Read Sangir MAZMURẸ̌ 4 Bible Online

MAZMURẸ̌ 4 - Sangir bible

MAZMURẸ̌ 4

¹Baugu měngangahạ kantarị. Dingangu nalange kěcapi. Mazmuri Daud.

²O Ruata, i Kau e tumatatawangku; simbahe wue mạengu iạ e mẹ̌kẹ̌kui. Su tempong iạ masusa, i Kau e nẹ̌tul᷊ungu iạ; kụ ini e kěndagẹ̌beng iạ dingangu daringihe wue kakal᷊iomanengku.

³Ei, kal᷊awọu taumata, kạděngụe lai wědang i kamene měheghesẹ̌ Duataku e? Sarang tempo sude i kamene lụěnningu apan sia-sia ringangu měnẹ̌nahusu apan tạ katěngade?

⁴Kasingkạ e MAWU e seng němile waugu watangengʼE sěngkatau kụ ikẹ̌kěndagʼE. MAWU e rụdaringihẹ̌ kamagengu iạ e mẹ̌kẹ̌kui si Sie.

⁵ Pěmpẹ̌kendẹen takụ dingangu kumbahang delaing měmpẹ̌dosa. Pẹ̌sipirẹ̌ko apidu pěmpẹ̌kěndungu watangeng, su tempong kạdal᷊okane su ral᷊okaěng.

⁶Pěngonggọkong sasěmba kahěngang dingangu pangimangko su MAWU.

⁷Mal᷊awọ taumata makiwal᷊o, ”I sai sarung měngal᷊amatẹ̌ si kitẹ tangu?” Karimạko MAWU e reng mal᷊uasẹ̌ manarimạ i kami.

⁸I Kau e napakariadin naungku e limembong kal᷊uase apan taumata pěnsạ e něngělembo.

⁹Tangu iạ dimal᷊oka ringangu nẹ̌tikị mapia, u tumbạeng i Kau, MAWU makariadi wiahẹ̌ku e mal᷊enehẹ̌.