Read Sangir NEHEMIA 1 Bible Online

NEHEMIA 1 - Sangir bible

NEHEMIA 1

¹Seng ini e ul᷊ị i Nehemia anạ i Hakhalya mạanum manga karạdiahange. Su ral᷊ungu bukẹ̌ u Kislew su taung karuam pul᷊one pẹ̌paparentan Artahsasta kere sěngkatau ratu su Persia, iạ i Nehemia e, ene su Susan, niupunangu soang kararatuang.

²Su tempo ene, anạ u sěngkatauku i Hanani, riměnta wọu Yehuda ringangu manga pirang katau. Mase i sire takụ nikiwal᷊oěng hal᷊ẹ̌ u kakakoạ u Yerusalem dingangu tau Yahudi kụ seng nẹ̌sul᷊e kapia wọu pinamembangeng su[1] Babel.

³I sire e mẹ̌bẹ̌běke u taumata nạung bọu niwembang e seng saụ nẹ̌sul᷊e kapia su wanua[2] ene, kụ ini e mẹ̌bẹ̌biahẹ̌ masunsara ringangu lẹ̌hinakanengu manga wansa tau raghị e apang ene su rěduhe mạngělikụ e. Kutẹu l᷊ai manga meselu soang Yerusalem bědang golang nẹ̌sal᷊iawuhẹ̌ dingangu manga tukadu pasěllangeng e wědang tawe nikẹ̌koạ dokeng nitutung su tempo nal᷊iu.

⁴Nakaringihẹ̌ habarẹ̌ ene, iạ e naiang dingangu kimiạ. Apa pira ěllo karěngụ e iạ masusa naungku. Iạ těbe mẹ̌pẹ̌puhědang kapẹ̌kẹ̌kal᷊iomanenge su Mawu Ruata,

⁵”O MAWU Ruata měngangawasa su sorga. I Kau Ruata kụ Masěllahẹ̌ dingangu i kami e tụtatěngo si Kau napenẹ u takụ. I Kau e těbewe satia ringangu měngěngumpaedẹ̌ diandi-Nu su taumata kụ kụkěndagẹ̌ si Kau ringangu tutuhụ tita-Nu.

⁶Tinganeko iạ e MAWU, ringangu raringiheko kakal᷊iomanengku takụ ilẹ̌awị su těngo-Nu ěllo ringangu hěbi waugu umatu Israel, manga ěllangʼU ene. Iạ e měngaku u i kami tau Israel seng nẹ̌dosa; iạ dingangu manga i upungku mal᷊aing nẹ̌dosa.

⁷I kami e seng nẹ̌duruhaka su těngo-Nu ringangu limampa manga tita-Nu. I kami e tawe tumatuhụ manga toratẹ̌ kụ seng nionggọ si kami wọʼi Musa, ěllangʼU ene.

⁸ O MAWU, pẹ̌tahěndungko manga wawera-Nu kụ niwerang Musa e tuhụ laoro-Nu, u kamagengu i kami, tau Israel, tawẹ satiane si Kau, i kami e sarung ipẹ̌tal᷊ei-Nu su tal᷊oarang manga wansa wal᷊ine.

⁹ Arawe kamagengu i kami e mẹ̌sul᷊e kapia su anu-Nu e ringangu rumaringihẹ̌ manga tita-Nu, tangú i kami e seng nẹ̌sal᷊iawuhẹ̌ ene e sarung tampungangʼU e lai, manilaing i kami e ene su manga pondol᷊u dunia. Mase i kami sarung isul᷊e-Nu su tampạ kụ seng nipile-Nu baugu makoạ tampạu pẹ̌kakal᷊iomanengang si Kau.

¹⁰MAWU, i kami ini e manga ěllangʼU, umatʼU e hala kụ seng nipakasal᷊amatẹ̌ dingangu kawasa ringangu katoghasʼU e tạ sihinge.

¹¹Daringihẹ̌ko kakal᷊iomanengku ringangu raroang manga ěllangʼU wal᷊ine e kěbị, kụ mapulu měngadatẹ̌ si Kau. Gěllịko tul᷊umangʼU e tadeạu su ěllo ini e ěllangʼU e wotonge makahombang kakěndagẹ̌ e wọu ratu.” Su tempo ene iạ e kai mẹ̌tangkiang inumang u ratu.