Read Sangir MAZMURẸ̌ 41 Bible Online

MAZMURẸ̌ 41 - Sangir bible

MAZMURẸ̌ 41

¹Baugu měngangahạ kantarị. Mazmuri Daud.

²Kariangkamang taumata kụ měnẹ̌naung taumata lome; MAWU e sarung mẹ̌tul᷊ung i sie su tempong kasasěsẹ.

³MAWU e sarung měnirung dingangu mẹ̌padul᷊i si sie, i Sie sarung mapakal᷊unsemahi sie su dunia, ringangu tawe manarakang i sie su l᷊iman dokạ e.

⁴MAWU e sarung mẹ̌tul᷊ung i sie su tempong masakị, dingangu mapakaul᷊e kapia wọu sakị e.

⁵Angkuěngku, ”Iạ e seng nẹ̌dosa su těngo-Nu MAWU, tal᷊ěntụkon iạ dingangu apakaul᷊eko iạ.”

⁶Dumarokạku e mẹ̌bẹ̌bisarang karal᷊akịku e, kapulun sire tangú iạ e apakapate ringangu i pakawẹ̌ga.

⁷Apan taumata kụ dụdal᷊inge si siạ e, tahakontiang. I sire měnẹ̌nampung kal᷊awọu karal᷊akiku, mase i wěke su apan tampạ.

⁸Kěbị apam měmpẹ̌bẹ̌binsịu iạ e měmpẹ̌sẹ̌sasiang; kụ i sire mạhumbisarang kakakoạku limembong karal᷊akise.[24]

⁹Angkuěng i sire, ”Sakịe mawěhạ-běhạ, i sie seng tawe saụ makapẹ̌bangung.”

¹⁰ Saral᷊aing hapị limembon takụ pangimangeng e, i anu nạung bọu kimaěng dingangku e, seng něhinakang si siạ.

¹¹Tal᷊ěntụkong iạ e MAWU, apakaul᷊eko iạ, tadeạu iạ e makapěmal᷊isẹ̌ karal᷊akisu manga rokạku.

¹²Kereu iạ e tawe i kawatạ u rokạku, nasingkạ e iạ, u i Kau kawe nẹ̌tatal᷊ahino si siạ.

¹³I Kau e nẹ̌tul᷊ungu iạ ual᷊ingu katul᷊idu naungku, dingangu nakakariading iạ e wiahẹ̌ dingangʼU sarang marěngụ.

¹⁴ Pẹ̌daloko MAWU e Ruatang Israel! Pẹ̌daloko si Sie wọu orasẹ̌ ini ringangu sarang marěngụ-děngụ! Kariadiko kerene. Aming!