Read Sangir AYUB 7 Bible Online

AYUB 7 - Sangir bible

AYUB 7

¹Taumata e mẹ̌sul᷊ungu sẹ̌sihasaěng mẹ̌karadiahang; pẹ̌bawiahe mawěhạ kere pẹ̌bawiahu taumata mantorosẹ̌;

²mẹ̌sul᷊ungu ěllang kụ měnẹ̌naung kal᷊aěllung; mẹ̌sul᷊ungu mělẹ̌hal᷊ẹ̌ měngẹ̌ngampal᷊ẹ̌ mal᷊ensehang.

³Bul᷊ang mědẹ̌dal᷊iu wul᷊ange pẹ̌bawiahẹ̌ku e tawẹ kahumpakenge; hěbi mẹ̌dẹ̌dal᷊iu hěbi e naungku e nasěgadu susa naung.

⁴Kereu iạ mẹ̌tikị, hěbi e mạbawatedẹ̌ manandụ-nandụ; takụ ipẹ̌kẹ̌kahumang tualagu wěmbanaho e, u tawe kal᷊ahuntikilang su raral᷊okaěng.

⁵Badangku e napenẹ u lěheng dingangu wukal᷊u raha; pisiku e nal᷊esẹ dingangu sẹ̌sẹ̌bangengu nana.

⁶Pẹ̌bawiahẹ̌ku tạ u pěngumbalaěng ene e tumiol᷊ẹ̌ sarang pondol᷊e; limembong kasahawụ e wọu měngangahiwuang e maparal᷊engu sikutine.

⁷Tahěndungeko, o Ruata, pẹ̌bawiahẹ̌ku e samatang sasopạ u sasindạ; karal᷊unsemahẹ̌ku e nailang, tawe naněntang ěnnạ e.

⁸Ini e i Kau e nakasilo si siạ — kaiso ini e tawẹ karěngụ e. Kereu iạ e sarung deakengu, tangú sen tawẹ dise.

⁹Mẹ̌sul᷊ungu winawa e kimědusẹ̌ bọu e mapuạ tạdise, kerene taumata e mate, sarung tawe mẹ̌sul᷊e. Kal᷊awọu taumata kụ nạung bọu makakiral᷊a si sie, miwul᷊en sie ringangu tawe makatahěndung.

¹¹Ual᷊ingu ene iạ e tawe matana marěmasẹ̌! Susa naungku ringangu katatakehẹ̌ku e tawe takụ irěmasẹ̌ kerene. Iạ harusẹ̌ měmuka mohongku, ringangu měměmbingu lohon dal᷊ungu naungku.

¹²Kawe unụ e iạ ini e měngkate hanesẹ̌ tẹ̌titikangu ringangu mang su rariagạ u tangú? Unụ e iạ kai nagạ u laudẹ̌[15] makasilakạ tangú?

¹³Iạ e rụdal᷊oka ringangu mẹ̌tẹ̌tawakal᷊i mẹ̌ngirul᷊eng badangku; iạ e mědẹ̌deạu měhaěng naungku masusa e.

¹⁴Kutẹu i Kau e kawe měmẹ̌matakụ si siạ dingangu ipi; mase ipakạděntanu ipi ral᷊akisẹ̌ dingangu wẹ̌bal᷊iawang.

¹⁵Hakịu iạ e ěndokangbe kělọ kụ bọu ene nate, sul᷊ungu ipẹ̌biahẹ̌ kụ badangku e napenẹ u kasasigěsạ ini e.

¹⁶Iạ e narul᷊ěpe ringangu seng nasahe nẹ̌biahẹ̌; kụ mapulụ e mate! Balạete iạ e, u pẹ̌bawiahẹ̌ku e tawẹ mangal᷊ene.

¹⁷ Unụ e taumata e kawe kereng kaarěgane si Kau e? Unụ e kakanoạ e měngkawe su tatitị u sěntiniạ tangu?

¹⁸I Kau e měngkai měnẹ̌něsui si sie apang kamal᷊ukadẹ̌ e, dingangu balạewe su tempo sude i sie mang bẹ̌banikatengu.

¹⁹Angerẹ i Kau e tumal᷊ikudu iạ e, tadeạu iạ e reng makapěngěllụ ěduku tangu?

²⁰Ei Lukadẹ̌ku, marugi i Kau tangu ual᷊ingu rosaku? Unụ e i Kau e nẹ̌pakẹ u iạ tabidạu pẹ̌timonaěngu horong papitị u tangu? Kai apạ e kawěhạ e tangú iạ e něgěllịu wawaěngu?

²¹Kai tawe makaampung dosaku tangú i Kau e? Kai tawe mariadi tangú i Kau e měndědasẹ̌ sal᷊aku? Tạ kararěnnane lai iạ e maral᷊oka su ral᷊ungu l᷊ebing, kụ mạengu i Kau e mẹ̌deạ si siạ e tawe makaěbạ.”