaja anạ i Mikhael, bọu ghal᷊ipohong Sefaca, ringangu manga esẹ 80 su kataune. I Obaja anạ i Yehiel wọu ghal᷊ipohong Yoab, dingangu manga esẹ 218 su kataune. I Selomit anạ i Yosifya wọu ghal᷊ipohong Bani,[14] ringangu manga esẹ 160 su kataune. I Zakharia anạ i Bebai, wọu ghal᷊ipohong Bebai, ringangu manga esẹ 28 su kataune. I Yohanan anạ i(...)

¹⁵Kal᷊awọu kamonaěng ene takụ tampungang su wiwihu sal᷊ụ kụ melehẹ̌ sol᷊ong soang Ahawa, wọu e i kami e mẹ̌daseng paise těllu ěllo karěngụe. Bọuten niparikěsaku, sěngkakělla kai piạ manga imang pirang katau su tal᷊oaran sire, kaiso tawẹ u sarang sěngkatau wọu hěnton Lewi.

¹⁶Mase takụ kinuiang manga imang i sire sio wọu tal᷊oarang manga těmbonange, kụ: i Eliezer, i Ariel, i Semaya, i Elnatan, i Yarib, i Elnatan, i Natan, i Zakharia, i Mesulam, dingangu l᷊ai mananěntiro ruang katau, kụ kai i Yoyarib dẹ̌duang Elnatan.

¹⁷Bọu e i sire takụ nirolohẹ̌ pinẹ̌sombang i Ido, těmbonangu kawanua su Kasifya, dingangu rorong tadeạu i Ido ringangu sěndinganenge manga mělahal᷊ẹ̌ u Wal᷊em MAWU e, něndingọ u taumata si kami pẹ̌tangkiang Bal᷊em MAWU.

¹⁸Ual᷊ingu kapian naungu Ruata, i sire něndolohʼi Serebya, sěngkatau tau Lewi pande wọu ghal᷊ipohong Mahli. Sěngkarěnta lai ringange manga rariọ dingangu manga anạu sěngkataune kal᷊awọe 18[15] su kataune.

¹⁹I Hasabya ringangu i Yesaya wọu ghal᷊ipohong Merari, dingangu 20 su kataune wọu manga anạu sěngkataun sire nirolohẹ̌ l᷊ai sol᷊ong anung kami.

²⁰Sul᷊iung ene piạ l᷊ai 220 su kataune mělahal᷊ẹ̌ u Wal᷊em MAWU kụ arenge narol᷊ẹ̌. I upung i sire nạung kal᷊imona nititan Daud datu e ringangu manga těmbonangu kararatuang e pinẹ̌sumbala tau Lewi.

²¹Wọu e su wiwihu Sal᷊ụ u Ahawa ene iạ mapakasingkạ u kěbị e harusẹ̌ mẹ̌puhědang dingangu mětěngkasanạ u watangeng su těngon Duata. I kami mẹ̌kal᷊iomaneng tadeạu Ruata e měngahạ i kami su ral᷊ungu raral᷊engang ene, ringangu maněntanudẹ̌ si kami, manga anạ i kami ringangu kal᷊awọu tataghuaneng i kami.

²²Iạ e mahunggeẹ̌ mẹ̌dorong sordado piạ kawal᷊one su ratu e waugu ipěněntanudẹ̌ si kami wọu manga rokạ su raral᷊engang. U iạ sem bọu nẹ̌bera si sie u Ruatang kami e mạngal᷊amatẹ̌ apan taumata kụ mẹ̌kẹ̌kal᷊iomaneng si Sie ringangu mẹ̌bẹ̌binsị ore lai mělẹ̌hukung u apan taumata kụ tawẹ satiane si Sie.

²³Tangu nẹ̌puhědangke i kami ringangu nẹ̌doa su Mawu Ruata, mědẹ̌dorong laěllung dingangu i Sie mal᷊aing dimaringihẹ̌ kakal᷊iomaneng i kami.

²⁴Bọu tal᷊oarang manga imang su horone, iạ němile 12 su kataune: i Serebya, i Hasabya ringangu l᷊ai mapul᷊ong katau.

²⁵Bọu ene iạ nẹ̌timbang sal᷊aka waugi sire, wul᷊aeng dingangu manga apal᷊iwụ kụ seng nionggọ kahian datu, manga měnanasa ore lai matatebone ringangu lai kal᷊awọu taumatang Israel mědeạu ipakẹ su ral᷊ungu Wal᷊em MAWU. Kěbị ene takụ nisarakang su manga imang ene.

²⁶Seng ini e rol᷊ẹ̌ u manga ghaghěllị ene: sal᷊aka — — — 22 su toěnge manga apal᷊iwụ sal᷊aka 100 — — — 70 su kilone bul᷊aeng — — — 3.400 su kilone lainumang bul᷊aeng 20 su waụ e — — — 8,4 su kilone Sal᷊aka laụ u timběha maral᷊ěnggihẹ̌ e ruang lainumang, mal᷊aing mẹ̌sul᷊ung arẹ̌gane ringangu lainumang bul᷊aeng.

²⁸Iạ e mẹ̌bera su manga imang ene, ”I kamene e kai nihae waugu MAWU, Ruata sẹ̌sěmbaěng i upung i kitẹ e, kerene lai kal᷊awọu apal᷊iwụ sal᷊aka ringangu wul᷊aeng kụ nighěllị baugu MAWU e ute kai nihae waugu MAWU.

²⁹Kụ diagate wue sabarang tamai ene pakapia sarang i kamene marěnta su Wal᷊em MAWU. Mahumpạ sene, i kamene harusẹ̌ mẹ̌timbang kal᷊awọu sabarang ene e, mase měnarakang su manga těmbonangu imang dingangu manga těmbonangu tau Lewi ore lai manga pangahạ u tau Israel su Yerusalem.”

³⁰Tangʼu, manga imang dingangu tau Lewi e rimaẹ sal᷊aka, wul᷊aeng dingangu manga apal᷊iwụ ene mědeạu iwawa sol᷊ong Bal᷊em MAWU su Yerusalem.

³¹Su tanggalẹ̌ mapul᷊o dua wul᷊ang humotong i kami e naněntangu Sal᷊ụ u Ahawa ringangu nẹ̌buạ sol᷊ong Yerusalem. Su raral᷊engang ene i kami e tẹ̌těntanurangu Ruatang kami wọu pěngangalo ringangu pělahegạu rokạ.

³²Ene narěntạe su Yerusalem, i kami něngirol᷊o ghěnnangu těllu ěllo.

³³Bọu ene su ěllo kaěpạ e rimal᷊engke i kami sol᷊ong Bal᷊em MAWU, kụ nẹ̌timbang sal᷊aka, wul᷊aeng dingangu manga apal᷊iwụ ene. Bọu ene i kami e něnarakangke su Imang i Meremot anạ i Uria ringangu nisahidiangi Eleazar anạ i Pinehas dingangu tau Lewi ruang katau kụ kai i Yozabad anạ i Yesua rẹ̌duang Noaja anạ i Binui.

³⁴Patikụ sạbarang ene nirekeng dingangu nịtatimbang, mase piạ nịbawohẹ pinakaunsui.

³⁵Su sěhěllo ene lai kěbị taumata apan seng nẹ̌sul᷊e wọu pinamembangenge, němpěnarakangu sasěmba tẹ̌tutungang su Ruatang Israel. I sire nẹ̌gěllịu sapi esẹ 12 su waụ e waugu kakěpal᷊u tau Israel, domba esẹ 96 su waụ e ringangu pěgol᷊u domba 77 su waụ e; sul᷊iung ene lai kambing 12 su waụ e gunang sasěmba ampungu rosan sire hala. Kal᷊awọu binatang ene nịtatongka kere sasěmba waugu MAWU.

³⁶Mase tatěntang kụ nionggọ u ratu e si sire, nipaul᷊ị su manga guběrnurẹ̌ dingangu manga mapapangkatu propinsing Efrat sěmběkaʼm Bahẹ. Tangʼu mapapangkatẹ̌ ene nẹ̌gěllịu laontol᷊ẹ̌ su kawanua tadeạu i sire mạtanạbe mẹ̌kẹ̌kal᷊iomaneng su Wal᷊em MAWU e.