Read Sangir AYUB 35 Bible Online

AYUB 35 - Sangir bible

AYUB 35

¹Ayub, i kau e tawe nakahino kereu i kau e mạngěnna u su matan Duata e i kau tawẹ sal᷊ane.

³I kau e nẹ̌sal᷊a kereu makiwal᷊o, kai apạe aị u rosanu e si Sie; kụ kai apạ e untune i katarimạ u kereu i kau e tawe mẹ̌barạdosa.

⁴Kai iạ e sarung mẹ̌gěllịu sasimbange si kau, ringangu l᷊ai su manga hapị u ene.

⁵Dal᷊ingarako sol᷊ong langị ringangu tatingangko kai apạ e karangẹ e manga winawa e.

⁶ Kereu i kau e nẹ̌dosa, Duata e tawe marugi. Kereu sal᷊anu e mal᷊awọ i Sie tawẹ pẹ̌bawal᷊uine.

⁷Ual᷊ingu pẹ̌kakakoạ mapia e, Duata e tawe ontol᷊angu. Těngadẹ̌, i Sie tawe mẹ̌gausẹ̌ manga apa-apa wọu i kau e.

⁸Kětạeweng sěndinganengu e nipakarugi kahiang manga rosanu e. I Sie lai makauntu ual᷊ingu kapianu.

⁹Taumata apang sẹ̌sẹ̌dakenge sarung mẹ̌gěnggihẹ̌; i sire mětẹ̌tahimokoi mědẹ̌dorong tul᷊ung.

¹⁰Kaiso wal᷊inewe su Ruata, Měndariadine kụ měgẹ̌gěllịu pělaharapẹ̌ su tempong i sire susan naung,

¹¹ringangu mạngonggọu katatahuěnna su taumata, limembo wọu manga manụ u winalangeng dingangu binatang su wowon dunia.

¹²Taumata apan sẹ̌sẹ̌dakeng e mẹ̌tẹ̌tahimokoi, kaiso Mawu Ruata e marěmasẹ̌, batụu i sire kai ral᷊akị dingangu napenẹ u obotẹ̌.

¹³Sia-sia wue i sire mẹ̌bansagẹ̌ tuhụ toghasʼi sire; Limembong Kawasa e tawe měmanda ringangu rumarihingẹ̌ si sire.

¹⁴I Ayub, limembọewe lai kereu i kau e mẹ̌bera u i kau e mẹ̌bera u tawe makasilo si Sie, u pěrkaranu e seng ene su těngonʼE kụ i kau e měngẹ̌ngampal᷊ẹ̌ si Sie!

¹⁵Katihọ u Ruata e tawe mẹ̌gaghěllịu hukumang dingangu tawe měnanitị dal᷊awang.

¹⁶Sia-sia wue wisaranu e ipakaturusẹ̌; nal᷊ahẹ u i kau e wěga wue apang iweranu.