Read Sangir NEHEMIA 7 Bible Online

NEHEMIA 7 - Sangir bible

NEHEMIA 7

¹Sarětạeng meselẹ̌ ene e nasueng pětị e, iạ něndolohẹ̌ tadeạu manga pěpal᷊u tukadẹ̌ e pasěkang. Mase apam měndariagạ manga tukadu pasěllangeng, mẹ̌kakantarị dingangu tau Lewi e takụ ioro pẹ̌koạ hal᷊ẹ̌ i sire sěngkatau-sěngkatau e.

²Paparentaěng soang Yerusalem e takụ isarakang su anạ u sěngkatauku i Hanani ringangu si Hananya, mol᷊ensekẹ u těndạ, batụu i sie kai něngalembo wọu wal᷊ine, matakụ u Ruata ringangu wotonge kapangimangeng.

³Takụ ipẹ̌bera si sire, ”Tukadu pasěllangeng u Yerusalem buhu e wotonge topeěng kereu matangěllọ e seng marangẹ, dingangu seng harusẹ̌ bọu hěpinge ringangu wọu pasẹ̌ e papal᷊ene kal᷊imonang manga lukadẹ̌ mal᷊iung hal᷊ẹ̌ bawěllo. Su l᷊iung ene harusẹ̌ těbokang měndal᷊ukadẹ̌ e wọu tal᷊oarang tumanạ u Yerusalem, sěmbahageang baugu manga sěllom pěndal᷊ukadeng dingangu sěmbahageangke wue ute waugu pělahuang apam banua mạngělikụ bal᷊en sire.”

⁴Yerusalem soa kụ mal᷊oahẹ̌ katewe kawe mahal᷊i tumanạ e, ringangu wědang mahal᷊i wal᷊e kụ niwangung.

⁵Ual᷊ingu ene Ruata e napal᷊ohon sipirang si siạ e waugu měnampungu kawanua ringangu apan těmbonange ore lai pangahạ e, tadeạu iạ e makapěndekeng si sire wọu rol᷊ẹ̌ u salakẹ̌boěng i sire. Su lěsabe ene e sen takụ pinẹ̌sombang bohẹ u mạanun taumata kụ humoto-motong, nẹ̌sul᷊e wọu piněmembangeng. Tuhụ e ini e ute kai mạul᷊ị u apan takụ kinaěbakeng bọu wohẹ ene:

⁶Mal᷊awọ bọu tal᷊oaran taumatam piněmembangeng něněntangu propinsing Babel dingangu nẹ̌sul᷊e sarang Yerusalem dingangu Yehuda, sěngkatau-sěngkatau e sarang soane hala e. I sire e seng marěngụ nẹ̌biahẹ̌ su ral᷊ungu piněmembangeng su Babel, den dokeng i sire e nihengkẹ sarang paị ene kere tinaweng u Ratu i Nebukadnesar.

⁷Manga těmbonang i sire e ute kai i Zerubabel, i Yesua, i Nehemia, i Azarya, i Raamya, i Nahamani, i Mordekhai, i Bilsan, i Misperet, i Bigwai, i Nehum dingangu i Baana.

⁸Seng ini e rol᷊ẹ̌ u ghal᷊ipohong balagu Israel, kal᷊awọu taumata wọu apang ghal᷊ipoho kụ nẹ̌sul᷊e wọu pinamembangeng u: Paros — — 2.172 Sefaca — — 372 Arakh — — 652 Pahat-Moab (hěnton Yesua rẹ̌duang Yoab) — — 2.818 Elam — — 1.254 Zatu — — 845 Zakai — — 760 Binui — — 648 Bebai — — 628 Azgad — — 2.322 Adonikam — — 667 Bigwai — — 2.067 Adin — — 655 Ater (mal᷊aing nisěbạ si Hizkia) — — 98 Hasum — — 328 Bezai — — 324 Harif — — 112 Gibeon — — 95

²⁶Taumata kụ i upunge mạtanạ su apan soa tuhụ e ini e mal᷊aing nẹ̌sul᷊e wọu pinamembangeng: Soang Betlehem dingangu Netofa — — 188 Anatot — — 128 Bet-Azmawet — — 42 Kiryat-Yearim, Kefira ringangi Beerot — — 743 Rama ringangu i Gaba — — 621 Mikhmas — — 122 Betel dingangu Ai — — 123 Nebo kụ bal᷊ine e — — 52 Elam kụ bal᷊ine e — — 1.254 Harim — — 320 Yerikho — — 345 Lod, Hadid dingangu Ono — — 721 Senaa — — 3.930

³⁹Seng ini e rol᷊ẹ̌ u ghal᷊ipohong balagu manga imang kụ mapul᷊ẹ bọu piněmembangeng u: Yedaya (hěnton Yesua) — — 973 Imer — — 1.052 Pasyhur — — 1.247 Harim — — 1.017

⁴³Ghal᷊ipohong balagʼi Lewi kụ napul᷊ẹ bọu pinamembangeng ute kai: I Yesua ringangu i Kadmiel (hěntong Hodewa) — — 74 Měnalangu musikẹ̌ su Wal᷊em(hěntong Asaf) — — 148 Měndariagạ pasěllangeng su Wal᷊em(hěnton Salum, Ater, Talmon, Akub, Hatita ringangu i Sobai) — — 138

⁴⁶Seng ini e rol᷊ẹ̌ u ghal᷊ipohong balagu manga mělahal᷊ẹ̌ su Wal᷊em MAWU kụ napul᷊ẹ bọu pinamembangeng: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah ringangu Hatifa.

⁵⁷Ghal᷊ipohon balagu apang mẹ̌tatangkiang si Salomo kụ napul᷊ẹ bọu piněmembangeng: Sotai, Soferet, Perida, Yaala, Darkon, Gidel, Sefaca, Hatil, Pokheret-Hazebaim, Amon.

⁶⁰Kal᷊awọu hiteng manga mělahal᷊ẹ̌ su Wal᷊em MAWU ringangu apam mẹ̌tatangkiang si Salomo kụ nẹ̌bal᷊ị bọu pinamembangenge kal᷊awọe 392 su kataune.

⁶¹Su tal᷊oaran taumata kụ nẹ̌buạ bọu manga soang Tel-Melah, Tel-Harsa, Kerub, Adon dingangu Imer, kai 642 su kataune narekeng lai ghal᷊ipohong Delaya, Tobia, ringangu Nekoda; arawe i sire e tawe makal᷊ahẹu i sire kawe hěnton tau Israel.

⁶³Piạ l᷊ai pirang balaghengu imang kụ tawe nakaěbạ bohẹu mạanung i upung i sire e. Manga ghal᷊ipoho ene ute ghal᷊ipohong Habaya, Hakos, dingangi Barzilai. (Sěngkatau i upungu ghal᷊ipohong imang i Barzilai nẹ̌kawingu wawine hěntong ghal᷊ipohong Barzilai su Gilead dingangu wọu ene i sie nẹ̌pakẹu arengu walagu gaghurangu kawinge.) Ual᷊ingu i sire tawe makal᷊ahẹu kai i sai i upung i sire, tangú i sire tawe nitarimạ nakoạ imang.

⁶⁵ Guběrnurẹ̌ u wanuang Yehuda e mẹ̌sẹ̌sěding i sire kumaěng kaěng kụ isẹ̌sěmba su Mawu Ruata, sarang piạ sěngkatau imang kụ makarorong tatumbal᷊ung ual᷊ingu mẹ̌pakẹ u Urim dingangu Tumim.[13]

⁶⁶Taumata pinaměmbangeng kụ mapul᷊ẹ sarang banuane e kěbị kal᷊awọe 42.360 su kataune. Su l᷊iung ene napul᷊ẹ lai manga lumaontol᷊ẹ̌ si sire, kal᷊awọe 7.337 su kataune ringangu mẹ̌kantarị kal᷊awọe 245 su kataune. I sire e kai nẹ̌bawa manga binatang i sire e: Kawal᷊o — — 736 Bagal᷊ẹ̌ — — 245 Onta — — 435 Kalide — — 6.720

⁷⁰Mal᷊awọ bọu tal᷊oarang kawanua e něngonggọu gaghěllị baugu mapakahaěngu wawaehẹ̌ pěngangul᷊ị Bal᷊em MAWU: wọu guběrnurẹ̌: — — bul᷊aeng 8 kilo — mangkong pěmamantugẹ̌ 50 — kakingkaengu imang 530 su waụ e bọu těmbonangu ghal᷊ipoho: — — bul᷊aeng 168 su kilone — sal᷊aka 1.250 su kilone bọu apan taumata wal᷊ine: — — wul᷊aeng 168 su kilone — sal᷊aka 140 su kilone — kakingkaengu imang 67 su waụ e.

⁷³ Manga imang, tau Lewi, apang měndal᷊ukadu pasěllangengu Wal᷊em MAWU, mẹ̌kakantarị, lawọ l᷊ai wọu kawanua, měmamunara su Wal᷊em MAWU, nimbụ e kal᷊awọu kawanuang Israel, měngindunụ su apan soa ringangu manga weọ e su Yehuda.