Read Sangir AYUB 13 Bible Online

AYUB 13 - Sangir bible

AYUB 13

¹Kěbị ene wọu takụ kinasilo ringangu takụ kinaringihẹ̌ hala, ringangu kahěnga-hěngang takụ kinaěnnaěng.

²Apang singkạ i kamene e iạ mal᷊aing masingkạ; abe pěngěnnau iạ kai nawaụ i kamene.

³Kai iạ e hědo mẹ̌bisarang Mawu Limembong Kawasa; iạ e mẹ̌měnningu tumatawang pěrkaraku e su těngon Duata.

⁴U i kamene e něnakạ kawawodoki kamene e ringangu tahuakal᷊ẹ̌ tạ beong-beonge, mẹ̌sul᷊ungu manga tahahopa mělle.

⁵Manga andene i kamene tawe nẹ̌bisara, aramanung i kamene ikẹ̌koạ kere taumata pelesa.

⁶Tangú pẹ̌daringihẹ̌ko sěngkul᷊ẹ̌ku, tahimataiko tatatawangku.

⁷Botonge i kamene mẹ̌konti su arengu Mawu tangu? Botonge i kamene mẹ̌konti waugu pandungange tangu?

⁸Botonge i kamene manumběka Ruata, ringangu tumatawang kere manga sahidi?

⁹Kereu Mawu Ruata e měmarikẹ̌sa si kau e mapia ngae lěnnạ e? Makakoạ i kamene měngakal᷊ẹ̌ kere měngakal᷊ẹ̌ taumata tangu?

¹⁰Kereu i kamene manumběka, manimbe lai ringangu tawẹ kěndị e, kaiso i kamene mang ihukungu Mawu e marasai.

¹¹Kụ apa kawantugu Ruata e tawe makakahěkosẹ̌ himukudu? Apa huagate ene tawe makakatakụ dal᷊ungu naungu ngae?

¹²Kal᷊awọu sasasanu e mẹ̌sul᷊ungu awul᷊ẹ̌ tạ mangal᷊ene; tatatawangu e mẹ̌sul᷊ungu ěntana masipul᷊ụ mal᷊owọ mạběka.

¹³Ual᷊ingu e pakarěmmase, walạ e iạ mẹ̌bera. Iạ e tawe mědia měnsang kereapa aị e.

¹⁴Iạ[24] e sadia manarakangu niawa!

¹⁵Iạ e seng nẹ̌karaki ual᷊ingu kinahěpusangu ěnna! Mạengu Ruata e měmate si siạ e, iạ e seng měnarakangu watangengku e, kaiso sarung takụ tatawangeng luluku e su těngo-Ne.

¹⁶Aramanung, ual᷊ingu kawahaniku e, iạ e masal᷊amatẹ̌, u taumata ral᷊akisẹ̌ e sarung tawe wahani mẹ̌těngon Duata!

¹⁷Kụ ini e tangú raringiheko pakapia waweraku; ringangu tahimataiko tatualagẹ̌ku.

¹⁸Pěrkaraku e seng sadia takụ nisowa, kụ iạ maiaking bue u tawe ikatoke piạ sal᷊aku!

¹⁹MAWU, mạengu i Kau e ruměnta kụ mangěnsilẹ̌ si siạ, ute iạ e sarung matanạ kụ měngampal᷊ewe ěllom papateku.

²⁰Kaiso raringihe wue rorongku rarua ini e, tadeạu iạ e wahani wue mẹ̌těngong Kau e lai:

²¹pěngědọ e manịgěsạ si siạ, dingangu kuhạ e lai wědang mangěnsạ u huagatu e si siạ!

²²Pẹ̌berạ e, kụ hědong simbahengku. Arau walạekere iạ mẹ̌bera, kụ bọu ene i kau e simbahẹ̌!

²³Pira kal᷊awọe pẹ̌sasal᷊a ringangu rosa kụ takụ kinoạ tangú? Sěbạko kal᷊awọu ral᷊ampaku e!

²⁴Unụ e i Kau e mẹ̌tẹ̌tihọ dingangu mělẹ̌lingkạ bọu anuku e tangú? Unụ e irẹ̌dekengu sědụu e iạ?

²⁵Iạ tumbạeng daukalu mạhondosẹ̌ katanggaěngu anging sumahe, hal᷊ẹ̌be kereapa kụ i Kau e mapakatakụ u iạ e! Iạ e kětạeng kalung ěmme nahěgu ringangu nalolang, unụe měngkai sẹ̌sahusuangu e iạ!

²⁶I Kau seng něnilakehu pal᷊edẹ̌ku ral᷊akisẹ̌ su pẹ̌bawiahẹ̌ku; niwal᷊isangu e pẹ̌sasal᷊aku su tempong kangangudạku.

²⁷ Laedẹ̌ku e nịlaikị u ringangu hante uase; kal᷊awọu kakanoạku e mang su tatitị u. Sarang lai pal᷊edu laedẹ̌ku e, tawe mal᷊iu wọu mata-Nu e.

²⁸Tangú iạ e nahupadẹ̌ kere kalu nahenẹ; mẹ̌sul᷊ungu hekạ nikinạ u uane kụ iạ e naghaghonaị.