Read Sangir AYUB 36 Bible Online

AYUB 36 - Sangir bible

AYUB 36

¹Daringihẹ̌ko l᷊ai kadodọ, dingangu pakasabarẹ̌ko, bědam piạ l᷊ai takụ iwera baugu Mawu Ruata.

³Kasingkạku e mal᷊oahẹ̌; takụbe ipake ene, waugu pělahekangu kai adilẹ̌ e Měndariadiku.

⁴Baweraku e tawẹ apa kụ tạ katěngade; taumata kụ těnga-těngadẹ̌ pelesa e ene su těngonu.

⁵Duata e kai pěrkasa! Kal᷊awọu sabarang e kẹ̌kaěnnaěnge. Tawẹ u sarang sěngkatau pẹ̌pandaěngu kai mal᷊amuhụ.

⁶Taumata warạdosa e ta nipakawala-Ne pinẹ̌biahẹ̌ mararěnna, i Sie mạngonggọu kạadilẹ̌ su taumata kụ masigěsạ.

⁷Taumata matul᷊idẹ̌ e tẹ̌titikangʼE, ikẹ̌koạʼE i sire kawasa kere manga mararatu, hakịu i sire lẹ̌adateng sarang marěngụ.

⁸Kai kereu taumata e lẹ̌ikitang u hante uase, nasigěsạ u kakanoạ e sẹ̌sane,

⁹tangu rosa ringangu kal᷊aobotʼi sire e, sarung ipakal᷊ẹ̌tạ u Ruata.

¹⁰Nirolohe i sire pẹ̌dẹ̌daringihẹ̌ tatumbal᷊unge ringangu apạněntangu karal᷊akisʼi sire.

¹¹Kereu i sire e rumaringihẹ̌ su Mawu Ruata e ringangu mẹ̌kal᷊iomaneng si Sie, ute i sire mẹ̌biahẹ̌ maghighillẹ̌ dingangu mahuweka sarang kahěpusangu pẹ̌bawiahe.

¹²Kaiso kereu i sire tawe rumaringihẹ̌, i sire sarum mate su ral᷊ungu kawawodokʼi sire e.

¹³Taumata tawẹ mawune mẹ̌děndesọu ral᷊angehẹ̌; manilaing hukumangu MAWU, tawe mapulu i sire mẹ̌dorong tatongkane.

¹⁴I sire mate su kal᷊ahintědụ dem bědang mangudạ, batụu pẹ̌bawiahe napenẹ u kal᷊ahina.

¹⁵Duata e mạněntiro taumata wọu sigěsạ, i Sie mẹ̌pẹ̌pakẹ u kasasusa e waugu tatěntiro e.

¹⁶Duata e sen něliwirʼi kau wọu kasasěsẹ, hakịu i kau e makatemang katataghupia e, kụ medang kakanengang u napenẹ u kaěng.

¹⁷Arawe ini e natuhụewe ringangu karal᷊akisu e, i kau e rimaẹ hukumangu.

¹⁸Pakaingatẹ̌, kumbahang i kau e kaakal᷊engu roitu sasorokẹ̌; kumbahang i kau mapal᷊idu kakakalạ.

¹⁹Sia-sia wue i kau gụgahiorọ u makitul᷊ung, tawẹ gunane kal᷊awọu saghede dingangu katoghasu.

²⁰I kau e abe pẹ̌gausẹ̌ hěbi marěndung, tempone manga wansa e maupu ringangu mapuạ.

²¹Pakaingatẹ̌, abe pẹ̌bihu sol᷊ong karal᷊akisẹ̌ e. Pẹ̌tatingkědangu e mangal᷊ene ute tadeạu i kau paněntangu karal᷊akisẹ̌.

²²Tahěndunge, Duata e mambeng masaria kawasa-Ne. Piạ maněntiro kere i Sie kapiane tangu?

²³Kai i sai makatantu ral᷊eng baugʼi Sie, arau wahani mangěnsilu i Sie nẹ̌koạ pẹ̌sasal᷊a e tangu?

²⁴I Sie sěntiniạ rẹ̌daloěng ual᷊ingu munara-Ne, ringangu i kau e hinong mangarěgan Sie.

²⁵Patikụ taumata e makạsilo kakanoạʼE; kaiso tawẹ u l᷊ai sarang sěngkatau kahěnga-hěngang makaěnna.[48]

²⁶Duata e apạ e mawantugẹ̌, tawe ikasẹ̌suiang kitẹ, arau l᷊ai mẹ̌tiạu kal᷊awọu taungʼE.

²⁷Duata e kụ kai němol᷊eng akẹ bọu dunia e nakoạ binawa mase niapakakoạ e kere hondosu akẹ u tahiti.

²⁸I Sie napakatědọ u tahiti e wọu winangaenge; nisěbohe su wowom pusigu umatẹ̌.

²⁹Tawẹu sarang sěngkatau kụ deng makaěnna kakanoạ u manga winawa kere tingihu rěllụ su l᷊angị, tampạ u Ruata e mạtanạ.

³⁰I Sie něnualagẹ̌ sarul᷊uang e ringangu kilạ, arawe su wal᷊ahuangu sasị e kạtatanạ marěndung maěllị.

³¹Kerene kakakoạ i Sie mapẹ̌biahu[49] manga wansa e ringangu mẹ̌gẹ̌gěllịu kaěng ipẹ̌dẹ̌dal᷊embo.

³²I Sie měnẹ̌namẹ kilạ dingangu l᷊ima-Ne, ringangu mạngoro apẹ̌nẹ̌nahedẹ̌ kinaěnge.

³³Tingihu rěllụ e měnẹ̌nialang děllang e sarung maihạ, kụ manga binatang e mal᷊aing masingkạ u rěllang e sarung masěpụ tạ kararěnane.