Read Sangir MAZMURẸ̌ 48 Bible Online

MAZMURẸ̌ 48 - Sangir bible

MAZMURẸ̌ 48

¹Mazmuru ghal᷊ipohong Korah.

²Mambem mawantugẹ̌ MAWU e ringangu rẹ̌daloěng tawẹ sihinge so soan Duatang kitẹ su wukide kụ susi e.[27]

³ Sion, bukidʼu Ruata mạngintěno maholẹ soan Datu Mawantugẹ̌ makạl᷊uasẹ̌ kạguwạu dunia e.

⁴Duata mạtanạ su ral᷊ungu kararatuange, nal᷊ahẹu mang i Sie hala měnaněntanudʼE.

⁵Kakěllạ e apan datu e nẹ̌tampung; i sire riměnta měmpangalo.

⁶Kaiso nakasilọ e wukidẹ̌ ene e i sire e němpẹ̌těngọ; kụ nẹ̌gẹ̌gahẹ̌ dingangu němpahuntal᷊ang ual᷊ingu nionganeng.

⁷Paị sene i sire němpẹ̌kenden takụ dingangu něngkatědụ, mẹ̌sul᷊ungu tau wawine měhěnding,

⁸mẹ̌sul᷊ungu kapal᷊ẹ̌ nararomban děllang maihạ.

⁹Mẹ̌sul᷊ungu kinaringihi kitẹ, ini e i kitẹ nakasilọ e, su Soam MAWU e Kụ Limembong Kawasa. Soa ene ute kai Soan Duatang kitẹ, i Sie tumatatawange sarang marěngụ-děngụ.

¹⁰Su ral᷊ungu Wal᷊e-Nu, i kami e mẹ̌sẹ̌sipiru kakěndagʼU, o Ruata.

¹¹ArengʼU e timeleng dingangu rẹ̌daloěng su kạguwạu dunia e, i Kau e mẹ̌pẹ̌parenta tuhụ kạadile.

¹²Balạete ral᷊ohon Sion dingangu Yehuda e pěmpẹ̌gion dal᷊uasẹ̌, ual᷊ingu i Kau e něhukungu rokạ i sire e.

¹³Pěmpělikụ e Sion, limbolongẹ e i sie, kụ dekenẹ e měnarane.

¹⁴Tinganeko manga mesele, parikẹ̌saiko těndạ e, tadeạu i kamene makapẹ̌běke su manga pal᷊ahiteng kamene e:

¹⁵”U kai i Sie e Ruata, Duatang kitẹ e sarang marěngụ-děngụ, i Sie sarung měngahạ si kitẹ e sarang kakalẹ̌.”