Read Sangir MAZMURẸ̌ 42 Bible Online

MAZMURẸ̌ 42 - Sangir bible

MAZMURẸ̌ 42

¹Baugu měngangahạ kantarị. Kakantarị tatěntiro su manga ghal᷊ipohong Korah.

²Mẹ̌sul᷊ungu rusa mẹ̌měnningu akẹ u sal᷊ụ, kerene himukudẹ̌ku e mẹ̌kẹ̌karalọ i Kau, o Ruata.

³Iạ e kụkaralọu Ruata wiahẹ̌, kụ angerẹ iạ e wotonge mẹ̌kal᷊iomaneng su Wal᷊e-Ne?

⁴Ěllo hěbi e iạ sụsangị, tumbạeng ěllom mata e kaěngku. Kanandung ěllo e rokạku makịbal᷊o, ”Suapa Ruatanu e?”

⁵Naungku e mạsusa kereu makạtahěndung nạung tempo kạngerẹ, piạ iạ e nạung makoạ sarang Bal᷊em MAWU ringangu taumata l᷊awọ kụ mẹ̌koạ sal᷊iwang. Iạ e rụdal᷊eng mạngal᷊imona ghapaěngu taumata kapẹ̌gẹ̌gione ringangu kakantarị daralo.

⁶Kai unụ e naungku e masusa ringangu kal᷊indasa? Iạ e mělẹ̌harapẹ̌ su Ruata. Tangu iạ e sarung makitarimakasẹ kapia si Sie, su Ruataku ringangu mananal᷊amatẹ̌ku.

⁷Su ěntana pinamembangeng ini e naungku e nal᷊ahěmpung, ual᷊ingu ene iạ nakatahěndung MAWU e. Himukudẹ̌ku e nionode su ral᷊ungu sěllihu kakěndusang, iạ e niambungangu lěbang pẹ̌kakal᷊emboghang; kere ghal᷊ědụu tědunangu Sal᷊ụ u Yordan bọu Wul᷊udu Hermon dingangu Wul᷊udu Mizar.

⁹Milumbạko MAWU e měnodẹ u kakěndagʼE su tempong ěllo, tadeạu su tempong hěbi iạ makapẹ̌kantarị, dingangu makapẹ̌kal᷊iomaneng su Ruata pungu pẹ̌bawiahẹ̌ku e.

¹⁰Iạ mẹ̌bera su Mawu Ruata tumatatawangku, ”Kawe unụ e i Kau e miwul᷊eng iạ e? Unụ e iạ harusẹ̌ turusẹ̌ pẹ̌tẹ̌tatahang u sunsara, ual᷊ingu sẹ̌sẹ̌dakengu manga rokạku e?”

¹¹Naungku e nararul᷊ẹ ual᷊ingu pělaheghesu rokạ. I sire turusẹ̌ makịbal᷊o, ”Suapa Ruata-Nu?”

¹²Unụ e naungku e masusa ringangu kal᷊indasa? Iạ e mělẹ̌harapẹ̌ su Mawu Ruata. Tangu iạ e sarung makitarimakasẹ kapia si Sie, su Mawu Ruataku ringangu mananal᷊amatẹ̌ku.