Read Sangir AYUB 4 Bible Online

AYUB 4 - Sangir bible

AYUB 4

¹Mase nẹ̌bisarạ e i Elifas, angkuěnge: ”Ayub, mẹ̌sasěsilẹ̌ i kau kereu iạ e mẹ̌bisara? Tawe makaumal᷊ẹ̌ iạ e mẹ̌těngkarěmasẹ̌ mararěnna.

³Lawọ taumata e seng nighěllirangu těntiro, mase i sire apang lome seng niapakatoghasu.

⁴Manga waweranu e makạbahansang, mạmětị taumata apang mạsangkong, mal᷊ěmisẹ̌ dingangu mạl᷊owe.

⁵Arawe ini e i kau sẹ̌sanu e nihombangengu susa naung; i kau e himěkosẹ̌, dingangu kinahěpusangu tahuěnnanu.

⁶Kai wal᷊inewe satia su Mawu Ruata; kai wal᷊inewe tawẹ turạ e pẹ̌bawiahu tangu? Mạeng kerene, hinone wue i kau e maiaking dingangu tawe kahẹ̌pusangu tiněnnanu e.

⁷Sipireko, piạ taumata tawẹ sal᷊ane kụ kaambungangu silakạ dingangu sigěllạ?

⁸Iạ e masingkạ ual᷊ingu pananitị, u taumata kụ měngal᷊i rahaming karal᷊akisẹ̌ e, ringangu mẹ̌suangu wineng hombang tabidạu wakị u sasuang, sarung maměnsạ silakạ dingangu kasasusa!

⁹Tabidạu rěllang, kerene ral᷊angehu Ruata napakawinasan sire hakịu naupu!

¹⁰Tau ral᷊akisẹ̌ e lụhuang dingangu kụkakuhau, tabidạu singan sire lụěmbe. Arawe Mawu Ruata e napẹ̌kěmming sire ringangu němamědi manga isine.

¹¹I sire nate kere singa kinakawusangu kaěnge, hakịu manga anạ e nẹ̌kal᷊iaesẹ̌ tamai ramahi.

¹²Bọu nạung piạ sěmbaụ karal᷊ahẹ nahumpạu anuku, tabidạu sasiang masikome su ral᷊ungu tul᷊iku.

¹³ Tikịku nasahaghe ringangu kinasekehe mẹ̌sul᷊ungu niping ipi ral᷊aị hěbi nẹ̌kětung.

¹⁴Iạ e mal᷊aing himẹ̌kosẹ̌ dingangu simal᷊ungkenden takụ kaguwạu wadangku e rụdondong u kakende.

¹⁵Bal᷊ěnguhu ěntana e timangga ghatiku, tangú rimarisị e rukụ u awạku.

¹⁶Paghudu taumata sěngkatau rimarisị; takụ nipandaěng mataedẹ̌, kai iạ e wěgawen sie. Mase iạ nakaringihẹ̌ tingihẹ̌ nakaghahaseng dunia marěmasẹ̌,

¹⁷’Botonge mariadi taumata kụ tawẹ sal᷊ane su těngon Duata?[7] Botonge mariadi kụ i sie tawẹ turạ e su matang[8] MěndariadinʼE?

¹⁸Saral᷊aing manga ěllangu Mawu su sorga, tawe ikapangimangengʼE. Sarang kate manga malạekatʼE kẹ̌kaěbakengʼE pẹ̌sasal᷊a ringangu samedẹ̌.

¹⁹Něngalembọete riadikang bọu ěntana masipul᷊ụ, diadikang bọu awul᷊u ěntana kụ botonge ikatělidẹ̌ kere wilạ!

²⁰Diadikang ene wiahẹ̌ mal᷊ukadẹ̌ mase mate kawẹ̌gaeng bawělo, kụ baugu sarang marěngụ i sie tawe lai katahěndungang.

²¹Tangú mailangke lai kal᷊awọu apang tẹ̌taghuaneng; i sie mal᷊aing mate tawẹ apa sipirange mapia kahombangeng.’