Read Sangir MAZMURẸ̌ 142 Bible Online

MAZMURẸ̌ 142 - Sangir bible

MAZMURẸ̌ 142

¹ Kakantarị těntiron Daud, piạ i sie su ral᷊ungu liang.

²Dingangu tingihu maihạ, iạ kụkahiorọ si Kau MAWU; dingangu tingihu maihạ takụ dẹ̌dorongang tul᷊umangʼE.

³Su těngo-Ne iạ kụkahiorọ; mạngukahu kal᷊awọu susaku e si Sie.

⁴Piạ e iạ maraning mapěnsu, i Kau e masingkạ u apa hinon takụ koateng. Su ral᷊eng kụ hinon takụ liuang, sědụ e marěma-rěmasẹ̌ mẹ̌tẹ̌taingu wal᷊atị e si siạ.

⁵Piạ nẹ̌bihu sol᷊ong sěndihang, sěngkakakělla e tawẹ ontol᷊ẹ̌ baugu iạ e. Tawẹ u měnanirung si siạ e, arau mẹ̌pandung batangengku.

⁶Iạ e kụkatạ si Kau MAWU, u seng i Kau e tampạ pẹ̌kakěllungangku, i Kau sẹ̌sanu ghẹ̌gausang su ral᷊ungu pẹ̌bawiahẹ̌ku.

⁷Sěmpikeko kakindoạku, u iạ e mamben masunsara kahěngang. Ambangeko iạ e wọu kal᷊awọu sědụku e, watụ u i sire tumanịu matoghasẹ̌ mẹ̌těngong iạ.

⁸Ahạko iạ apasěbang bọu tahungkụ e,[73] tangú su tal᷊oarang komol᷊angu umatʼU e iạ sarungbe mẹ̌dalo arengʼU, u i Kau e seng nẹ̌koạ mapia si siạ.