Read Sangir NEHEMIA 12 Bible Online

NEHEMIA 12 - Sangir bible

NEHEMIA 12

¹Seng ini e manga imang dingangu tau Lewi kụ nẹ̌bal᷊ị bọu pinamembangeng dingangi Zerubabel anạ i Sealtiel ore lai ringangu Imang Mawantugẹ̌ i Yesua:

²Manga Imang i: Seraya, Yeremia, Esra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia ringangu Yedaya. I sire e kai manga imang těmbonange su tempong Yesua.

⁸Taumatan Lewi: Pangahạ kakantarị u tatarimakasẹ: Yesua, Binui, Kadmiel, Serebya, Yehuda ringangu Matanya.

⁹Ledeng u mẹ̌kakantarị kụ mẹ̌kantarị u kakantarị bawal᷊isẹ̌ ute: i Bakbukya, i Uni ringangu manga hapị e sěnggal᷊ipoho.

¹⁰Ini e kěhị u hiteng Imang Mawantugẹ̌ i Yesua: i Yesua, Yoyakim, Elyasib, Yoyada,

¹¹Yonatan, Yadua.

¹²Seng ini e rol᷊ẹ̌ u manga imang těmbonange ringangu ghal᷊ipohon sire piạ i Yoyakim něhal᷊ẹ̌ kere sěngkatau Imang Mawantugẹ̌: [Imang i] — [Ghal᷊ipoho] Meraya — Seraya Hananya — Yeremia Mesulam — Esra Yohanan — Amarya Yonatan — Melikhu Yusup — Sebanya Adna — Harim Helkai — Merayot Zakharia — Ido Mesulam — Gineton Zikhri — Abia ….[19] — Minyamin Piltai — Moaja Samua — Bilga Yonatan — Semaya Matnai — Yoyarib Uzi — Yedaya Kalai — Salai Heber — Amok Hasabya — Hilkia Netaneel — Yedaya

²²Dol᷊ẹ̌ mạanum manga těmbonangu walagu tau Lewi ringangu walagu imang kụ seng niwohẹ su tempong manga Imang Mawantugẹ̌ tuhụ e ini i: Elyasib, Yoyada, Yohanan dingangu Yadua. Bohẹ ene masue piạ i Darius nẹ̌parenta, kere ratuʼm Persia.

²³Arawe mạanum manga těmbonangu walagu ghal᷊ipohong Lewi kětạeng mạbawohẹ sarang tempong Yonatan pulung i Elyasib.

²⁴Su al᷊ungu ahạ i Hasabya, i Serebya, i Yesua, i Binui[20] ringang i Kadmiel, tau Lewi e nipahiạ su ral᷊ungu pirang kamonaěng. Masaun sul᷊ene piạ duang kamonaěng kụ piạ hal᷊ẹ̌ e mẹ̌dalo MAWU ringangu makitarimakasẹ si Sie mẹ̌sẹ̌sasimbahẹ̌, tuhụewe kere su atorangu Ratu i Daud, ěllangu Ruata ene.

²⁵Kal᷊awọu apang měndariagạ tukadu pasěllangengu Wal᷊em MAWU kụ nipěndiagạ manga kamaru wiahẹ̌ su rěduhu tukadu pasěllangengu Wal᷊em MAWU kere: i Matanya, i Bakbukya, i Obaja, i Mesulam, i Talmon dingangu i Akub.

²⁶I sire ene nẹ̌biahẹ̌ su tempong i Yoyakim anạ i Yesua ringangu pulung i Yozadak dingangu su tempong Guběrnurẹ̌ i Nehemia dingangu Imang i Esra, masasingkạ u Toratẹ̌ ene.

²⁷Piạ e nạung meselu soang Yerusalem nighuanting, tau Lewi e nikuiang bọu kal᷊awọu tampạ pẹ̌tatanakeng i sire, tadeạu tumol᷊e mapakawantugu hal᷊ẹ̌ ene ringangu manga kakantarị u tatarimakasẹ, dingangu musikẹ̌ kẹ̌kobitang dingangu kěcapi.

²⁸Tangú nẹ̌tampungke apang mẹ̌kakantarị e wọu manga walagi Lewi ene, baewe wọu tampạ katatanakenge su sěnaung Yerusalem mạngělikụ e, arau lai wọu manga soa su sěnaung Netofa,

²⁹wọu Bet-Gilgal, Geba ringangu Asmawet.

³⁰Manga imang dingangu tau Lewi ene mẹ̌kẹ̌koạ hal᷊ẹ̌ u pěmamurěsi waugu watangeng i sire e, wuhụ e waugu kawanua, waugu manga tukadu pasěllangeng dingangu meselu soa.

³¹Iạ e mapakawalang manga těmbonangu Yehuda mawị sarang bowong meselẹ̌ baugu měngatorẹ̌ duang kamonaěng gẹ̌guwạ kụ sarung mẹ̌tente mělikụ soa kapẹ̌kantarịeng daralo tatarimakasẹ su Mawu Ruata. Sěngkamonaěng humotong mẹ̌tente su wowoʼm meselẹ̌, mẹ̌timona sěmběkang koaneng, sarang Pasěllangengu Onasẹ̌.[21]

³²I Hosaya rụdal᷊eng bọu l᷊ikudu mẹ̌kakantarị, tẹ̌tol᷊eěngu sěmbahageang bọu apang měngangahạ tau Yehuda.

³³Manga imang tuhụ e ini rụdal᷊eng su l᷊ikudi sire kạpẹ̌nẹ̌niụ e slompretẹ̌ i: Azarya, Esra, Mesulam, Yehuda, Benyamin, Semaya ringangu i Yeremia. I sire tẹ̌tol᷊eěng i Zakharia anạ i Yonatan dingangu pulung i Semaya. Pirang katau wọu manga i upung gaghurange ute i: Matanya, Mikha, Zakur bọu ghal᷊ipohong Asaf.

³⁶Su l᷊ikude mạhundal᷊eng mangạewe ral᷊ohong ghal᷊ipohone, kụ i: Semaya, Azareel, Milalai, Gilalai, Maai, Netaneel, Yehuda ringangi Hanani. I sire kěbị e nẹ̌bawa manga pakakasu musikẹ̌, mẹ̌sul᷊ungu kere pěnẹ̌nalang u Ratu i Daud, ěllangu Ruata ene. Imang i Esra, masingkạ u Toratu Ruata ene, rụdal᷊eng su těmbọu pẹ̌tatenten sire ene.

³⁷Nahumpạ su Tukadu Pasěllangengu Akẹ Mẹ̌gẹ̌giasẹ̌ e i sire němiku, ringangu naawị su tumbal᷊atungu Soan Daud, limiung istanan Daud, bọu e nẹ̌sul᷊e sarang meselẹ̌ su Tukadu Pasěllangengu Akẹ su sěmběkan daki wọu soa.

³⁸Komol᷊angu mẹ̌kakantarị sěmbaụ e wue ute mẹ̌tẹ̌tente su wowom meselẹ̌ mẹ̌tẹ̌timona sěmběka kaihi, kụ iạ e tumatol᷊ene ringangu sěmbahageang bọu kawanua. I kami e nẹ̌tente limiu Měnarang Dapuhang sarang Meselẹ̌ Mawěnahẹ̌.

³⁹Mase i kami limiu Tukadu Pasěllangeng i Efraim, Tukadu Pasěllangeng Těbe, Tukadu Pasěllangengu Kinạ, Měnara Hananeel dingangu Měnarang Mea sarang Tukadu Pasěllangengu Domba. Barisang i kami naědung su rěduhu Tukadu Pěndariagateng maraniʼm Bal᷊em MAWU.

⁴⁰Tangú nahumpạ e komol᷊angu kantarị darua ene maraniʼm Bal᷊em MAWU. Su l᷊iung manga pangahạ e su ral᷊ungu komol᷊angku,

⁴¹timol᷊e lai manga imang kụ měmpěnẹ̌niụ slompretẹ̌. I sire ute kai i: Elyakim, Maaseya, Minyamin, Mikha, Elyoënai, Zakharia ringangu i Hananya;

⁴²su l᷊ikudʼi sire e kạdal᷊enge i Maaseya, Semaya, Eleazar, Uzi, Yohanan, Malkia, Elam dingangu Ezer. Manga mẹ̌kakantarị e měmpẹ̌kẹ̌kantarị su laahạ i Yizrahya.

⁴³Su ěllo ene mal᷊awọ sasěmba kụ nisěmba su MAWU. Kawanua e němpahul᷊uasẹ̌ ual᷊ingu Ruata e seng napakariadin sire e mal᷊unsemahẹ̌. Manga wawine ringangu lai manga rariọ e mal᷊aing němpẹ̌sal᷊iwang, kụ dingangu tingihʼi sire maral᷊uasẹ̌ ore lai maral᷊iagẹ̌ e kẹ̌karingihẹ̌ sarang maraune.

⁴⁴Su tempo ene pirang katau nioro piněnahimata manga kamaru wiahẹ̌ tampạ pěndaresokangu manga gaghěllị baugu Wal᷊em MAWU, nasowa lai manga sasěmbang sěngkatahạpul᷊one ringangu manga gěsing ěntana kụ kahumotongange apan taung. Apang měnanahimatane ene harusẹ̌ měnampung kal᷊awọu tatongka ene wọu manga rahami sěnaung manga soa. Kal᷊awọu tatongka ene isarakang su manga imang dingangu taumatan Lewi, natuhụ kere su atoru Toratẹ̌. Taumatan Yehuda e měngẹ̌ngarěgang manga imang dingangu tau Lewi ene,

⁴⁵ ual᷊ingu seng i sire e mẹ̌kẹ̌koạ tundu pěnanusi ringangu manga tundu wal᷊ine kụ seng nioroʼm Mawu Ruata. Apang měnanalangu musikẹ̌ dingangu apang měndariagạ pasěllangengu Wal᷊em MAWU mal᷊aing mẹ̌kẹ̌koạ manga hal᷊ẹ̌ i sire, natuhụewe kere su atorangu Ratu i Daud dẹ̌duan Salomo, ahuse.

⁴⁶Den dokeng su tempon Datu i Daud, dingangu masasingkạ u musikẹ̌ i Asaf, apang mẹ̌kakantarị e seng němpẹ̌kantarị u manga lagung daralo tatarimakasẹ baugu Mawu Ruata.

⁴⁷Su tempon Zerubabel dingangu lai su tempong Nehemia, kal᷊awọu kawanuang Israel něngonggọu sasěmba waugu mapakasukụ u gẹ̌gausang měllo-měllo e mangạe mẹ̌kakantarị dingangu měndariagạ u pasěllangengu Wal᷊em MAWU. Kawanua e němpẹ̌gěllịu sasěmba tani waugu tau Lewi, dingangu tau Lewi e mal᷊aing měngonggọ baugu manga imang bageange kụ seng nituntụ e.