Read Sangir MAZMURẸ̌ 143 Bible Online

MAZMURẸ̌ 143 - Sangir bible

MAZMURẸ̌ 143

¹Mazmuri Daud. O MAWU, pẹ̌daringihẹ̌ko kakal᷊iomanengku, naunge wue kakahiorọku. Simbahe wue iạ tuhụ satianʼU, daeke wue kakindoạku tuhụ kal᷊aadilʼU.

² Iạ ini ěllangʼU kụ abe pẹ̌gutai, u tawẹ apa taumata kụ tawẹ sal᷊ane su těngo-Nu.

³Sekẹku seng něnahusu ringangu němatạ si siạ, dingangu němunsal᷊u iạ su ral᷊ungu tahungkụ marěndung; iạ e nakoạ kere taumata kụ seng marěngụ nate.

⁴Rokẹ̌ku e kai seng něnsu, kụ naungku e měngkai apa niwingọ e.

⁵Kẹ̌katahěndungangku apang ěllo nal᷊iu; takụ tẹ̌tiněnnaěng kal᷊awọu kakanoạʼU, takụ sẹ̌sipirang kěbị munara-Nu.

⁶Iạ mẹ̌kẹ̌kal᷊iomaneng si Kau ringangu takiahẹ̌ku mạtatěde; kere ěntana mamara, himukudẹ̌ku e mẹ̌kẹ̌kamaẹ si Kau.

⁷Pakarol᷊ạko sumimbahẹ̌ si siạ e MAWU, u iạ e seng mẹ̌sěnsu. Abe pěmuning gati-Nu e si siạ, tadeạu iạ e abe kere taumata kụ seng dimělusẹ̌ sol᷊ong binangunang.

⁸Kamal᷊ukarenge iạ apararingihẹ̌kong kakěndagʼU e, u iạ e mạngumbala si Kau. Těbọko si siạ dal᷊eng kụ hinon takụ dal᷊engang, u iạ e mělẹ̌hengkẹ u kakal᷊iomanengku e si Kau.

⁹Ia e riměnta mẹ̌kěllung su anu-Nu, o MAWU, ambange wue iạ bọu manga sědụku.

¹⁰Těntiroi wue iạ mẹ̌koạ kapulu-Nu, u kai i Kau e Ruataku. I Kau e mapia naungu, kụ sarung měngahạ u iạ sarang dal᷊eng matene.

¹¹Ambange wue iạ tuhụ diandi-Nu MAWU, kụ baugu kapia-Nu e, liu wue iạ bọu kasasěsẹ.

¹²Pakasueko punasẹ̌ kal᷊awọu sědụku e, tuhụ kakěndagʼU, apakahědạko kěbị apang měmpạnẹ̌dạ si siạ, u iạ e kai ěllangʼU.