Read Sangir MAZMURẸ̌ 14 Bible Online

MAZMURẸ̌ 14 - Sangir bible

MAZMURẸ̌ 14

¹Baugu měngangahạ kantarị. Mazmuri Daud. Taumata longong e mẹ̌bera su naunge, ”Tawe apa Mawu Ruata.” Kakanoạ i sire ral᷊akisẹ̌ dingangu matingkaị kụ tawe apa reng mẹ̌kẹ̌koạ mapia.

²Bọu sorga e MAWU tụtingang taumata baugu mẹ̌deạ taumata pelesa kụ měněmba si Sie.

³ Arawe patikụ taumata seng němpělenga ringangu lulune ral᷊akisẹ̌, tawẹu sarang sěngkatau reng mẹ̌koạ mapia.

⁴Angkuěngu MAWU, ”Kai tanakaěnna kal᷊awọu taumata ral᷊akisẹ̌ ene? I sire mẹ̌bẹ̌biahẹ̌ kawe měmpạmul᷊aho su manga umatẹ̌-Ku ringangu tawe mẹ̌kakal᷊iomaneng si Siạ.”

⁵Taumata ral᷊akisẹ̌ e sarung matakụ-takụ, batụu Ruata e mạněntanudẹ̌ taumata kụ matuhụ si Sie.

⁶Taumata ral᷊akisẹ̌ e mapulu měnahaghe taumata kasiang, arawe MAWU e makoạ měnanirung si sie.

⁷Karimạko wọu Sion duměnta kasasal᷊amatẹ̌ baugu Israel! Tangu pal᷊ahiten Yakub sarung mahul᷊uasẹ̌ kamagengu MAWU e mapakaul᷊eng kakakoạu umatʼE.