Read Sangir AYUB 5 Bible Online

AYUB 5 - Sangir bible

AYUB 5

¹Tangú nẹ̌kiạ e, ei Ayub, piạ ngae sasimbangu? Malạekatẹ̌ sude tangú pědẹ̌dorongangu gaghěllị?

²Tumbạeng taumata wodo samatang mẹ̌tate ual᷊ingu susa naunge.

³Iạ bọu nakasilo taumata wodo; pẹ̌bawiahe kakěllaeng botonge. Kaiso sěngkělěndịu katatanakenge takụ nianeěng.

⁴Tangu manga anạ e tawẹ běke nakahombang pẹ̌kakěllungang; tawẹ apa kụ mapulu tumatawang si sire su pěngadilang.

⁵Apang kụ nipěnsạ i sire su rahamine, nasueng kaěnge su taumata apan tiange tạ lohone. Sarang l᷊ai gandung su tal᷊oarang kěhu mal᷊oang[9] nasueng dotonge su taumata apan něngkahutung. Tataghuaneng dingangu kakakalạ i sire tẹtaghal᷊eng u taumata apang mapulu marotong.

⁶Bal᷊inewe wọu wanuang karal᷊akisẹ̌ e siměpụ; bal᷊inewe wọu ěntanang kasasusa e liměto.

⁷Bal᷊ine! U kai ual᷊ingu taumata e hala, kụ nakakarěntang silakạ su watangenge, tabidạu pěmaměsịu bungang putung siměpụ bọu putunge sẹ̌sane.[10]

⁸Kereu iạ e su ral᷊ungu kakakoạ u e, su Mawu Ruata e iạ e hědong mẹ̌kui. Kětạeng si Sie, iạ e měhumpạu kạbaratang, dingangu měnarakangu pěrkaraku.

⁹Kal᷊awọu karadiahangu Mawu Ruata e tawẹ sihinge; tawe makaumal᷊ẹ̌ i kitẹ e makaěnna. Kal᷊awọu munaran makạl᷊aherang e kinoạ e, tawe karekenang dingangu tawẹ kasueěnge.

¹⁰I sie maparasehu tahiti su wowon dunia, hakịu rahami e ringangu wimbaenge mạholo sẹ̌sẹ̌bohang.

¹¹Seng i Sie e Ruata kụ mapakadangẹ u taumata masanạ, dingangu mapakal᷊uasu taumata masasusa e.

¹² Nigholange karakin taumata maakal᷊ẹ̌, nihěbạgenge ringangu nisamẹ e taumata apam pande, hakịu kal᷊awọu munaran sire e tawẹ kasasěhụ e, dingangu i sire kẹ̌kakontiangu tahuakal᷊i sire hala.

¹⁴Su tempong ěllo i sire kẹ̌karěndungang, měsẹ̌sasaghipo kere su tempong hěbi.

¹⁵Arawe Ruata e mapakasal᷊amatẹ̌: tau kasiange[11] wọu papate taumata masanạ naunge wọu pěnanahida e.

¹⁶Ini e ute seng piạewe pěngumbalaěng baugu taumata apang tawe mananaghuang apa. Dingangu tau ral᷊akisẹ̌ e marěmasẹ̌ tawe mẹ̌bawera manga sěngkamohong, batụu Mawu Ruata e seng napẹ̌kěmmingu mohonge.

¹⁷ Wědang mapia pal᷊edu kereu Mawu Ruata e reng maněntiro si kau! Abe kainụ u kereu i Sie měnamedẹ̌ si kau.

¹⁸ U Ruata e kai mělesẹ, i Sie lai měngangundange. Dingangu l᷊imane i Sie měmal᷊edẹ̌ e, mal᷊aing i Sie mapakaul᷊e kapia.

¹⁹Kereu silakạ e humombang, sěntiniạ i kau e lẹ̌ambangeng.

²⁰Kereu tempong měhangu e seng dimasagẹ̌ e, i kau e tawe mateng kal᷊unusang. Kereu sekẹ e mẹ̌dahenesang u tědụ e, i kau e mang maěllung bọu papate.

²¹I kau e lẹ̌lukadeng bọu tatongkeang dingangu pananoke; i kau e tatěngo hombang tạ takụ e.

²²Kereu pẹ̌tatingkaị dingangu karal᷊unusẹ̌ e seng dimal᷊eng, ute i kau e sarung mararagẹ̌ dingangu katewe mundangu luměge. I kau e tawe matakụ dingangu ghumiantang, tumatěngo binatang dul᷊u ringangu marangěngisẹ̌ e.

²³Rahami nạung nikal᷊inu e sarung tawẹ batune; binatang maghaghaěng e tawe tuměmbo si kau.

²⁴I kau e sarung maěllung matanạ su pẹ̌darasengangu; dingangu kamagengu i kau mamarikẹ̌sa manga dombanu e, kěbị e mapia wue, tawẹ gainge sarang sěmbaụ.

²⁵Anạ pulungu e tawe karekenang, kakěpal᷊i sire e kere rěmpugẹ̌ su wimbaenge.

²⁶Kere gandung nasasạ, nipěnsạ su tempone, i kau e mal᷊aing ipẹ̌biahẹ̌ mahuweka saran tempong kaghaghurange.

²⁷Ayub, kěbị ene e seng bọu nisẹ̌suiang. Bawera ene e těngadẹ̌, kụ tarimạ e wue.”