Read Sangir MAZMURẸ̌ 135 Bible Online

MAZMURẸ̌ 135 - Sangir bible

MAZMURẸ̌ 135

¹Pẹ̌daloko MAWU. Pẹ̌daloko arengu MAWU, e i kamene manga ěllangʼE

²kụ mẹ̌kẹ̌kal᷊iomaneng su Wal᷊eʼm MAWU su katatanakengu Ruatang kitẹ.

³Pẹ̌daloko MAWU, watụ u i Sie kai mapia, pẹ̌daloko arengʼE u i Sie kai mal᷊ondo.[70]

⁴I Sie němile si Yakub baugu watangengʼE umatu Israel nikoạ tataghuanengʼE.

⁵Batụu iạ masingkạ u MAWU e mambeng masěllahẹ̌, i Sie mawantugẹ̌ limembo wọu patikụ duata wal᷊ine.

⁶I Sie mẹ̌kẹ̌koạ apang kapulu-Ne, su langị dingangu su dunia, su l᷊audẹ̌ dingangu su taghal᷊oang maral᷊ung.

⁷Bọu pondol᷊u dunia i Sie maparěntaʼm binawa, nikoạʼE kilạ baugu tahiti. Mase i Sie něngoro anging niapasěbang bọu punge-Ne.

⁸Su Misirẹ̌ i Sie němate patikụ anạ kaiakanenge wọu taumata arau lai binatang.

⁹Paị sene nikoạʼE karal᷊inaụ mal᷊awọ dingangu tanda waugu i pěhukung datu ringangu manga sawohị e.

¹⁰I Sie napakawinasang bansa l᷊awọ, dingangu němate apan datu mal᷊ahasa:

¹¹I Sihon datung Amori ringangu i Og datuʼm Basan, ore lai kěbị datu su Kanaan.

¹²Bọu e soan sire nisarakangʼE nakoạ tataghuanengu Israel, umatʼE.

¹³O MAWU, i Kau e sarun tatapẹ̌ i lẹ̌habarẹ̌, dingangu arengʼU e tẹ̌tahěndungangu patikụ pal᷊ahěnto,

¹⁴batụu i Kau e něngonggọu kạadilẹ̌ su umatʼU, ringangu kakěndagu manga ěllangʼU.

¹⁵ Tul᷊adan sire e kai wọu wul᷊aeng dingangu sal᷊aka, koạu l᷊iman taumata.

¹⁶I sire e piạ mohonge kaiso tawe makawera, piạ matane, kaiso tawe makasilo.

¹⁷I sire piạ tul᷊ine, kaiso tawe makaringihẹ̌, bọu mohonge tawe sasěbangengu singongo.

¹⁸Karimạko kerene e pẹ̌bawiahu apan taumata mẹ̌kakoạ e, ringangu apang měmpạngimang si sie.

¹⁹Pẹ̌daloko MAWU, ei umatʼU Israel, pẹ̌daloko si Sie, ei manga imangu Ruata!

²⁰Pẹ̌daloko MAWU, ei kal᷊awọu tau Lewi, pẹ̌daloko si Sie, i kamene kěbị apang mal᷊aiaking.

²¹Pẹ̌daloko MAWU su Sion, su Yerusalem tampạ katanakengʼE. Pẹ̌daloko MAWU!