Read Sangir MAZMURẸ̌ 27 Bible Online

MAZMURẸ̌ 27 - Sangir bible

MAZMURẸ̌ 27

¹Mazmuri Daud. MAWU e kai tualagẹ̌ku ringangu kasasal᷊amatẹ̌ku, tawẹu ikẹ̌katakụku. MAWU e kai těndạ pẹ̌kakěllungangku, iạ e tawe ghumiantang.

²Kereu iạ e aloěngu taumata ral᷊akisẹ̌ kụ mapulu měmate si siạ, kụ seng i sire ene e masangkong dingangu manawo.

³Manimbe iạ pẹ̌tatal᷊iwungangu wuntuang masěllahẹ̌, iạ e tawe matakụ. Manilaim paraěng mạběse rumokạ siạ e, iạ e tẹ̌be mělẹ̌harapẹ̌.[19]

⁴Kětạeng sěmbaụ takụ dẹ̌dorongang su MAWU, tumbạeng ini takụ ilẹ̌enning: matanạ su Wal᷊em MAWU kanandum biahẹ̌ku, waugu makateěng kapiam MAWU ringangu mẹ̌gausẹ̌ laahạʼE.

⁵MAWU e mạnirung siạ su tempong kasasěsẹ; i Sie měmẹ̌muning iạ su ral᷊ungu Wal᷊e-Ne, ringangu měhengkẹ siạ sarang bowom bukidẹ̌ batu.

⁶Ini e iạ nakawatạ dokạ mạngělikụ siạ; kụ dingangu ral᷊uasẹ̌ mẹ̌tahimokoi mẹ̌bawa sasěmban tatarimakasẹ su Wal᷊e-Nu, iạ mapulu mẹ̌kantarị dingangu mẹ̌dalo MAWU.

⁷O MAWU, pẹ̌daringihẹ̌ko mạengu iạ e kumakindoạ si Kau, tal᷊ěntụkon iạ dingangu simbange wue iạ!

⁸I Kau e něbera,[20] ”Děntạ e pěněmba si Siạ.” Sasimbang-Ku, ”Iạ lighạ duměnta, MAWU;

⁹ariẹbe mẹ̌kěmbuni wọu anuku.” Abe pẹ̌pědu ringangu ta měnarimạu ěllangʼU, u kai i Kau e seng nẹ̌tul᷊ung iạ. Kumbahangbe měndemmẹ arau měněntangu iạ, o Ruataku, měnanal᷊amatẹ̌ku.

¹⁰Manilaing i amang dingangu i ninang e maněntangu iạ, Duata e sarung měhiking si siạ.

¹¹Todẹko si siạ e kapulu-Nu e MAWU, ahạko iạ su ral᷊eng matul᷊idẹ̌, u rokạku e mal᷊awọ-l᷊awọ.

¹²Abe pěnarakangu iạ e su abul᷊in dokạku, kụ měngalo siạ dingangu konti ore papatakụ.

¹³Iạ mạngiakingu sarung makateěng kapiang MAWU su ral᷊ungu pẹ̌bawiahẹ̌ku su dunia ini.

¹⁴Pěharapẹ̌ko su MAWU, pakakuatẹ̌ko ringangu pakatoghasẹ̌ko naungu e; ore, pěharapẹ̌ko su MAWU!