Read Sangir MAZMURẸ̌ 111 Bible Online

MAZMURẸ̌ 111 - Sangir bible

MAZMURẸ̌ 111

¹Pẹ̌daloko MAWU! Dingangu kạguwạu naung iạ e makitarimakasẹ̌ su MAWU su tal᷊oarang komol᷊angu umatʼE.

²Apạ e masěllahẹ̌ pẹ̌kakaradiahangu MAWU e, kụ hinone wue sẹ̌suiangu apang lẹ̌lahimpuluangu ene e.

³Munarang MAWU e masěllahẹ̌ dingangu mawantugẹ̌, kạadilʼE kakalẹ̌ tawẹ kahẹ̌pusange.

⁴MAWU e makěndagẹ̌ dingangu matal᷊ěntụ, i Sie mẹ̌kẹ̌koạ apang munara makạdal᷊inaụ, tadeạu i kitẹ e tatapẹ̌be mẹ̌tẹ̌tahěndung ene.

⁵I Sie mẹ̌gẹ̌gěllịu laidopẹ̌ su taumata apang mal᷊aimang, dingangu hanesẹ̌ matahěndung su kal᷊awọu riandi-Ne.

⁶I Sie seng nělahẹ u kawasa-Ne su umatʼE, kụ nẹ̌gěllị ěntana pusakạ u manga wansa.

⁷MAWU e adilẹ̌ dingangu satia su ral᷊ungu kal᷊awọu tindakangʼE, kal᷊awọu tita-Ne, kapangumbalaěng.

⁸Tita-Ne mẹ̌daragẹ̌ su kanandun tempo, nionggọ su ral᷊ungu katul᷊idẹ̌ dingangu kạadilẹ̌.

⁹I Sie napakal᷊iwiru umatʼE, ringangu nẹ̌taingu pẹ̌dariandi kakalẹ̌ dingangi sire. Seng i Sie e MAWU susi ringangu makawasa!

¹⁰ I sai-saing lụěnningu kapelesa harusẹ̌ měngadatẹ̌ MAWU,[64] i Sie něngonggọu katatahuěnna su kal᷊awọu taumata apang matuhụ. Karaloko MAWU e sarang kakalẹ̌!